Aiseya 55:8 - DAWAN BÎLA AISKA

^8-9 Kan yang kupi lukanka nani ba, man nani kupiam lukra nani ba baku apia sa; bara yang wark daukisna ba sin man nani warkkam baku apia sa. Baku sin kasbrika purara nani ba, kau purara sa tasba ra ba wal, baku sin yang lukanki bara daukanki sin, man nani puramra sa.” Dawan baku win.

Aiseya 55:8 ပူးပေါင်းရင်းမြစ်များ

2 Samuil 7:19

¡Naha na diara bahki kum baku kulkram, Dawan, man ban luki bara aisaram albikam kiamka yua nani bîla kaikanka ba dukiara! Dawan, upla kumi sin man baku sip diara daukras.

2 King Nani 5:11

Bara Naamán naha walan ba ra, ai kupia sauhki, naku win: —Yang luki kapri witin ba taki bal ai aisabia, ai Dawanka Gâd nina mâki, ai mihta purara buki, bara liparka ba ra kangbi ai rakbia.

Job 35:5

Kasbrika tani ra tawi kaiks, bara kaiks nahki kasbrika nani ba man wina laih puramra pali sa.

Lawana Nani 25:10

Dawan ba piua bani latwan lâka ni, ai bîla aisi ba kat daukisa, baha nani ai lâka kat dauki bara kulki uplika nani ba wal.

Lawana Nani 33:11

sakuna Dawan diara daukaia lâka nani daukan ba, kauhras ban bâra sa.

Lawana Nani 40:5

Dawan, yang Gâdki, man warkkam aihkakira nani daukram ba ailal pali sa, yang nani dukira sin man luki kaikisma ba. ¡Diara âpu sa, man wal praki kaiki bara baha ba kau yamni sa wiaia! Warkkam tânka sut ba aisi sakaia brin ai daukisa; sakuna baha sut kulki sakaia yang sip apia sna.

Lawana Nani 92:5

Man Dawan, ¡nahki warkkam nani ba tara sa! ¡Nahki lukankam nani ba tihu sa!

Sins Lâka 21:8

Upla watawikira nani daukanka ba warha sa, pain apia sa sin; kunin âpu uplika diara dauki ba lika wapni sa.

Sins Lâka 25:3

Kasbrika laih purara ba, wan tasba tihuka tara ba sin, king nani lukanka ba, kupia sin sip pliki sâkbia apia.

Aiseya 14:24

Karnika sut bri Dawan ba swer taki aisin: “Kasak pali yang dîa luki kaikri ba kat daukan kabia; yang daukaia luki kaikri ba baku daukbia.

Aiseya 53:6

Yawan nani sut, sîp baku wan mawahkan, kumi bani ai yabalka ra tawi wan; sakuna Dawan ba, yawan nani sut wan saurka ba, witin ai purara sunan.

Aiseya 58:13

“Ris yua kulki bas; baha yua man bisniskam daukpara, yang yui holi bamna. Man naha yua na lilia yua kum kulkma, Dawan yua holikira baku bara aitani witin ra aitani kulkaia; man bahara bisniskam nani daukras kira pain kulks, diara briaia dukiara apia.

Aiseya 65:2

Maipara babura uplika nani mawanra, yu aiska yang mihti sakbri, witin nani sika yabal yamni apia bâk impakisa, ai kupia lukanka saura nani ba ninara;

Aiseya 66:18

Kan yang kaikisna, witin nani ai warkka ba; bara ai kupia lukanka nani ba sin. “Bara baha piua ra, yang balamna upla nani sut, twisa sâtka nani aisi ba, nisan nani ba asla daukaia; witin nani balbia, bara yang praina ba witin nani kaikbia.

Jirimaya 3:1

Dawan aisisa: “Waitna kum ai maya swibia bara mairka ba witin swi si, waitna wala ai maya bribia, bara witin ra swin waitnika ba kli bal mairka ba bribia apia. ¡Baku daukbia kaka naha kuntrika ra lâ krikanka tara takbia! Ban sakuna, Israel, man, liliam nani ailal wal ur takram, ¡bara nanara lika kli yang ra tawi balaia lukisma! Yang, Dawan, kasak aisisna.

Isikiel 18:29

“Kuna Israel tawanka wibia, yang kasakka lâka wal daukras sna. ¿Kasakka lâka wal daukras sna ki? ¿Kau pali Israel tawanka lika kasakka lâka ra daukras apia ki?

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Oseas 14:9

Sins tânka plaplikra nani tânkira, diara tânka kaikaia pliki nani ba, naha smalkanka tânka na bribia: Dawan yabalka nani ba wapni sa, upla kasak nani ba bahara wapbia; sakuna watawi dadaukra nani ba, baha yabalka ra ai mina prukisa.

1 Samuil 16:7

Sakuna Dawan bui witin ra win: “Mawan painka ra kaikpara, ai pâwanka ra sin apia, baha sut ba yang bahki kulkri sa. Yang lika waitna diara kaiki ba baku kaikras; upla lika mawan painka ra bamna kaikisa, sakuna yang lika kupia kat kaikisna.”