Aiseya 54:10 - DAWAN BÎLA AISKA

¹⁰ Ban kra il nani ba, ai pliska wala ra tawbia kra bara kiuhsi nani ba tasba ra kauhbia kra, yang latwanki ba lika man dukiamra aihka lakamna apia, baku sin tasba ra kauhbia apia sa, yang lâ daukri kupia kumi lâka ba.” Dawan umpira mai kaiki ba baku wisa.

Aiseya 54:10 ပူးပေါင်းရင်းမြစ်များ

2 Samuil 23:5

Baha mita yang kiamki ba kitras Gâd wal bâra sa, witin ba yang wal lâ kum ban kaia lâka ba daukan sa, lâka aiska daukaia pat ulban sa, sip luras. Pura luaia lâka aiska ba witin bui yang ra aikisa bara yang brinki ba sin sut aikisa.

Lawana Nani 102:26

Baha nani sut ba yu kum âpu takbia, sakuna man lika bâra ban kama. Baha nani sut ba kwala aisawi lui baku lubia; ¡man bui lakma, bara lakan kabia, prâk kum daiki wala dimi ba baku!

Lawana Nani 46:2

Baha mita sibrin ai daukras, tasba na lui wabia kra, ban kra, il nani ba kabu tihuka kat dimi wabia kra;

Lawana Nani 46:3

ban sin kabu ba karna taki, ai ripka nani karna takbia, il nani sin tatatwi kabia kra man lawankam tara wal.

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Aiseya 49:15

¿Sakuna yapti kum ai luhpia ra ai âuya tikbia ki? Apia kaka, ¿ai luhpia pali ba latwan kaikbia apia ki? Kan ban kra witin ai âuya tikbia kra, yang lika man ra sip âiya mai tikamna apia.

Aiseya 54:8

Kupi baiwanka wiria lupia ba wal yang maiwan ba man wina piu prahni yukukri kan; sakuna umpira mai kaikan lâka ban kaia ba wal man dukiamra kupi swapnika lâka brimni.” Dawan mai swaki sasakra ba, baku wisa.

Aiseya 55:12

“Man nani lilia pali baha wina taki wama, bara kupia kumi lâka wal, man nani tasbayam ra kli tawi balma. Il nani bara kiuhsi nani sin, man nani mamwanra lawana aiwanbia, bara twi ra dus nani ba sin sut ai mihta pruki lilia daukbia.

Aiseya 55:3

Man nani kiamam pri tniki wals bara yang ra bal; man nani wals, bara sulkam ba raya kabia; man nani wal lâ kaia lâka ba daukamni, umpira kaikan lâka, ban kaia pramiska, Debit wal daukri ba baku.

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Aiseya 59:21

Bara Dawan aisisa: “Yang lâika daukisa man nani wal yang karniki bara smalkanki, man nani bîlam ra mangkri ba, man bîlam wina taki wabia apia; man luhpiam nani bîla wina sin apia, man luhpiam nani bara luhpia nani bîla wina sin apia ban kaia ra.”

Aiseya 61:8

Kan Dawan ba wapni lâka ra latwan kaikisa, bara impliki upla iki ba misbara kaikisa. Witin mita baha nani ra kasak lâka ra mana yabia bara witin nani wal lâ kum daukbia ban kaia ra.

Aiseya 63:7

Yang aisan ai daukisa Dawan latwanka lâka ba, ai mayunra nani ba aiwanaia witin ai yamnika tara nani sut wan hilpka daukan ba, witin ai kupia yamnika tara pali Israel luhpia nani sut ra bri ba, ai kupia yamni luki witin nani ra daukan ba, witin mita latwan kaiki ba lâka kat.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 31:36

“Yu kumi kra lâka nani yang daukri ba wina tnaya ra tawma kaka, baha yua ba Israel ba yang upliki nani win kabia apia. Yang, Dawan, kasak aisisna.

Jirimaya 33:20

“Yang Dawan sna ba, naku wisni: Kakna bara tihmia ra yang wîri ba ai piua kat impaki kaia lâka baha ba kat yang dauki kaia sna, baha lakaia sip apia.

Isikiel 16:42

Bara man mampara kupi baiwanka ba, âiyapah brimna; bara lawanki lamni takbia, lamni takamni bara kau kupi baiwi kamna apia.

Isikiel 34:25

Witin nani wal lâ wilkanka kum daukamna, yabrika rayaka kum lamni kabia. Yabrika tiwbia kuntri daiwra wail nani ba. Baku sîpki nani ba sip kabia lamni ra iwaia, plis kum param ra bara unta tilara lika apia.

Malaquía 2:5

“Raya kaia bara yang wal kupia kumi kaia lâka ba Libai ra yabri. Witin ba yang ra ai kulkaia, sibrin ai lukaia yabri, bara witin bui yang ra sibrin luki tara ai kulki ba mairikan.

Kulki Kaikanka 25:12

Bamna wis, yang lika witin wal kupia kumi lâka daukuna,

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Matiu 24:35

Kasbrika tasba wal lui wabia, sakuna bîli nani lika aimakan kabia.

Matiu 5:18

Kan kasak man nani ra mai wisna, kasbrika purara bara tasba na kau ban kabia piua ra, mark lupia kumi, bîla sainka lupia kumi sin lâ ba wina sâkbia apia, dîa dîa takaia ba takbia kat.

Roman 11:29

Bamna Gâd mita yabi ba witin kli dakbi sakras sa, bara paiwi ba wina kitwi takras sa.

Taitus 3:5

witin swaki wan sakan. Baha ba lika yawan mita diara pain nani kra daukan tâwan lika apia, sakuna umpira wan kaikan ba mita. Sikbi wan sakan bâk witin mita swaki wan sakan, bara baha tânka ba lika, yawan na kli aisubi takan, bara Spirit Holikira mita rayaka raya wankan ba bâk sin.

Hibru Nani 12:27

“Kau aima kumi” bîla nani tânka ba lika latan wisa, Gâd mita paskan dukia nikwi nani ba brih sakan kabia, bara diara nani sip nikras ba ban bâra kabia.

Param Marikanka 6:14

Kasbrika purara lap tiwan wauhtaya kum karbi blaki ba baku, bara il nani ba sut, kî dakura nani ba sin ai pliska nani wina kitban kan.