Aiseya 55:2 - DAWAN BÎLA AISKA

² ¿Plun apia ba dukiara dîa muni lalah yabaia? ¿Dîa kan wark taki lalahkam sakisma ba âmyapah mai daukras ba mana yabaia? Man nani, yang ra aman wals, bara plun pain nani ba pima, plun auhni nani ba pima.

Aiseya 55:2 ပူးပေါင်းရင်းမြစ်များ

Lawana Nani 22:26

Taiban ra uplika nani sma ba plun pis, man nani aibanhwisma ba kat; man nani bui Dawan plikisma ba, witin ra mayuns, bara mani ailal raya kama.

Lawana Nani 34:11

Bal, luhpi nani, man nani, yang ra wals; yang Dawan ra kulkaia lâka ba, man nani ra mai smalkamni.

Lawana Nani 36:8

Man wamtla ra plun ailal pura lui ba pih, witin nani ai âuyapah pali sa; man sin witin nani ra, awala kum wina kau lilia wan saki ba laya ba dauki dakakisma.

Lawana Nani 63:5

Yang âuyapah pali takamni, upla nani pata tara kum ra, pih ai âuyapah lilia taki ba baku, bara yang bîli ba liliakira man ra mamyunbia.

Impakan Sturka 15:26

Witin nani ra win: ‘‘Man nani ra mai wisni, aisisna na man nani aman wali brima kaka, yang, man nani Dawan Gâdkam, man nani ra mai wisni, yang yamni kaikaia brin ai dauki ba man nani daukma kaka, lâika bîla nani ba wali daukma kaka, Idsip uplika nani purara klala blikri ba klalka nani ba, man nani puramra blikamna apia. Yang sika Dawan, man nani ra sikniskam nani wina mai rakisna ba.”

Sins Lâka 1:33

Sakuna yang ra ai wali uplika nani ba, kupia kumi lâka ra iwbia; bara pât briaia sip ba laihura kabia.”

Sins Lâka 7:23

tnawira kumi alkaika kat aihni pali dimi ba, bara witin baha ba kaikras ai rayaka pruaia dukiara daukan ba, trisbaya kumi ningkara ai kupia sabi baila walak luki ba.

Sins Lâka 8:32

“Bara nanara, luhpi nani, yang ra wals; yamni pali kama, yang yabalki ra kaka.

Sins Lâka 9:5

“Bal, man nani, plun brisna na wina pis; bara wain ridi daukri na wina sin diaia.

Smasmalkra 6:2

Gâd mita kukanka yabisa, yamni kaia lâka, kulkanka lâka sin, bara diara nitka bri ba luha apia kabia; sakuna baha wina brih ai âuyapah kaia yabras, upla wala ni liliaka ba brisa. ¡Naha sut ba bahki baman sa, kasak pali naha ba sari lâka sa!

Aiseya 1:19

Man nani bui yang bîli wali daukaia wima kaka, plun pain nani tasba wina taki ba man nani pima;

Aiseya 10:27

Baha piua ra ban takbia wirhikam nani pamhpaya ra sunan ba, sakan kabia; namna dusa ra raskaika dusa wilkan ba sin.”

Aiseya 25:6

Saion ilka ra, Dawan karnika sut bri ba mita, nisan nani sut ra lilia kum daukbia, pata piaia auhni bara wain laya pain ba ridi daukisa.

Aiseya 44:20

Kasak pali sika, yamhpus piaia baku, lukanka bahki ni ai kupia ra kunin munan baha uplika nani sip swak takras kabia. Sip ai dahra wali luki kaikras, ai mihta ra alki ba diara bahki ba.

Aiseya 46:6

Upla nani tila bâra sa ai pakitka wina gul ailal saki ba bara silbar paun ra mangki kaiki ba; ningkara ai mihta ni diara papaskra kum ra yan gâd bahki kum paskaia, witin ra ai lula kriki bara mayunaia.

Aiseya 51:1

“Yang ra wals, man nani kasakka lâka ra iwaia nina bliki nani sma ba, bara yang ra ai plikisma ba —Dawan aisisa—. Man nani baha walpaya ra kaiks, baha wina man nani mai klaki sakan ba, bara kaiks baha walpaya sakaika ba, baha wina man nani mai daiki sakan ba;

Aiseya 51:4

“Aman yang ra wals, yang upliki nani, bara ai wals, nisanki nani: kan yang wina lâ smalkaia ba bal takbia, bara yang kasakki lâka ba upliki nani ingnika kaia dukiara.

