Aiseya 55:13 - DAWAN BÎLA AISKA

¹³ Kiaya nani tasbaya ra awas nani pâwbia, tangni kiaikira watlika ra tangni kîa painkira pâwbia; bara nina kum kabia Dawan ra, ban kaia sainka kum dukiara, ban kaia ra klaki sakan kabia apia.”

Aiseya 55:13 ပူးပေါင်းရင်းမြစ်များ

Lawana Nani 96:12

¡Twi bara dîa dîa ai bilara bri ba sut! ¡Dus tara nani, unta biara nani ba sut lilia wini kabia;

Aiseya 19:20

Baha ba sain kum, witnis sin kabia karnika sut bri Dawanka ra Idsip tasbaya ra. Witin nani Dawan hilp makabi winbia, witin nani ra rausasauhkra nani ba mapara, bara witin, baha nani ra swaki sasakra blîkbia, kan suni pri sâkbia dukiara.

Aiseya 32:13

Yang upliki nani tasbaya purara, kiaya bara rahra nani pâwbia, tawan tara ra, utla nani kau liliakira nani kan ba purara sin.

Aiseya 35:1

Upla iwras tasbaya ba, lilia taks, tasba lâwan nani yakan swin kan ba lilia takbia, lapta tasbaya ba sin lilia bribia, tangni baku tangnika baiwbia.

Aiseya 35:2

Tangnika ailal baiwbia, bara sin witin lilia aiwanbia, liliakira pali. Líbano mayunra ba witin ra yan kabia, Carmelo, Sarón prana ba sin tasba maura ra. Upla sut Dawan prana ba kaikbia, wan kingka Gâd prana ba.

Aiseya 41:19

Upla iwras tasbaya ra yalam nani mangkamna, tangni dusa nani bara oliv nani sin pâwbia; tasba lâwan ra yabrika awas sâtka dusa nani mangkamni, dus nani bara awas nani sin aikuki asla pâwbia,

Aiseya 43:21

Naha uplika nani ba yang mita paskri; yang maiyunra dahra ba aisaia.

Aiseya 5:6

Yang daukamna ba, lulki swin tasbaya baku kabia; dauhbia apia, inmika sin daikbia apia, kiaya dusa saura nani pâwbia. Kasbrika nani ra adar yamni, lî baha purara auhbia apia dukiara.

Aiseya 54:10

Ban kra il nani ba, ai pliska wala ra tawbia kra bara kiuhsi nani ba tasba ra kauhbia kra, yang latwanki ba lika man dukiamra aihka lakamna apia, baku sin tasba ra kauhbia apia sa, yang lâ daukri kupia kumi lâka ba.” Dawan umpira mai kaiki ba baku wisa.

Aiseya 56:5

witin nani luhpia waitna nani ba, luhpia mairin nani ba wal, diara kum kau pain ba yang bui witin nani ra yabamna, tempelki ra witin nani nina ba klaki ulbi yabamna; kutbanki nani ba bilara bâra ban kaia; ban kaia ra nina kum witin nani ra yabamna, sip diki sakras kabia ba.

Aiseya 60:13

Dawan ba Jerusalem ra aisisa: “Líbano ra prana ba man ra balbia, awas pauni nani, awas dusa bara saiprus dusa nani ba sut, yang tempelki bilara prana daukaia dukiara, bara yang mini taibaika watla bilara yamni kulkamni. Baku Dawan Jerusalem ra aisisa.

Aiseya 60:17

“Bara bras watlika ra gul maikamna, ayan watlika ra silbar, dus watlika ra bras, bara walpa nani watlika ra ayan.

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Aiseya 63:12

¿Witin ai karnika pranakira ba Moses wal waia daukan ba, witin Kabu Pauni laya ba aihka baiki sakata ba ai uplika nani mawanra, baku dauki witin ai nina mayunra prana ban kaia ra ba alkan kaia,

Aiseya 63:14

daiwan nani il bîla ra iwi auya ba baku?” Dawan spiritka ba witin nani tâ bri kan. Witin ai uplika nani ba baku tâ brin bara upla ailal aisaia daukan.

Aiseya 7:11

“Dawan Gâdkam ra makas sain kum dauki mamrikaia, baha ba man ra tukin kum kaia, tihuka kau tihu ba wina, apia kaka kasbrika purara ba wih kau purara ba wina.”

Aiseya 7:19

Bara baha nani balbia, witin nani sut, twi saura tasbaya, il bîla nani ra takaskbia, walpa untika nani ra dimbia, kiaya dusa nani tilara daiwan lî diaika pliska nani ra sin.

Aiseya 7:24

Trisba bara pantamangka brih upla ba bahara waia sip sa daiwan wail ikaia, tawan aiska, kiaya man takbia.

Jirimaya 13:11

Upla ai maisa wila ai maisa ra aubi wilki ba baku, Israel bara Juda upliki nani ba baku laima pali kat bri katna, yang upliki nani kaia, bara witin nani bui upla wala nani ra yang nini ba wiaia, yang ra pain ai kulki praina dauki uplika nani kaia. Sakuna witin nani bîli wali daukras. Yang, Dawan, kasak aisisna.

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

Jirimaya 50:5

Saion ra waia yabalka ba makabi walbia, bara naku aisi baha tani ra wabia: ‘Kaisa Dawan ra yawan waia, lâ kum daukbia witin wal asla ban kaia lâka, kli sin wan âuya tikaia apia.’

Isikiel 28:24

‘Israel ba kli pât wauhbia apia, kiaya tatwa bara latwan pali ba misbara ni upla wala nani kîa ba mita kaiki ba. Bara ai tânka bribia yang sika Dawan sna ba.’

Miqueas 7:4

Witin nani tilara upla kanra yamni nani kan ba lika, kiaya dusa baku takan sa, upla kau wapnikira nani kan ba sin, rahra pali man baku takan sa. Sakuna witin nani klala briaia yua aula; baha aihwawakra aisin yua ba, baha taim sika, tanis turban kaia lâka witin nani tilara takbia.

Sakaraya 1:8

Tihmia kum naha lilka aihka kaikri: Waitna kum aras pauni ra uli kan; witin il bîla langnika kumi ra takaskan kan, tangni nani pâwi kan ba tilara, bara baha ninara aras wala nani sin bûi kan, tila taya pauni, taya sai, pihni sin kan.

Luk 2:14

“¡Gâd ra mayunan kabia laih purara! ¡Kupia kumi lâka tasba ra, witin mita yamni kaiki uplika nani tilara!”

Jan 15:8

Bamna man nani mâ manis sakuma ba ra, Aisiki ba mayunra brisa, bara baha ba mita marikisma man nani ba kasak disaipilki nani sma.

Roman 6:19

(Naha na upla natka ba kat yang aisisni, kan man nani upla baku naha diara tânka nani ba sip param briras sma ba dukiara.) Kaina piua ra man nani wînam ba tâski lâka bara saurka lâka mihta ra mangkram kan, saura daukaia dukiara. Baha sim natka ba kat, nanara wînam ba kasakka lâka mihta ra mangks, aiska holikira lâka ra iwi kaia dukiara.

2 Korint 5:17

Baku bamna, ya Kraist wal asla takan sa kaka, witin lika upla raya kumi sa; diara almuk nani ba lui wan sa, bara nanara diara raya baman takan sa.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.