Aiseya 50:1 - DAWAN BÎLA AISKA

¹ Dawan aisisa: “¡Man nani lukpara waitna ai maya lulki swi ba baku, yang, Israel ba lulki swiri, apia kaka witin nani alba baku man nani ra atkri, witin nani ba yang wal tras diman aibapras ba tâwan! Wals man nani watawikam lâka ba mita sika mai atkan ba; man nani maipara buaia lâka brisma ba mita sika yaptikam Israel mita mai lulki mai swin ba.

Aiseya 50:1 ပူးပေါင်းရင်းမြစ်များ

1 King Nani 21:25

Ahab baku upla wala âpu kata, Dawan nakra nani ra saura dauki kan ba, kan ai maya Jezabel bui maisa kapi kan baha saurka nani daukaia ba.

2 King Nani 17:17

Baku sin ai luhpia waitna bara ai luhpia mairin nani ba pauta ra angkan, baku sin ai kanra diara takaia ba kaiki wi uplika nani ra ai kaina kaiki kan, bara diara luki sakisa wisi dauki nani ra ai tânka pliki kan, baku sika witin nani Dawan mawanra diara saura dauki banhwi kan, bara baku Dawan kupia sauhki kan.

2 King Nani 4:1

Mairin kum bâra kan, witin ba prapit nani kan ba tila wina kum maya, bara witin prapit Ilaidsa ra wan, bara naku ini aisi, win: —Yang mayi waitna ba pruan, bara man nu sma mayi ba Dawan ra lalukra kan. Bara nanara lalah lin mamunra kum balan, yang luhpi wâl ba alki ai albika briaia wisi.

Nihimaya 5:5

“Yang nani muihki aikuki tawanki kumi kiamka sna; yang nani luhpi nani witin nani ai luhpia nani wal sim sât sa. Ban sakuna kaiks, yang nani luhpi waitna nani bara luhpi mairin nani alba lâka ra pat mangki banhri sa. Pat baku daukan sa luhpi mairin nani tila pat alba lâka ra sa, sakuna yang nani sip takaskras, kan tasbayi nani bara wan nasla nani sin pat upla wala dukia takan sa bamna.”

Ester 7:4

Yang bara tawanki aiska uplika nani sut na, wan atkan sa, sut wan sauhki tiki, iki âpu wan daukbia dukiara. Yang nani na alba mairin, alba waitna baku daukaia ra ai atki banhwan kaka, yang bîli praki sâp kamna, kan wan waihla ba sauhkanka nani uya daukbia apia, king brinka nani ba mapara.

Lawana Nani 44:12

Man uplikam nani, sirpi mana atkram, baha atkram wina, man lika diara pura praki briras katma.

Impakan Sturka 21:7

“Upla kum kra ai luhpia mairin alba lâka ra atkan auya sa kaka, baha luhpia mairin lika pri takan kaia apia sa, alba waitna nani taki ba baku.

Aiseya 1:28

sakuna mapara babura nani saurakira nani lika kriki yuya lupia baku daukamna, ai briras ai swin nani ba lika prui tiwbia.

Aiseya 27:8

Gâd uplika nani ra klala yaban tasbaya wina saki tasba wala ra blikan witin ai wingka puhbra ni sirang saura ikan, lalma pâsa karna krawi ba baku.

Aiseya 43:27

Man aisikam nani tâura saura daukan, smasmalkrikam nani sin wark saura maipara daukan.

Aiseya 46:8

“Naha kupiam krauki bas, saura dadaukra nani, yaprisauhkan ra kaiki baku takpara, pain luki kaiks;

Aiseya 52:3

Dawan ba naku wisa: “Sint kumi sin briras man nani alba baku mai brih wan piua ra; sint kumi sin yabamna apia, nanara yang mita atki mai sakri ba.

Aiseya 54:6

Man maya mairin tiara kum baku sma, lulki mai swin bara sarikira sma, sakuna man Gâdkam kli mai winan, bara mai wisa:

Aiseya 54:7

“Piua wiria lupia baman yang mai lulki mai swiri; sakuna umpira kaikan lâka tara ba wal, laimara kli asla mai daukamni.

Aiseya 58:1

Dawan bui ai win: “Sibrin âpu karnikam aiska ni wins, dîa wiaia sma ba alki takaskpara, trumpit baku bîlam baikra buks, bara yang upliki nani ra param wis witin nani maipara buan ba, bara Jekob watla uplika nani ra sin wis saura daukan ba dukiara.

Aiseya 64:6

Yawan sut na upla tâski kum baku sa; yawan wan warkka pain nani sut ba kwala tâski kum baku sa; yawan sut na kauhan dus wahia srawan baku, bara yang nani upla iki saurki ba mita pâsa baku ai raskaia ai brih auya.

Jirimaya 3:1

Dawan aisisa: “Waitna kum ai maya swibia bara mairka ba witin swi si, waitna wala ai maya bribia, bara witin ra swin waitnika ba kli bal mairka ba bribia apia. ¡Baku daukbia kaka naha kuntrika ra lâ krikanka tara takbia! Ban sakuna, Israel, man, liliam nani ailal wal ur takram, ¡bara nanara lika kli yang ra tawi balaia lukisma! Yang, Dawan, kasak aisisna.

Jirimaya 3:8

baku sin witin kaikan Israel maipara babura takan lâika sauhkan bara lulki swisatna ba, yang wal mayi lâika ba krikan tâwan dakwi takri. Sakuna Juda, Israel muihnika mairin rugkira ba, sibrin daukras kan, witin sin wan bara ur takan.

Jirimaya 4:18

“Juda, man tânkam daukankam saura nani ba tâka mita sika naha diara sut man ra taki ba; watawikam lâka daukram ba tâka wina naha mâ tahpla nani na bal takan, bara kupiam ra mai sabisa.”

Oseas 4:5

Man lika kakna pali kauhma, prapit ba sin, man ninamra; witin lika tihmia ra kauhbia, bara man ra aiska pali mai sauhkamna.

Libait Lâka 25:39

“Man nani kiamkam kum diara luha, umpira taki man ra balan atki briram ba man wal kabia kaka, alba kum baku lika wark dingkpara.

Matiu 18:25

Wark uplika ba aibapaia lalah âpu kan, bara king ba mita adar yan witin ba alba baku upla ra atkbia, ai maya, ai luhpia nani, dîa dîa bri ba sut kira, ai traska bri kan ba aibapaia dukiara.

Kli Smalkanka 32:30

¿Nahki muni kumi ba mita 1,000 ba munan plapan? ¿Nahki muni wâl ba mita 10,000 ba yaban plapan? Kan Dawan baman witin nani kaina kakahbra ba, witin luki kaikan baha nani ba waihla mihta ra mangkaia.