Aiseya 54:11 - DAWAN BÎLA AISKA

¹¹ ¡Sari takan tawanka, pâsa karnikira mita sauhki tikan, upla kumi sin âpu maisa nihkaia! Yang walpayam nani ba walpa wala manakira nani purara karna daukamna, playkam nani ba sapair playka purara bapamna.

Aiseya 54:11 ပူးပေါင်းရင်းမြစ်များ

1 King Nani 5:17

Bara king bui win: “Walpa tara nani bara manakira sâtka nani ba bri balbia, baha ba tempel watla playa kabia, baku sin walpa nani klaki pain daukan ba sin brih balbia.”

1 King Nani 6:30

Tempel bîla aiska ba gul ni lalauban lata tani ra sin.

1 Kronikas 29:2

Yang karniki aiska ni Dawan tempelka paskaia dukiara gul, silbar, bras bara ayan nani ridi daukri sa. Silak nani ba sabaia ra yus munbia dus ba diara nani dus ni daukaia dukiara, walpa sangni ba walpa sangni ni daukaia dukiara, walpa manakira ba walpa manakira ni daukaia dukiara, walpa siksa nani ba diara nani walpa siksa ni daukaia dukiara, bara walpa manakira sât sât ba bara walpa pihni lipi ba sâtka sin ailal pali ridi daukri sa.

2 Kronikas 3:6

Watla ba sin walpa klauhira painkira wal lalauban, gul kau pain ba ni paskan

Job 28:16

Gul kau manakira pali ba ni sin sip aibapras sa, walpa klauhi bara yaspir walpaya ni sin apia.

Lawana Nani 34:19

Upla yamni baman dauki ba, pât uya wahwisa, sakuna Dawan mita baha pâtka nani sut ba wina pri sakisa.

Impakan Sturka 2:23

Mani nani lui ba tilara Idsip kingka ba pruan. Sakuna Israel luhpia nani lika ban alba lâka munhtara pât saura wahwi kan. Witin nani ini ai mâmna lulki makabi kan ba Gâd walan.

Impakan Sturka 24:10

Bahara witin nani Israel Gâdka ba kaikan, bara ai mina tani ra diara ingni kum bûi kan, sapair walpaya ni paski palkan baku kan, bara ingni kan kasbrika ingnika baku.

Impakan Sturka 3:2

Bahara Dawan insalka kum witin ra latan takan pauta buki klauhi baku, kiaya dusa kum tilara. Moses aman pali kaikan kiaya dusa ba buki amisa sapa, sakuna amras sa.

Impakan Sturka 3:7

Sakuna Dawan kau ban witin ra aisi, win: —Yang upliki nani Idsip ra pât saura wahwi ba param pali kaikisni. Wark pura kakaira nani ba mita witin nani ra saura muni bara ai mâmna lulki ini makabi ba yang walri, yang kasak pali kaikisni witin nani pât saura pali wahwisa.

Yamni Kulki Lawana 5:14

Ai mihta nani ba lika, gul mihtadingka nani sa, taya pura ba walpa klauhira siakni ni yukan baku sa; ai wîna tara ba pihni pali sa, taya ba walpa klauhira sangni ni purak yukan sa.

Aiseya 14:32

¿Baha kuntrika ra blikan uplika nani aula blikan pana dîa wibia? Dawan mita Saion ba nikbras, bûi kaia daukan, baha nani sarka pakan ba bahara bri yukuwaika ba yabia.

Aiseya 28:16

Baha mita, Dawan ba naku wisa: “Saion ra walpa kum mangkamni, walpa kum mana tara pali bâk saki briri ba, walpa pas, sut wihtka ba, baha purara mâki kaia walpaya ba, ya witin ra kasak luki ba ai âuyapah kaia sip kabia.

Aiseya 44:28

Ciro ra yang wisna: ‘Man ba yang sepadki kama, man daukma yang dîa daukaia want sna ba sut’; yang bui Jerusalem ra wisna: ‘Man ba kli mai paskan kabia’; Bara tempel ra sin wisna: ‘Man ra playa tara nani kli bapbia.’ ”

Aiseya 49:14

“Saion aisisa: ‘Dawan ba yang ra lulki ai swin, yang Dawanki ba ai âuya ai tikan.’

Aiseya 51:21

Baha mita tawan tara sarikira, nanara naha wals; man bla pali sma ba, sakuna wain dih lika apia.

Aiseya 51:23

Baha nani sarkam papaskra nani ba mihta ra kapka ba mangkamni, witin nani bui man nani ra mai win: ‘Tasba ra prawi kama bara yang nani lika man puramku wapi luamna’; bara man wînam tara ba baku, tasba ra prawram bara witin nani mai taiban.”

Aiseya 54:12

Tawerkam nani ba, walpa manakira nani ni mâkamni, getkam nani ba sin walpa manakira ni paskamni, bara tawankam kutbanka ba sin sut walpa manakira ni paskamni.

Aiseya 54:6

Man maya mairin tiara kum baku sma, lulki mai swin bara sarikira sma, sakuna man Gâdkam kli mai winan, bara mai wisa:

Aiseya 60:15

Kli misbara mai kaiki, yakan mai lulki mai swibia apia, yang mita daukamna man pramna ba ban kaia lilia ba man wal ban kaia.

Jirimaya 30:17

Sikniskam nani ba mai rakamna, insauhkan brisma ba sîka daukamna, waihlam nani ba nahki aisabia sin: ‘Saion ba lulki swin sa wibia, upla kumi sin Saion dukiara lukras sa.’ Yang, Dawan, kasak aisisna.”

Inanka Nani 1:21

Inanki nani ba upla nani walisa, sakuna upla kumi sin âpu sa maisi nihkaia. Waihli nani sut, yang pât wahwanki ba nu sa, bara witin nani lilia takisa man baha daukram ba. ¡Baha yua dukiara maisa pakram ba yas balbia, bara yang ra takan ba baku yas witin nani ra sin takbia!

Isikiel 1:26

Kasbrika pura sangnika tara baku ba purara kaikri diara kum bâra kan king iwaika kum sapair ni daukan baku kan. Baha iwaika baku paskan ba purara upla kum bâra kan, witin ba waitna.

Isikiel 10:1

Tisku kan kaikri, kasbrika pura sangnika tara ba purara rayaka bri nani tnawa nani bri ba lal ba purara, diara lilka bal takan, king iwaika kum sapair ni paskan baku kata.

Miqueas 7:11

Jerusalem tawanka kutbanka nani ba, kli paskan kaia yua ba aula sa; bara baha yua ra Jerusalem tawanka bîla ba kau tara kitbi brih wan kabia.

Matiu 8:24

Bamna pâsa tara kum krawan, rip nani ba sin ban duri bilara aimaki kan. Sakuna Jisas lika yapi kan.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Epesus 2:20

Man nani ba utla kumi baku apastil nani bara prapit nani playa bapan ba purara mai paskan sa, bamna Jisas Kraist pali sika baha playa bapan walpaya kau tara ba.

Kli Smalkanka 31:17

Sakuna yang kupi baiwanka witin nani purara klauhan kabia, bara yang bui witin nani ra lulki swimni. Witin nani dukiara sin lukamna apia, bara saura sari lâka nani baman balbia ai purara, bara wibia: ‘¿Yawan naha pâtka bri na, wan Gâdka yawan nani wal apia ba mita apia ki?’