Aiseya 53:11 - DAWAN BÎLA AISKA

¹¹ Ai sulka sari, pât ailal brin ba ningkara, ingni ba kaikbia, bara ai âuyapah takbia; Dawan napakan kasakkira ba, upla ailal ra kasakkira kulkbia bara sin pri sâkbia, bara ai watawanka nani ba twilki brih wabia.

Aiseya 53:11 ပူးပေါင်းရင်းမြစ်များ

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 45:25

Israel luhpia nani sut yang ra tingki kabia, witin nani pura lalura nani takbia bara yang dukira tara ai dara wali kabia.”

Aiseya 49:3

Bara ai win: “Israel, man ba yang duki dadaukra sma, man ra ni yang praina daukamni.”

Aiseya 52:13

Bara kaiks yang warkki dadaukra warkka ba, pain man takbia, purara sin bukan kabia, bara laih purara mangkan kabia.

Aiseya 53:12

Baha mita Gâd bui witin ra pliska kum yabia upla tara nani tilara, karnikira nani ba aikuki tilara pura lubia, kan witin pruaia ai wîna ba yan, watawikira nani tilara kulkan kata, kan kasak pali sika upla manis upla saura ba witin twilkan upla saura nani tâwan ai pura sunan.

Aiseya 53:8

Witin pât âpu pali kan silak watla ra mangkan bara upla kum sin âpu kan witin tâwan aisaia; upla kumi sin witin dukiara dîa takbia ba lukras kan. Naha tasba wina upla nani ba mita daiki sakan, upliki nani saurka ba mita witin ra ikan.

Daniel 12:3

Upla sinskira nani ba, baha nani upla ailal yabal wapni bâk brih impaki kan ba, kasbrika purara ingwi kabia; ¡slilma nani ba baku, ban kaia ra ingwi kabia!

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Luk 22:44

Bara baku mika witin uya pali pât wahwi kan ba tilara, kau ai tâ baiki ai pura suni kata, bara ai laptika ba tala tahwan tara baku tasba ra tahwi kata.]

Jan 12:24

Kasak pali yang mai wisni, plawar mâ kumi tasba ra mangkan ba pruras sa kaka, piua bani ban mâ kumi baman kabia; sakuna tasba ra mangkan ba prubia kaka lika, mâ ailal pali sakaia sip sa.

Jan 16:21

Mairin kum tukta briaia ba ra sari sa, kan latwan wahwaia piua ba aimakan sa; kuna witin baha tuktika ba brin ningkara, latwan wahwata ba dukiara kli sin ai kupia kraukras sa, sakuna lilia sa witin tuktan kum tasba ra aisubi takan bamna.

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Roman 4:24

sakuna yawan wan dukiara sin ulban sa. Gâd, witinka mita Jisas wan Dawan pruan wina bukan bara yawan kasak luki ba mita wan kasak lukanka ba pain kulkisa;

Roman 5:9

Bara nanara, Kraist pruanka ba mita Gâd mita pri mai sakan sa, bara kau pali Gâd lawanka ba wina sin Kraist bâk pri mai sakan kabia.

1 Korint 6:11

Man nani tilam wina tila nani ba baku nani kata. Sakuna man nani ba saurka wina pat klin mai sakan sa, holikira nani sin mai daukan sa, bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Galesha 4:19

Luhpi lupia nani, kli aima wala man nani dukiamra latwan saura pali wahwisna, sim yapti kumi tukta mahka baikaia kan latwanka bri ba baku; latwan ba wahwi kamna, Kraist tânka ba aiska man nani brima ba kat.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.

1 Jan 2:1

Yang luhpi lupia nani, naha bîla mai ulbisna man nani saura yama apia ba dukiara. Sakuna upla kumi saura daukbia kaka, wan tâwan aisasara kum brisa Aisa mawanra, baha lika Jisas Kraist, bara witin ba kasakkira sa.

2 Jan 1:1

Yang, serts almukka sna ba, Gâd mita bâk ai sakan; bara wan kristian daknika bâk sakan uplika nani sut ra laikula blikisna. Witin nani ra kasak pali latwan kaikisni, bara yang baman apia, kuna diara kasak tânka ba kakaira takan nani sut mita sin.

2 Jan 1:3

Gâd Aisa bara ai Luhpia Jisas Kraist mita yamni mai munbia bara umpira mai kaikbia, kupia kumi lâka ba maikbia, diara kasak pali ba tânka ra bara latwan lâka ra sin.