Aiseya 5:24 - DAWAN BÎLA AISKA

²⁴ Baha ba mita, dipasta lâwan pauta mita angki ba baku, pauta klauhan mita wahia lâwan nani angki ba baku, man nani sin baku tanis tiwma, dus wakia nani sukwi ba baku tangnika yamhpus taki ba baku. Kan witin karnika sut bri Dawanka lâka ba lulkram bamna, Israel Gâdka holikira ba.

Aiseya 5:24 ပူးပေါင်းရင်းမြစ်များ

2 King Nani 19:22

¿Ya ninara saura aisi lawaska kikram? ¿Ya mapara bîlam karna saki aisaram bara namkra nani ba kwalhwi pura kat bukram? ¡Israel Gâdka holikira ba mapara sika!

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Job 18:16

Witin ba lika dus kumi ai wakia nani lâwan, ai tnawa nani sin srawan ba baku sa.

Job 8:17

Ai wakia nani ba walpa taya purara aiblakwisa, bara ban walpa nani ra prak prawisa.

Lawana Nani 50:17

lawi mai daukisma ba yamni kaikras sma ba, baku sin yang bîli nani ra sin kulkanka yaras sma ba?

Impakan Sturka 15:7

Man karnikam tara pali ba wal waihlam nani mampara buan ba, minam ra taibram; kupiam baiwanka ba pauta klauhan baku sa, bara witin nani ba twi lâwan baku angkram.

Impakan Sturka 5:12

Israel luhpia nani lika Idsip aiska ra diara klakan lâwan nani ba pliki taki wan, baha ni inma lâwan nani twi lâwan baku yus munaia dukiara.

Aiseya 1:31

Karnakira ba, twi lâwan baku takbia, ai daukanka nani ba sin biulwaia dukia kabia, bara wâlsut ambia, baha daskaia sin upla âpu kabia.”

Aiseya 1:4

¡Alai, upla saura dadaukra nani, watawi lâka man twilki banhwisa ba, saura dadaukra kiamka nani, watawi lâka luhpia nani! Dawan wina laihura takan nani, Israel Gâdka Holikira ba wina sin laihura takan, Gâd ba lulki swin.

Aiseya 24:6

Baha tâka sika, lahtubanka kum mita tasba na âpu daukan, iwanka watla nani ba sut bîla man swin, baha tâka mita, upla nani bahara iwi kan ba sin sut âpu daukan. Upla nani ba maura man swin.

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Aiseya 30:12

Baha ba mita Israel Gâdka Holikira ba naku wisa: “Man nani naha bîli nani mai win ba lulki swiram bamna, bara lâ krikanka ra, watawika lâka ra sin lukankam mangki briram bamna, nahara sin man nani tâm baikram;

Aiseya 30:9

Kan naha uplika nani na, mapara babura nani sa, kuninkira nani luhpia, witin nani na Dawan lâka ba walaia brin daukras.

Aiseya 47:14

Sakuna kaiks witin nani ba kapan taya yuya baku sa; pauta klauhan mita witin nani angkbia, pauta klauhan karnika ba wina ai rayaka nani ba sip swaki sâkbia apia. Kan masku klauhan apia sa, baha lamara iwi ailahki kaia.

Aiseya 7:9

sakuna mani 65 bilara Efraín ba kuntri apia kabia; man nani kasak lukan lâka ra bapi buras sma, man nani minam ba sin bapi bûi kama apia.’ ”

Aiseya 8:6

“Naha uplika nani ra Resín sîa, Remalías luhpia waitna ba sîa, Siloé ra lî lamni aubi ba lulki swin bamna,

Aiseya 9:18

Upla nani saurka ba, pauta klauhan baku takan, bara kiaya, rahra nani ba angkisa unta srikra pâwi nani ba sin, dus tara pâwi nani ra sin angkisa, bara kiasma ba pâsa pura bâk sunan uli wîsa.

Aiseya 9:19

Dawan, karnika sut bri ba kupia baiwanka ba mita tasba ba pauta mukan, bara pauta klauhan mita upla nani ba angkisa; ai luhpia nani pali wîna witin nani pîsa bara ai muihni nani ra umpira kaikras sa. Nâra kum sa langki pi ba, sakuna ban plun daukisa, bamna bukra wala kum sa ai walka ra pi kabia sakuna âuyapah takbia apia.

Jirimaya 6:19

Tasba, wals: Naha uplika nani ra sauhkaia ba bri balaisna watawika nani daukaia luki daukan ba mana; yang bîli nani aisin ba witin nani baha walras, yang smalkanki nani ba witin kau saura ni kulkan.

Jirimaya 8:9

Sakuna baha nani sinskira puli ba swira daukan kabia, daiwan nani alkaika ra alkan sinska lap tiwi ba baku. ¿Witin sins lâka brisa aisi ba anira sa, yang bîli nani lulki swin na?

