Aiseya 51:18 - DAWAN BÎLA AISKA

¹⁸ Luhpa brisma nani sut tila wina kumi sin takras, man nani tâm briaia uplika; luhpiam nani sut pakram ba tila wina kumi sin mihtam ra alki mai bri wapaia âpu.

Aiseya 51:18 ပူးပေါင်းရင်းမြစ်များ

Job 8:20

Bamna Gâd mita tâski âpu uplika ba sip lulki swiras sa, watawikira nani ra sin tâ baikanka lâka yabras sa.

Lawana Nani 142:4

Aihkiki tani ra tawi kaikuna bara upla sin âpu sa hilp ai munaia, ¡upla kumi sin âpu sa, yang ra tâi baikaia! ¡Upla kumi sin âpu sa, yang dukira lukaia!

Lawana Nani 88:18

Upliki nani bara pâinika nani wina laihura ai sakram sa, bara nanara tihmia ba baman wal upliki takan sa.

Aiseya 41:13

Kan yang, Dawankam, yang sika man Gâdkam, yang sika man mihtam aihkika ra tâm baikisna ba, bara mai wîri sa: ‘Si bripara, yang hilp mai munisna.’ ”

Aiseya 45:1

Dawan mita Ciro ra batana laikan, king baku, mihta wina alkan bara yan nisan nani ra taibaia lâka, bara king nani war aiklabia dukia sut bri ba mihta dakbia. Dawan ba daukan baku takaia, Ciro kainara tawan getka ba param kabia upla kumi sin sip prakras kabia. Bara nanara wisa:

Aiseya 49:21

Bara man kupiam lukra ra wima: ‘¿Ya mita naha nani luhpia na aikan? Yang luhpa âpu katna, sip sin briras katma; yang ai lulkan bara yang yakan katna, ¿ya mita pakan? Yang ra yakan ai swin kan, ¿ansa wina balan?’ ”

Aiseya 54:11

¡Sari takan tawanka, pâsa karnikira mita sauhki tikan, upla kumi sin âpu maisa nihkaia! Yang walpayam nani ba walpa wala manakira nani purara karna daukamna, playkam nani ba sapair playka purara bapamna.

Jirimaya 10:20

Yang tintki ba slingban sa, kiwa nani ba sut dakban sa. Luhpi nani ai lulki ai swin, ¡witin nani bâra âpu sa! Ya mita kli tintki ba bukaia âpu sa, kwala twakni ba sin ya mita kli pamaia ba kaikras.

Jirimaya 31:32

naha lâka blasi damikam nani wal lâ daukri kata ba baku apia, yang bui witin nani mihta wina alki Idsip wina sakri, kan witin nani bui yang lâika kulkras kan, yang pali witin nani Dawanka sna. Yang, Dawan, kasak aisisna.

Isikiel 34:6

Yakabrira takan unta nani tilara bara il tara nani ra, bara tasba aiska ra tiwan, bara upla kum sin âpu kan baha dukiara lukaia bara pliki waia.

Emus 5:2

Israel, kasak bara painkira ba kauhan sa; kauhan sa, kli buaia dukiara. Ai tasbaya pura kat prawisa, bara upla sin âpu sa baha wina bukaia.

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.

Matiu 9:36

Upla nani ra kaiki, umpira pali kaikan, kan witin nani sarikira bara hilpkas banhwi kan, sîp nani sepadkas baku.

Mark 8:23

Jisas waitna blain ba mihta ra alki, tawan wina brih sakan. Yabalaya ai nakra ra yuki, ai mihta purara kahbi, makabi walan diara kaikaia sip sa sapa.

Apastil Nani Sturka 13:11

Bamna kaiks, nanara Dawan mita klala maikbia, bara man nakras kama, wan yu sin kaikma apia, piua kum ba kat. Baha pali piua Elimas nakra tihmia takan bara pliki kan upla kum pan ai mihta ra alki brih wabia, kan blain takan bamna.

Apastil Nani Sturka 9:8

Ningkara Saulo tasba wina buan, sakuna ai nakra kwâkan ba ra, sip diara kaikras pali kan. Baku bamna, witin nani mita ai mihta ra alki Damaskus ra brih wan.

Hibru Nani 8:9

Witin nani damika nani wal lâ daukri ba baku kabia apia, witinka nani mihta alki, Idsip tasbaya wina brih sakri yua ba. Witin nani wal lâ daukri ba kat kulki banhras kan, bara ba mita witin nani ba lulki swiri, Dawan baku wisa.