Aiseya 54:13 - DAWAN BÎLA AISKA

¹³ Bara luhpiam nani sut ba, Dawan mita ai bîla ba smalkbia; bara witin nani sut pâwanka tara pali bribia.

Aiseya 54:13 ပူးပေါင်းရင်းမြစ်များ

Lawana Nani 119:165

Baha nani smalkankam ra latwan kaiki ba kupia kumi lilia brisa; bara ai mina batakaia âpu sa.

Lawana Nani 119:33

Dawan, man lâmka nani mangkram yabalka ba ai smalks, bara yang baha nina bliki kamni ban tnata kat.

Lawana Nani 71:17

Dawanki, wahma katna ba wina ai smalkram, bara ban kau aisisni, man warkkam tara daukram ba.

Aiseya 11:9

Yang ilki holikira aiska ra saura munbia apia, sauhki sin tikbia apia; tasba ba Dawan tânka kaikaia lâka ni banhwan kabia, kabu pura aiska lî nani praki brin ba baku.

Aiseya 2:3

upla sâtka nani ailal ba aisabia: “Bal, man nani, kaisa Dawan ilka ra uli waia, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan, witin ai yabalka nani ra wapbia.” Kan Saion wina sika, Dawan lâka smalkanka nani ba bal takbia, Jerusalem wina ai bîla balbia.

Aiseya 26:3

Man mita baha uplika kupia kumi lâka aihwa pali bri ba main kaikma, witin ai kupia lukra man kat piua bani mangki bri ba; kan witin bui man ra kasak luki ba mita.

Aiseya 28:9

Witin nani ba yang wina walan wisi daihra aisi si, bara wisa: “¡Yawan ra aula smalkan wankaia, wan smalki wan marikaia! ¡Yawan na tuktan lupia bamna,

Aiseya 29:24

Aimawahkan nani ba sins briaia lan takbia, rarangbra nani ba sin lâ smalki yan ba witin nani lan takbia.”

Aiseya 48:18

¡Bamna man, yang lâika bîla nani ra walram kan kata! Bâra lika man ra kupia lâka ba awala kum baku kaia kan, bara yamnika nani man ra taki ba kabu ripka nani baku kaia kan.

Aiseya 50:4

Dawan mita ai smalkan swapan nani ba yang mita maisa nihkaia, tasapaia bîla nani aisi. Titan bani lukanki ra ai munisa witin aisi ba pain wali kaia, swapni bani kira baku walaia dukiara.

Aiseya 54:12

Tawerkam nani ba, walpa manakira nani ni mâkamni, getkam nani ba sin walpa manakira ni paskamni, bara tawankam kutbanka ba sin sut walpa manakira ni paskamni.

Aiseya 55:12

“Man nani lilia pali baha wina taki wama, bara kupia kumi lâka wal, man nani tasbayam ra kli tawi balma. Il nani bara kiuhsi nani sin, man nani mamwanra lawana aiwanbia, bara twi ra dus nani ba sin sut ai mihta pruki lilia daukbia.

Aiseya 66:12

Kan yang Dawan sna ba, naku wisni: Yang bui witin ai purara kupia kumi lâka durka ba sakamna, awala kum baku, bara nisan nani dukia kukan ba, lî kârma nani iswi taki ba baku takbia. Bara man nani baha tialka laya ba dima, witin ai klahkla nani ra mai twilkbia, ai kuhma purara sin mai klâkan kabia.

Jirimaya 31:34

Bara upla ai walka ra, ai uplika nani ra, ai taya nani yang ai kakaira takaia smalkaia nit apia kabia, tara ba wina sirpi ba kat upla sut ai kakaira kabia. Saurka daukan pâtka nani swih tikamna bara kli kupi ra brimna apia. Yang, Dawan, kasak aisisna.”

Jirimaya 33:6

Sakuna yang kli witin nani ba sîka rakamna, bara pain kulkan kupia kumi kaia kli baku takaia apia liliaka briaia daukamni.

Isikiel 34:25

Witin nani wal lâ wilkanka kum daukamna, yabrika rayaka kum lamni kabia. Yabrika tiwbia kuntri daiwra wail nani ba. Baku sîpki nani ba sip kabia lamni ra iwaia, plis kum param ra bara unta tilara lika apia.

Isikiel 34:28

Nisan tringsar nani ba, kli witin nani purara kabia apia; daiwan wail nani sin pibia apia. Lamni iwbia, upla kum sin sirang ikbia apia.

Isikiel 37:26

Witin nani aikuki lâ kum daukamna, ai rayaka lamni lâka ra iwi kaia dukiara. Ban kaia ra wilkanka kabia. Yabrika ailal pali takbia, bara ban kaia ra tempelka holikira ba witin nani tilara mangkan kabia.