Isikiel 15:6

“Baha mita, yang Dawan sna ba, naku aisisna: Wain kiwka plamaya angkaia pauta ra lulki ba baku, yang sin Jerusalem uplika nani ba pauta klauhan ra lulkamni.

Oseas 11:9

Yang kupi baiwan laptika ni, diara daukamna apia: Efraín ba kli sauhki tikamna apia, kan yang sika Gâd, yang lika upla baku apia. Yang sika holi sna, yang lika man nani tilamra sna, bara mai sauhki tikaia yang balras.”

Oseas 5:12

Bamna yang Efraín mapara itikmuk baku takamna, Juda uplika nani mapara sin, yang yula saura baku takamna.

Oseas 9:16

Efraín ba insauhkan sa; dus kum wakia nani lâwan ba baku mâ nani kau sakras takaskan. Witin nani ban luhpa baikbia kaka, luhpia nani ba, yang bui ikamna.”

Joel 2:5

unta ra, il nani purara, witin nani pâli ba binka lika, war aiklabaia waginka nani binka taki ba baku sa, dus wahia lâwan nani ami kan binka taki ba baku. Witin nani suldiar ailal karnakira, daknika kum war aiklabaia bal taki buan ba baku sa.

Emus 2:4

Dawan naku aisisa: “Juda uplika nani saura ailal pali daukan, bamna yang bui witin nani ba sip klala yabras ban swimna apia; kan witin nani Dawan lâka ba bahki kulkan, Dawan ai lâka daukaia yan ba witin nani brih, daukras swin, kau ni aidul nani ra mayunan, witin nani ai aisika mayunan kata aidulka nani ra.

Emus 2:9

Âu, man nani ra yamni mai munaia tâwan, yang bui amorreo nani ba sut mamwan wina âpu daukri, kiamka kumi sin swiras, sut pali âpu daukatna, witin nani yalam dusa baku tara pali pâwan kan, karnika tara sin bri kan usupum dusa karnika ba baku, ban sakuna sut âpu pali daukri.

Nahum 1:10

Witin nani ba, kiaya dusa nani sisitni pâwan baku, bara sin twi lâwan baku sin aiska pali ambia.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Matiu 3:12

Witin ai mihta ra singbaia dukia pat ridi brisa, bamna plawar mâ ba klin dauki, taya ba sait ra sâkbia. Plawar mâ ba ai pata watla ra auhbia, sakuna taya ba pauta kum ban kaia ra dasras ba ra angkan kabia.”

Luk 10:16

Jisas naha sin ai disaipilka nani ra win: “Ya man nani ra mai wali ba, yang ra sika wali ba; bara ya man nani ra mai briras ba, yang ra sika ai briras ba; bamna ya yang ra ai briras ba, ai blikan ba ra sin briras sa.”

Luk 3:17

Mâ singbi sakaika ba witin ai mihta ra brisa, plawar mâ ba klin daukaia, bara taya nani ba sin sait ra sakaia. Plawar mâ nani ba ai pata watla ra auhbia, sakuna taya nani ba lika pauta ra angkbia, baha pautika ban kaia ra sip dasras ba ra.”

Luk 7:30

Sakuna parisi nani bara Lâ Smasmalkra nani Jan mita tahbi daukras kan ba, Gâd bui witin nani dukiara dîa daukaia lukan ba, bahki kulkan.”

Jan 12:48

Ani uplika bahki ai kulki bara bîli nani sin wali daukras ba, ya mita pât ra lulkaia ba pat bâra sa. Bîla nani yang aisari ba mita sika tnata piua ra pât ra lulkan kabia.

Apastil Nani Sturka 13:41

‘Man nani, lawaska kakikra nani sma ba, kaiks, tâ iwan taki si mahka prui banhs; man nani yuam ra baha sât dukia nani daukamna ba sip kasak luki banhma apia, upla kasak mita mai smalkbia sin.’ ”

Kli Smalkanka 28:24

Dawan mita daukbia puramra, lî blikaia watlika ra tasba pupuhkan nani bara auhya baman blîkbia, sauhki âpu mai daukbia ba kat,

1 Tesalonaika 4:8

Baku bamna, ya naha smalkanka nani bahki kulkisa kaka, upla kum ra lika bahki kulkras sa, sakuna Gâd ra sika, witinka pali ai Spiritka Holikira wankan ba.

1 Samuil 15:23

Witin mapara bûi uplika nani ba saura daukisa, sim sukia yapi kakaira nani saurka ba wal kumi sa; diara lilka daukan nani ra ai pura suni ba saurka wal sin kumi sa, baha uplika witin ra ai bîla wali daukras saurka ba. Man bui witin ai lâka bîla nani lulki swiram ba mita, nanara witin sin man king kaia ba wina mai sakisa.”

1 Samuil 15:26

Samuil pana win: —Yang lika man wal kli tawi wamna apia, kan man Dawan adarka bîla nani ba bahki kulkram, bamna nanara witin mita sin Israel king lâka wina bahki mai kulkisa.