Aiseya 5:18 - DAWAN BÎLA AISKA

¹⁸ Man nani ra saura pali kabia kan kunin lâka ni watawika lâka ra raskisma ba, saura lâka ba raski brih auma wagin kum raski ba baku.

Aiseya 5:18 ပူးပေါင်းရင်းမြစ်များ

Lawana Nani 10:11

Watawikira ba lukisa, Gâd ba âuya tiwisa, ai mawan pura prakisa bara sip diara kaikras sa.

Lawana Nani 14:1

Pûlkira ba lukisa, Gâd âpu: witin nani sut warha takan; witin nani diara saura nani daukan; ¡kumi sin âpu sa yamni ba daukaia!

Lawana Nani 36:2

Witin lukisa ai mayunra tara briaia ba aitani sa. Ai watawika lâka ba misbara kaikaia ba sip kaikras sa.

Sins Lâka 4:17

¡Witin ai pata bara ai diaika ba, saurka lâka bara tanis lâka ba!

Aiseya 28:15

Man nani lika naku aisisma: “Yang nani prura wal lâ daukri, prura kingka tasbaya wal sin lâ daukri sari lâka klalka balbia ba ra, yang nani ra ai alkbia apia; kumi lâka ra yukuwaia plikisni, kunin ai muni bara yukuwaiki daukri.”

Jirimaya 23:10

Kuntrika na ra maya lâka sasauhkra waitnika nani banhwan, diara saura daukaia plapi tauki uplika nani, karnika yan ba ni saura ba daukisa. Baha tâwan Dawan mita tasbaya ba lahtubisa, bara tasba ba lâwan, twi nani sin upla iwras tasbaya ra kan ba aman.

Jirimaya 23:14

Yang kaikri prapit nani Jerusalem ra bâra ba, diara saura pali daukisa: upla maya lâka krikisa bara upla ra taibisa, baha dauki ba mita watawikira nani ba kau tâ baikisa, upla kumi watawika lâka ba swi si tnaya ra tawras. Witin nani ba bara tawan uplika nani ba Sodoma bara Gomora uplika nani baku sa.

Jirimaya 23:24

¿Ya sip sa yang kaikisna ba wina yukuwaia? Kasbrika purara tasba ani anira ra sin yang bâra sna. Yang, Dawan, kasak aisisna.

Jirimaya 36:23

Bamna Jehudí wauhtaya ba wahia yumhpa, apia kaka walhwal aisi kaiki bara king baha brih skiru ni klaki sirpi dauki angki kan. Baku dauki wauhkataya ulban ba sut angkan.

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Isikiel 13:22

Man nani, kuninkam lâka ni, upla yamni nani ba sasibrira daukram, yang baha daukaia lukras katna ba, bara kli tawan taim watawikira nani ra tâ baikisma ai daukanka saura nani ba ban dauki kaia. Baku yang bui witin nani ra rayaka yabamna apia dukiara.

Sofonías 1:12

“Baha yua ra, yang lamp kum brih, Jerusalem uplika nani ba tilara pliki kaikamni. Baha uplika nani ai âuyapah pali taki ba klala yabamna, bara witin nani luki aisisa: ‘Dawan diara daukbia apia; ¡yamni sin apia, saura sin apia!’

Jan 16:2

Ju nani priaska watla nani wina mai kangbi mai sâkbia, bara ban sin piua kum balbia ani uplika mita mai ikbia ba, witin lukbia baha ni Gâd warkka daukisa.

Apastil Nani Sturka 26:9

“Kaina piua ra yang pali sin luki kapri, diara manis daukaia Jisas Nasaret nina ba mapara.

Wihta Nani 17:13

Micaías lukan nanara witin Dawan yamnika nani sut bri kabia, Libait kum ai watla ra prîs mangki bri ba mita.

Wihta Nani 17:5

Micaías ai watla ba pura sunaia watla bri kan. Witin sin prîs dimaia, ‘‘efod’’ pîska kum daukan, gâd bahki wala nani sin bri kan, bara ai luhpia waitna kumi ba sin prîs mangkan.