Aiseya 51:7

“Yang ra ai wals, man nani kasakka lâka kakaira sma ba, upliki nani lâika nani bîla kaikanka brisma ba. Swappara witin nani saura mai wi ba dukiara,

Aiseya 62:8

Dawan ba swer takan ai klahkla aihkika karnika ba buki: “Kli swirka man plawarkam ba wina waihlam nani pibia apia, tringsar nani ba sin man wark takram wainka ba wina dibia apia;

Aiseya 62:9

sakuna man nani mâ kriki baha wina pima bara man bui yang ra ai mayunma; bara wain mâ ba wahma bara wain ba dima, waitla kutbanka holikira bilara bal dima.”

Aiseya 65:23

Witin nani bahki ra wark takan kabia apia, ai luhpia nani sin piua kau aimakras prubia apia, kan witin nani ba, Dawan wina ai yamnika yan kiamka nani bamna, bara witin nani ai kiamka ba sut baku kabia.

Jirimaya 12:13

Witin nani plawar mâ mangkan sakuna kiaya dâkan; wark nani daukan ba sut bahki takan. Pata mâ nani ba sut aisawi luan yang lawanki ba tâka mita.”

Jirimaya 17:24

‘Yang, Dawan ba, kasak aisisni: Man nani bîli wali dauks kasak aisisna, ris yua ra man nani diara kwahki bal tawan ra dimpara; baha yua ba yang yui aik, bara wark wala baha yua ra daukpara.

Jirimaya 2:13

“Yang upliki nani aima wâl saura daukan: ai lulki ai swin, yang rayaka laya kârma ra ai briras, witin nani lî watla paskan, laya watla nani ba iswisa sip lî alki takaskras ba.

Jirimaya 31:14

Daukamni prîs nani ba plun kau pain ba piaia yang tawanki ba ai lilia bribia diara ailal brisna ba wal. Yang, Dawan, kasak aisisna.”

Oseas 12:1

Efraín ba, pâsa pih ai biara banhwisa: yu aiska, lalma payaska krawi ba ninara auya. Kunin aisi ba kau aisaia, lâ krikanka nani dauki ba kau daukaia lan takisa. Asiria wal lâ nani daukisa ba ra, batana laya prisantka nani, Idsip ra blikisa.”

Oseas 8:7

Witin nani pâsa baman mangkan bara pâsa saura karna krawi ba baman dâkbia; plawar mangkan ba dusa wina plawar sin sâkbia apia, ban kra witin nani baha sâkbia kaka sin, witin wal kakaira apia nani baha pibia.

Abakuk 2:13

Dawan ai karnika sut bri ba mita, wark karna takram nani ba sut bahki ra lakan kabia, warkkam nani daukram ba, pauta ami ba mita angki sauhki tikan kabia.

Matiu 15:9

Yang ra mayunra aikbia ba bahki kabia, ai smalkanka nani ba upla lâka atia sa bamna.’

Matiu 22:4

Alba wala nani blikan, naku wisi: ‘Paiwan uplika nani ra wis, plun ba pat ridi sa. Bîpki nani bara daiwri batanira nani pat ikri, bara diara sut ridi sa; man nani marit pata ra bal.’

Matiu 5:6

“Lilia pali sa baha nani plun dauki bara diran dauki baku ba kasakka lâka dukiara, kan witin nani ba âuyapah lâka bribia.

Mark 7:14

Jisas kli upla nani ra naku win: —Man nani sut yang ra wali, tânka sin bris.

Luk 15:23

Bîp lupia batanira ba sin sal iks, ¡bara kaisa yawan baha pih lilia daukaia!

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

Roman 10:17

Baku bamna, kasak lukan lâka aula walan ba tâka wina, bara wali yaba lika Kraist sturka sika.

Roman 9:31

Sakuna Israel luhpia nani lika, witin nani lâ lat daukaia kumi nina bliki kan Gâd mawanra yamni kulkan kaia kan ba, bara witin nani ra baha lâka kat mita sip yamni kulkras.

Kli Smalkanka 11:13

“Kupiam aiska kira, sulkam aiska kira Dawan Gâdkam ra latwan kaiki mayuni, bara ai lâka nani mamrikan ba ban dauki kama.

Hibru Nani 13:9

Smalkanka sât aihka nani bara tringsar nani mita yarka yabal kasak ba wina mai brih wabiara. Wan sulka nani ba Gâd kupia yamnika lâka ba karnika bribia ba kau pain sa, plun lâka nani bîla wali daukaia ba wal; baha nani naha lâka nani bîla wali dauki banhwi na wina hilp kumi sin briras sa.