Aiseya 51:10 - DAWAN BÎLA AISKA

¹⁰ ¿Man apia ki, kabu ba lâkatma ba, tihuka tara laya nani bri kan, tihuka tara pali nani bâk yabal daukram, atki sakan nani lui waia dukiara?

Aiseya 51:10 ပူးပေါင်းရင်းမြစ်များ

Lawana Nani 106:10

Baku witin nani swaki sakan, ai waihla nani mihta wina, misbara kaiki kan nani karnika wina sin.

Lawana Nani 106:9

Bara witin Kabu Pauni ba lâwi daukan, bara laya ba klang lâwan, bara witin nani baha tihuka tara bâk wapi luan, sim upla iwras tasbaya kan baku.

Lawana Nani 74:13

man karnikam ni, kabu tar baiki sakram, daiwan saura tara nani kabu ra ba lal baiki tikram.

Lawana Nani 77:19

Man kabu ba yabal daukram; lî ailal nani bâk wapi luram, sakuna upla kumi sin, man minam taibanka ba kaikras kan.

Impakan Sturka 14:29

Ban sakuna, Israel luhpia nani lika tasba lâwan bâk lui wan. Kabu laya ba kutbanka tara wâl kan, kumi ai aihkika ra bara wala ba ai smihka ra.

Impakan Sturka 15:13

Naha uplika nani swaki sakram na, man lamtwanka lâka ni tapahkisma. Karnikam ni tâ bri auma iwaikam watla holikira ba ra waia.

Aiseya 11:15

Dawan mita Kabu Pauni bâk yabal kum kwâkbia Éufrates awalka ra ai mihta sakbia bara yaka pâsa saura kum krawbia, bara yabal 7 kilwan kabia, bara sip kabia ai sûska daikras lui waia.

Aiseya 11:16

Dawan uplika kau Siria ra ba, kli tawi balbia ba ra, yabal tara ba wal prawbia, sim Israel Idsip wina takan yua ra.

Aiseya 35:10

Dawan mita atki sakan nani ba kli tawi balbia, liliakira witin nani Saion ra kli balbia; lilia baman witin nani iwi kabia. Bara witin nani lilia tara bribia, sari lâka bara mamna lulkanka nani ba âpu tiwbia.

Aiseya 35:8

Yabal tara, yabal sirpi bâra kabia, bara nina mâkan kabia “Holikira kaia yabalka nani.” Diara tâski ba bahak lubia apia; sinskas nani ba, baha yabalka ra sip wapbia apia.

Aiseya 35:9

Bahara layan nani bâra âpu kabia bara daiwan kraskira ba sin bahak lui wabia apia. Atki sakan uplika nani ba, baha yabalka ai impakaika yabalka kabia.

Aiseya 42:15

Il kiuhsi nani ba sauhkaisna, bara twi nani ba sut lâwaia daukamna; awala nani ba sin upla iwras tasbaya daukamna, bara lî mâ dakura nani ba sut lâkamni.

Aiseya 43:16

Dawan bui kabu ra yabal kum daukan sa, lî karna plapi bâk yabal ba mangkan;

Aiseya 50:2

Yang balri piua, ¿dîa muni upla kumi sin âpu kan ba? ¿Yang bal winri bara dîa muni upla kum sin uni kahbras kan ba? ¿Dîa witin nani lukan yang na sip apia sna witin nani pât ra ba wina pri sakaia? ¿Dîa witin nani lukan yang na witin nani ra pri sakaia sip apia sna? Aitani sa yang aisinki kumi ni, kabu ba lâwaia bara awala nani ba tasba lâwan takaia; bara inska nani ba diran bla pruaia bara lî âpu ba mita sukwaia.

Aiseya 62:12

Israel luhpia nani ra nina “Upla holikira nani” mâkbia, “Dawan mita pri sakan nani ba”, bara Jerusalem ra mai wibia, “Brin dauki tawanka ba”, “Lulki swiras tawanka ba”.

Aiseya 63:9

ai sarka nani sut tila wina. Witin mita bâk saki blikan, uplika mita swaki sakras; Dawan ba ai karnika ni swaki sakan. Witin mita pri sakan, ai latwanka lâka bara umpira kaikan lâka ba ai klahkla ra brih buki banhwan piu bani baku baman daukisa.

Miqueas 7:15

Man bui diara aihka painkira tara nani, witin nani ra dauki mariks, Idsip tasbaya wina sakram yua ra dauki marikram ba baku.

Sakaraya 10:11

Witin nani Idsip kabuka ba lubia, ripka nani ba âpu daukamni. Nilo awala ba klang lâkamna, Asiria praut lâka bri ba yarka bawbia bara Idsip karnika ba sin âpu daukamni.