Aiseya 50:7 - DAWAN BÎLA AISKA

⁷ Kan Dawan ba hilp ai munbia, baha mita swiri ai dauki ba, latwan aikras; baha mita yang maiwan ba walpa baku karna daukri, bara kaikaisni yang swiri daukan kabia apia ba.

Aiseya 50:7 ပူးပေါင်းရင်းမြစ်များ

Lawana Nani 110:1

Dawan bui yang dawanki ra win: “Man ba yang mihti aihkika ra iws, yang bui man waihlam nani ba man minam nani kahbaika daukamna ba kat.”

Aiseya 29:22

Baha mita, Dawan, Israel Gâdka ba, Ebraham kli atki sakan ba, witin naku wisa: “Nanara wina Jekob kli swira daukan kabia apia, ai mawan sin kli ami pauni takbia apia.

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 45:17

Sakuna Israel ba Dawan mita swaki sakan kabia, swaki sakan lâka ban kaia ra ba, bara kli man nani mai turban kama apia, swiram sin mai daukan kabia apia.

Aiseya 49:23

King nani ba tasba ra man takan papikam nani kabia, bara king luhpia mairin nani ba luhpiam main kaiki kabia. Ai mawan tasba ra bawi witin nani mamwanra mamyunbia, tasba yuya minam wina, ai twisa ni dabia. Bara man kaikma yang sika Dawan sna ba, baha nani yang bîli kaiki ba swira daukan kabia apia.”

Aiseya 49:8

Dawan ba wisa: “Piua nani balan sa yang kupi yamnika lâka ba mamrikaia, bara mai aisari; swak takan lâka ba balan sa, bara hilp mai munri. Yang kainam kahbri man dukiamra tawan wal lâ daukri ba, kuntri ba kli paskaia, yabrika tasba sauhkan bîla man ba kli ai mihta ra bribia dukiara.

Aiseya 50:9

Nâra kaiks Dawan sika hilp ai munbia; ¿ya wala bâra kabia pât ra ai lulkaia sip ba? Kaiks waihli nani ba sut lap tiwbia kwala yula mita pi tiki ba baku.

Aiseya 54:4

Si bripara, bara swiram sin bripara; kan bahki mai kulkan kabia apia bamna, swiram sin briaia apia sma. Man tiara kapram swirka ba âmya tiks, piarka takram swirka ba sin, kli lukankam ra bripara,

Jirimaya 1:18

Kan naha yua ra yang mai blikisni, man ba tawan tara kum ai kaina kutbanka bri ba baku, ayan playka ni bapan baku, bras ni kutban tawanka baku, Juda tasbaya aiska mapara buma: kingka nani ba mapara, wihta nani, prîs nani ba mapara, uplika nani sut ba mapara sin.

Miqueas 1:2

Upla nani sut, naha bîla na man nani aman pali wals: Dawan ai tempelka watla sunukira ba wina, man nani mampara witnis aisabia.

Luk 9:51

Jisas kasbrika purara brih waia ba piua pat baila kan ba ra, ai kupia karna brih Jerusalem ra tawi wan.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Roman 1:16

Sturi yamni smalkanka ba dukiara yang swiri lukras sna, kan baha ba Gâd karnika sa swaki sakaia ya ya kasak lukbia ba, tâura Ju nani ra, bara Ju apia nani ra sin.

Hibru Nani 13:6

Baku bamna, yawan sip sa kasak luki kira wiaia: “Dawan sika yang ra hilp ai muni ba; yang sibrin lukamna apia. ¿Upla yang ra dîa ai munbia ki?”

1 Pita 4:1

Baha mita, Kraist ai wîna ra pât wahwan ba baku, man nani sin pât wahwaia wilin kaia sma. Kan ani uplika pât wahwan kaka, saurka ba mahka swin sa,

1 Pita 4:16

Sakuna, upla kum kristian ba tâwan pât wahwisa kaka, ai swira lukaia apia sa, kuna Gâd ra mayunbia naha nina bri ba.