Aiseya 55:5 - DAWAN BÎLA AISKA

⁵ Man kakaira apia sma uplika nani ba man paiwma; upla nani mai kakaira apia kan ba man ra plapbia, yang Dawan, man Gâdkam, Israel ra Holikira ba, yamni mai kulkan ba mita.

Aiseya 55:5 ပူးပေါင်းရင်းမြစ်များ

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

2 Samuil 22:44

Tawanki aiklabanka nani wina pri ai sakram, main ai kaikram nisan nani wihtka ban kaia, upla nani kakaira apia kapri ba nanara duki daukisa.

Lawana Nani 18:43

Upla nani mapara bûi, unsabaia lihki nani ba wina dakbi ai sakram, nisan nani wihtka ai mangkram, upla nani yang kakaira apia kapri ba witin nani ba yang warkki daukisa.

Aiseya 45:14

Dawan bui Israel ra wisa: “Idsip insla dadaukra nani ba, Etiopía ra diara wauhi âiatkra nani ba, Sabá uplika nani yakura tara nani ba, man nani ra bawbia bara albikam nani takbia; sîn ra priskan man nani ninamra wabia, man nani mamwanra ai lula kriki bik takbia: ‘Kasak pali Gâd lika man nani tilamra sa, kan wala âpu, Gâd wala âpu.’ ”

Aiseya 45:22

Man nani, yang ra bal bara swaki mai sakamna, tawan tasba wala wina. Kan yang na Gâd sna, bara wala âpu sa.

Aiseya 45:23

Yang nini mâki swer takri ba, yang bîli dîa takan ba pura luan lâka ra bara baha ba kli ai ninara tawbia apia: lula nani sut ba yang ra ai lula krikan kabia, bara twisa bani sin swer takbia.

Aiseya 49:12

¡Man nani kaiks! Naha nani na witin nani laih wina aula: tila yahbra wina, bara tila muna wina, bara Asuán tasbaya wina sin.

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 52:15

baku nisan nani sin taibia; king nani witin kaiki ai mawanra ai bîla prakbia, kan witin nani ra diara wiras kan ba dukia nani ba marikbia bamna, bara witin nani diara walras pali kan ba baha tânka sin bribia bamna.

Aiseya 55:4

Kaiks yang bui witin ra yâri upla nani sut ra witnis aisaia, tâ uplika kaia, bara nisan nani smasmalkrika kaia.

Aiseya 56:8

Yang yabrika kli tawi balbia bara asla takbia, baha nani kau upla wala tasbaya ra bâra nani ba.” Dawan, baha kasak aisisa. Israel yarka kli tawi bal asla takbia baiwi takan ba.

Aiseya 60:5

Man baha kaikma piua ra, bara mamwan ingbia lilia mita, man kupiam ba lilia ni banhwan kabia; man ra dukia kukan ba kabu un tawanka wina kli tawi man ra aula ba kaiki. Nisan nani yuyaka kukanka nani ba sin kli tawi man ra aula bamna.

Aiseya 60:9

Baha duri tara nani Tarsis dwarka tara nani ba mita tâura aimaki aikuki asla taki aula ba, laih wina luhpiam nani ba dukia brih aula, silbar bara gul sin, Israel Gâdka Holikira, Dawankam ba, kulkanka yabaia, witin mita sika pranakira mai paskan ba.

Jirimaya 30:19

Witin nani lilia lawana tâ bri aiwanbia lilia kikanka ba sin. Kau wiria takbia apia, witin nani kau ailal daukamna. Bahki kulki kabia apia, kan yang mita witin nani ba yamni kulkamna.

Isikiel 39:7

Yang yabrika nini holikira ba upliki Israel kakaira takbia, bara yabrika ban tâski dauki kabia apia. Bara nisan tringsar nani ba kaikbia, yang, Dawan, holikira lâka marikisna ba Israel ra.

Oseas 1:10

Yu kumi, Israel luhpia nani ba, auhya ailalka kabu un ra ba baku kabia, upla kumi sin, witin nani ba sip kulki sâkbia apia. Witin nani ra “Man nani ba upliki nani apia sma” wiaia watlika ra, Dawan bui wibia: “Man nani ba, Dawan raya ban bâra ba luhpia nani sma.”

Sakaraya 2:11

Baku takbia ba ra, upla kiamka ailal Dawan wal asla takbia. Bara Dawan naku wibia: “Baha uplika kiamka nani sin, yang upliki nani kabia, bara yang lika man nani tilamra iwi kamna.” Baku man nani sin tânka brima, karnika sut bri Dawanka ba mita ai blikan ba.

Luk 24:26

¿Bamna Misaya dukia apia kan ki naha pâtka nani wahwi si, ai prana ra dimi iwaia?

Jan 17:1

Jisas naha diara nani aisin ba ningkara, witin kasbrika pura ba tani ra tawi kaiki, naku aisin: “Aisa, awarka ba pat aimakan sa. Bamna Luhpiam ra mayunra yas, bara baku mika witin mita sin mayunra maikbia.

Apastil Nani Sturka 3:13

Apia, sakuna Ebraham, Aisak, Jekob bara wan damika nani sut Gâdka mita ai Luhpia Jisas ba purara pali buki prana daukan, baha sim Jisaska ra sika man nani mita wihta nani mihta ra mangkatma ba, bara Pailat pri sakaia win ba ra, man nani apia wisatma ba.

Apastil Nani Sturka 5:31

Gâd mita witin ba purara buki ai mihta aihkika tani ra yan iwan. Witin ba sin Wihta Tara bara Sasakra sin mangkan, Israel nisanka ra piua yaia, ai kupia lakaia bara ai saurka nani ban swin tikan lâka briaia ba dukiara.

Roman 15:20

Baku sika trai kaikri swaki sakan lâka sturka ba smalkaia, Kraist nina kau walras pliska nani ra, upla wala mita pat playa kum bapan purara utla paskamnara sîa.

Epesus 2:11

Bahamna, piua luan ra man nani dîa sât uplika nani katma ba dukiara kupiam krauki bas. Man nani lika Ju nisanka apia katma; baha mita Ju nani, upla ra Aisa sainka dauki bara witin nani lika “Aisa sainka bri uplika nani” aisi ba mita man nani lika “Aisa sainka luha uplika nani” mai mâkisa.

Epesus 3:5

piua luan ra diara kum yukukan ra kan, upla kumi ra sin baha dukia ba param saki marikras kan ba, sakuna naiwa lika Gâd Spiritka bâk, ai apastilka holikira nani ra bara ai prapitka nani sut ra param marikan.

Hibru Nani 5:5

Baha sim natka ra, Kraist ba ai karnika mita prîs tara aimakras kan, sakuna Gâd mita baha kulkanka lâka ba yan, witin ra win kan ba baku: “Man ba yang luhpi sma; naiwa yang na man Aisikam takri sa.”

1 Pita 1:11

Kraist Spiritka mita, patitara piua wina pât wahwaia kan ba prapit nani ra param mariki kan, bara baha ningkara prana balaia kan ba sin; bara witin nani baha uplika ba ya sapa pliki sakaia trai muni kan, bara baha Spiritka witin nani ra iwi kan ba mita piua mariki kan ba, ani sapa sin kaikaia pliki kan.