Aiseya 5:20 - DAWAN BÎLA AISKA

²⁰ ¡Man nani ra saura kabia, diara saura ra yamni wisma ba, bara yamni ra saura wisma ba; ingni ba tihmia tara daukisma, bara tihmia tara ba ingni daukisma; tahpla ba damni daukisma, bara damni ba tahpla daukisma!

Aiseya 5:20 ပူးပေါင်းရင်းမြစ်များ

Job 17:12

Sakuna man nani lika tihmia ba kakna daukisma, tihmu ba tilara sma sakuna, ingni ba pat baila sa wisma.

Impakan Sturka 23:7

“Kunin aisi upla dahra kwahki ba wina laihura bas. Upla kum pâtkas kaka, lâka dauki ikpara, kan baha pâtkira ba yang mita pâtkas kulkamna apia bamna.

Sins Lâka 17:15

Watawikira ra padin munisa, bara kasakkira ra pât ra lakisa. Baha diara wâl ba sika, Dawan bui sip kasak yamni kaikras.

Sins Lâka 4:17

¡Witin ai pata bara ai diaika ba, saurka lâka bara tanis lâka ba!

Aiseya 24:9

Witin nani aiwani wain dibia apia, wain piawi kisni takan ba, witin nani dibia bara tahpla kabia.

Aiseya 29:21

Baha nani mita upla wala ra upla âikra wisi dahra saki ba, bara lâ wihta nani ra mina ra wilkaika kiwka nani mangki ba. Bara pâtkas nani ra kunin lâka ni raitka yaras kan.

Aiseya 30:10

Diara kaiki nani ra witin nani wisa: “Lilka aihka nani bâra ba man krikpara.” Prapit nani ra sin wisa: “Diara rait param mariki ba yang nani ra ai wipara; bîla damni swapni ba baman aisi bas; diara kupi lilia dauki nani ba yang wina sâkpara.

Aiseya 32:5

Upla kupia saura takan nani ba ra upla kupia painkira sa wibia apia, kunin mamunra ba, upla yamni sa wibia apia.

Isikiel 13:19

Man nani, barli mâ mihtam banhki bri bara brit pîs ba wal, upliki nani mawanra swiri paskisma; upla nani pruaia apia kata ba ikisma, bara raya kaia apia pruaia kata ba baha lika swiram raya sa. Baku upliki nani ra kunin munisma, kunin lâka ra kasak luki nani ba.

Emus 5:7

¡Alai kama man nani lâ wapni ba, tahpla pali daukisma, bara kasakka lâka daukaia ba tasba kat batakisma!

Miqueas 3:2

Sakuna man nani lika yamni ba misbara kaikisma, bara saura ba latwan kaikisma; upliki nani dusa ba raya taya takbi, wîna ba kalki saki dusa baman dauki swisma.

Abakuk 1:4

Lâ ba kat daukras sa, wapni lâka ba ai mina ni taibisa, watawikira nani ba, kasakkira nani ba nina blikisa kasakka lâka ba warbi sauhkisa.

Malaquía 2:17

Man nani aisisma ba Dawan mai wali swapan; sakuna man nani kau ban makabi walisma: “¿Yawan na dîa aisin sa bara ban wan wali swapaia?” Man nani aisaram Dawan upla nani saura dauki ba yamni kaikisa, witin baha nani wal lilia pali sa. ¡Gâd ba kasakkira sapa man nani tânka briras!

Malaquía 3:15

Yawan nani kaikan aimayunra nani ba lilia sa, diara watawi nani ba wina, witin nani ra yamni baman takisa; witin nani mita Dawan traika kaikisa, sakuna klala kumi sin briras.’ ”

Luk 16:15

Bara Jisas baha nani ra win: “Man nani sika upla nani mawanra wînam kasakkira sakaia lihki banhwisma ba, sakuna Gâd lika upla nani kupia ba kaikisa; bamna upla bui tara kulki nani ba, Gâd mita lika baha nani ba bahki kulkisa.

Kli Smalkanka 25:1

“Upla nani unsaban bâra sa kaka, wihta nani mawanra balbia, bara wihta nani mita param sâkbia pâtkas ba, bara pâtkira ba pât ra laki swibia.

2 Pita 2:1

Bamna Israel nisanka tilara, gâd prapitka kuninkira nani sin bâra kan; baku sin man nani tilamra smasmalkra kuninkira nani bâra kabia. Witin nani ai lukanka ra wan sauhki nani ba, yukuwan lâka ra wan smalkbia, bara witin nani ra swaki sakata Dawanka pali ra sin kulkaia apia wibia; naha na lika witin nani ra pat pali âpu daukaia tânka sa.