Oseas 2:18

“Baha yua ra, Israel dukiara yamni daukamni: daiwan wail nani ba wal lâ kum daukamni, tnawira, piuta nani aikuki; pantamangka, sord, war aiklabaia dukia nani ba, naha kuntrika wina sauhki âpu daukamni, yang upliki nani ba, ai âuyapah ris bri kabia dukiara.

Miqueas 4:2

upla sâtka nani ailal naku aisi balbia: “Bal, man nani, kaisa Dawan ilka ra uli wap, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan lika witin ai yabalka nani ra wapbia.” Kan Saion wina sika Dawan lâka smalkanka nani ba bal takbia, âu, Jerusalem wina ai aisanka balbia.

Sakaraya 10:7

Efraín uplika nani ba suldiar kum baku kabia. Ai kupia lilia kabia, wain din liliaka ba baku, ai luhpia nani sin baha kaiki lilia takbia. ¡Witin nani ai kupia ba lilia man kabia Dawan dukiara!

Matiu 16:17

Bara Jisas witin ra win: —Man ba yamni pali sma, Saiman, Jona luhpia, kan naha na Aisiki kasbrika purara ba mamrikan sa, upla kumi mita lika apia.

Luk 24:45

Bamna Ulbanka nani tânka ba yan brin,

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Jan 6:45

Prapit nani wauhkataya ra naku wisa: ‘Gâd mita upla sut ra smalkbia.’ Baku bamna, Aisa ra wali uplika nani ba, witin ba wina lan taki yang ra aula.

Apastil Nani Sturka 2:39

Naha pramiska na lika man nani bara luhpiam nani sut dukiam sa, bara upla nani laihura banhwi ba sut dukia sin; wibia kaka Dawan wan Gâdka paiwaia luki uplika nani ba dukia sin.

Roman 14:17

Bamna Gâd King aimaki ba lâka lika piaia, diaia wal tânka apia sa, sakuna baha lika wan rayaka wapni briaia lâka sa, bara kupia kumi lâka bara lilia lâka Spirit Holikira bâk yawan bri ba tânka sika.

Roman 15:13

Bamna Gâd bui man nani ra bîla kaikaia lâka maiki ba, lilia bara kupia kumi lâka ni mai banhkbia, kan man nani sika witin ra kasak lukisma ba, bara bîla kaikanka sin uya maikbia Spirit Holikira karnika ba mita.

Roman 5:1

Baku bamna, kasak lukan lâka ba mita Gâd mita kasakkira wan kulkisa, bara wan Dawan Jisas Kraist ba mita yawan na Gâd wal kupia kumi lâka ba brisa.

1 Korint 2:10

Naha dukia nani sika Gâd ai Spiritka bâk, tânka nani wan marikan ba. Spirit lika diara sut turbi kaikisa, Gâd tânka nani tihu ba sin.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Epesus 4:21

ban kra man nani bui witin ba dukiara aisin walram, bara witin mita sika praki mai smalkan, nahki Jisas ra baman kasak tânka ba bâra sa.

Pilipai 4:7

Bara Gâd ai kupia kumi lâka bara upla tânka briaia praiska sut pura lui ba, witin maikbia; bara naha kupia kumi lâka na, man kupiam nani lukanka nani sin main kaiki kabia, Kraist Jisas wal asla.

1 Tesalonaika 4:9

Wan muihni nani ra latwan kaikaia tânka dukiara lika, yang diara kumi sin âpu sna man nani ra mai ulbaia, kan Gâd pali mita pat mai smalkan sa, pana pana walkam nani ra latwan kaikaia.

Hibru Nani 8:10

Baha yua nani ningkara Israel nisanka wal lâ daukamna ba naku kabia wisa, Dawan bila: Yang lâika nani ba witin nani lukanka ra mangkamna, bara ai kupia nani bilara baha nani ba ulbamni. Bamna yang lika witin nani Gâdka takamna, bara witin nani ba upliki nani kabia.

Hibru Nani 8:11

Kumi bani sin ai uplika ra bara ai muihni ra sin wiaia apia kabia: Man ba Dawan tânka kakaira taks. Kan upla sut yang ra kakaira banhwi kabia, witin nani tilara kau sirpika ba wina kau tarkika ba kat.

1 Jan 2:20

Sakuna Kraist mita man nani ra Spirit Holikira maikan sa, bara baha mita man nani sut diara tânka kaikaia lâka brisma.

1 Jan 2:27

Sakuna man nani lika Spirit Holikira Jisas Kraist wina maikan ba brisma; baha mita upla wala mita mai smalkaia apia sa, kan Spirit Holikira ba diara nani sut mai smalkisa, bara dîa witin mita smalki ba kunin apia, rait pali sa. Baku bamna, Spirit Holikira mai smalkan ba kat, Kraist wal asla ban bas.