Aiseya 56:2 - DAWAN BÎLA AISKA

² Lilia pali sa baha uplika naha adarka nani nina bliki ba, kasak luki kira baha nani sut daukisa, ris yua ba kulkanka yabisa. Witin aman kaikisa saura ba daukaia apia.”

Aiseya 56:2 ပူးပေါင်းရင်းမြစ်များ

Nihimaya 13:17

Bamna yang bui Juda wihtka nani ra lawi daukri, bara wîri: —¿Man nani dîa saurka daukisma ki, ris briaia yua ra kulkanka yabras sma ba?

Lawana Nani 106:3

Lilia pali sa baha nani kasakka lâka dauki ba, bara piua sut diara kasak baman dauki ba.

Lawana Nani 112:1

¡Dawan ba mayunan kabia! Yamni pali sa baha waitnika, Dawan kulki nani ba, bara ai lâka bîla kat wali dauki ba.

Lawana Nani 119:101

Saura yabalka bani wina, yang mini nani alki takaskri, man bîlam wali daukaia ba mata.

Lawana Nani 128:1

Lilia pali sma man, Dawan ra kulki, bîla wali daukisma ba.

Lawana Nani 34:14

Watawi lâka ba wina irbi taks, bara yamni ba dauks, kupia kumi lâka ba pliki nina bliki bas.

Lawana Nani 37:27

Saura ba lama wina laihura takasks, bara yamni ba dauki bas, bara man ban kaia ra, anira iwi kaia pliska kum bri kama.

Impakan Sturka 20:10

sakuna yua 7 ba lika ris yua sa, wark takaia apia yua sa. Dawan Gâdkam ra kulkanka yabaia ris yua ba, baha yua ra wark sâtka kumi sin daukpara, luhpiam waitna, luhpiam mairin, albikam waitna, albikam mairin, daiwram nani, upla wala tawankam ra takaski nani ba sin baku daukbiara.

Impakan Sturka 20:8

“Ris yua ba, man nani âmya ra bri kupiam krauki bas, Dawan ra kulkanka yabaia yua ba.

Sins Lâka 14:16

Upla sinskira lika saurka ra sibrin lukisa, bara saura ba wina mahka taki auya, sakuna sinskas ba mapara, diara kumi sin tânka tara aihwa ba âpu sa.

Sins Lâka 16:17

Wapnikira nani ba lâ saura ba wina dakwi takaia sa, daukanka alki yamni alki bri ba uplika lika ai rayaka aihwaki kaiki brisa.

Sins Lâka 16:6

Kupia pinhka bara kasak tânka ba wal, watawanka ba kli wapni takan sakisa, bara Dawan ra kulkaia ba mita upla nani lâ saura wina laihura takisa.

Sins Lâka 4:13

Diara mai smalkan yaba dutki alks, bara aihwakras lika kapara; aihwaki kaiki bris, baha ba man rayakam bamna.

Sins Lâka 4:27

Yabalkam ba wina aimawahkpara; minam ba saura wina laihura sâks.

Smasmalkra 7:18

Kau yamni sa naha na dutki pali alkaia wan mihta alkan ba wina baha ba lanhkaia apia. Gâd ra kulki ba naha diara nani sut na wina pain takbia.

Aiseya 56:4

Kan Dawan ba aisisa: “Yunok nani ba riski yua nani kulkisa kaka, yang kupi lâka ba daukisa kaka bara yang lâika ba sin ai lama bîla kat witin nani alki bribia kaka,

Aiseya 56:6

Bara tringsar nani yang ra aiki nani ba, duki daukaia bara latwan kaikaia, bara duki dadaukra kabia, ris yua ba kulkbia bara tâski daukras kabia bara sin pain bapi bri kabia, yang lâika daukri ba,

Aiseya 58:13

“Ris yua kulki bas; baha yua man bisniskam daukpara, yang yui holi bamna. Man naha yua na lilia yua kum kulkma, Dawan yua holikira baku bara aitani witin ra aitani kulkaia; man bahara bisniskam nani daukras kira pain kulks, diara briaia dukiara apia.

Isikiel 20:12

Sabatki yua nani ba sin marikri, baha ba tukin kum kaia witin nani, bara yang wal maipara, bara kupia kraukanka kum yang, Dawan, yang duki baman bâk sakri kan ba.

Isikiel 20:20

bara kulki bribia kasak baku riski yua nani ba, baku tukin kum kaia, man nani bara yang wal. Baku damra walma yang sika Dawan Gâdkam sna ba.

Libait Lâka 19:30

“Man nani sabat yui nani ba kulki bas, holi pliska lâka ba yamni kulki bas. Yang sika Dawan.

Luk 11:28

Witin pana aisin: —¡Kau yamni pali sa baha uplika nani Gâd bîla wali, ba kat dauki nani ba!

Luk 12:43

Lilia pali sa baha albika ai dawanka balbia ba ra, dîa daukaia ai mihta ra swin ba kat dauki kaka sâkbia ba.

Jan 13:17

Bamna naha diara nani na tânka brih baha kat sin daukma kaka, lilia kama.

Roman 12:9

Latwan kaiks kasak tânka ra wal pana pana. Saura lâka ba misbara kaiks, kuna diara pain ba nina blîks.

Param Marikanka 22:14

Lilia pali sa ai kwalka nani tuski nani ba, raya kaia dusa ba wina briaia ai raitka briaia, bara sin durka nani bâk tawan ra dimaia sip kaia.