Aiseya 5:22 - DAWAN BÎLA AISKA

²² ¡Man nani ra saura kabia, wain diaia upla wala sip puram luras ba, waitna karnakira nani, wain miks munaia sip man puram luras ba!

Aiseya 5:22 ပူးပေါင်းရင်းမြစ်များ

1 King Nani 20:16

Bara yu wan lal kat awarka ra taki banhwan, bara Ben-hadad baha piua ra utla papakni ra dih bla taki kan, witin bara king wala nani 32 aikuki ai uplika takan nani ba sut kira,

Impakan Sturka 23:8

“Upla kum taiban lâka ra ai lâka ba wapni dauki yama wisi lalah maikbia kaka, alkpara; kan baku lalahka alki uplika ba, nakras takisa bara upla pâtkas ba ban yan pâtkira daukisa bamna.

Sins Lâka 20:1

Wain blaka ba mita trabil bukisa upla ra; laya tahpla dih bara bin tara bukisa; bara ya ya baha nani mita watawi ba, sinskira apia sa.

Sins Lâka 23:29

¿Ya pât wahwisa? ¿Ya ba inisa? ¿Ya unsaban ra wini inisa? ¿Ya kabia ni bahki man insauhkan kabia ba? ¿Ya nakra pauni pali takan kabia ki?

Sins Lâka 31:4

Bara Lemuel, king nani wihki wihta tara nani sin wain diaia laya tahpla nani sin diaia aitani apia sa,

Sins Lâka 31:5

kan witin nani baha di ba mita lâ nani ba ai âuya tiwaia sip sa, bara bawikira uplika nani ra lâka wapnika daukaia ba sin aihka man lakbia.

Aiseya 22:13

Sakuna nanara, kaiks, lilia lâka baman sa, bîp nani ikaia, baku sin sîp nani, wîna piaia, wain diaia. Man nani aisaram: “Yawan nani plun pi kap bara sin di kap, kan yauhka yawan sut prubia bamna.”

Aiseya 24:9

Witin nani aiwani wain dibia apia, wain piawi kisni takan ba, witin nani dibia bara tahpla kabia.

Aiseya 28:7

Baha nani wain di pirwi tauki ba, wain karna piawi kisni taki ba di pirwi ai ninara wapi ba: prîs nani, prapit nani sin dih baku dauki ba; witin nani sut bla taki sinskas taki ba; wain karna di ai mina ra wapi ba, diara aihka kaikan ra sin pirwi kan bara bla sa, lâ daukan piua ra.

Aiseya 5:11

Alai kabia baha nani titan kat ba ingwi ba bla takaia dukiara, bara wain laptika ba, tihmia kat ban sa.

Aiseya 56:12

Witin nani wisa: “Kaisa yawan wain pliki diaia, wain karna pain ba di bla takaia. Yauhka yua ba sin, naiwa na baku kaia, apia kaka yauhka kau di lilia kaia.”

Abakuk 2:15

¡Man nani sarkam pali ai daukisa, uplikam nani ra diara dauki dakakisma ba; bla saura takbia dukiara, wain wal abalki dakakram baha dih, bla taki ba, baku dauki munrika susu takbia bara ai wîna ba kaikaia dukiara!