Aiseya 5:16 - DAWAN BÎLA AISKA

¹⁶ Karnika sut bri Dawanka ba, lâ dauki bara ai karnika tara ba tânka marikbia; Gâd holikira ba, witin kasak kat lâ dauki ai holika ba marikbia.

Aiseya 5:16 ပူးပေါင်းရင်းမြစ်များ

1 Kronikas 29:11

¡Dawan, man dukiam sa tara kulkan lâka ba, karnika ba, prana ba, pura luan lâka bara king lâka ba sin! Kan kasbrika purara diara nani bâra ba, bara tasba ra bâra ba sut ba sin man dukiam atia sa, king lâka ba man dukiam sa, bamna man Dawan sika sut purkara sma.

Lawana Nani 21:13

¡Dawan, karnikam ba brih bus! ¡Yang nani lawana aiwani, man pura luisma ba dukiara lilia dauki banhwi kamni!

Lawana Nani 46:10

“¡Man nani, yang mini ra bal kauhs! ¡Baku sin damra wals man nani, yang Dawan sna ba! ¡Yang sika nisan nani sut wihtka sna ba!”

Lawana Nani 9:16

Dawan witin bui ai tânka mairikan: ¡lâ wapni ba aisi daukan! Watawikira ba silak ra aimakisa, witin mita paski kahbi swin ba iliska ra.

Aiseya 12:4

Bara man nani baha yua ra aisama: Dawan ra aiwans, ai nina ra puram suns, upla nani tilara ai warkka daukan dahra ba tara dauks, âmya ra bri bas witin ai nina ba diara sut tilara purara pali bukan sa.

Aiseya 2:11

Witin nani baman sa praut luki, ai walka ra kaiki ba; mâyara batakan kabia; prautka lâka bri nani ba mâyara bawan kabia. Baha yua ra Dawan baman purara bukan kabia,

Aiseya 2:17

Witin nani baman sa luki purara uli wan nani ba mâya pali kat batakan kabia. Baha yua ra Dawan mita, witin baman purara ba tânka marikbia,

Aiseya 2:9

Witin nani paskan bara bawan, maya kat iwan. ¡Baha mita witin na pâtka ban swih tikpara!

Aiseya 28:17

Baha watla mâkaia lâka ba ni kulki kaikaia kiwka daukamni, watla mâkaia ba wapni mâkaia sakaia dukiara.” Kunin aisaia lâka ra, man nani yukuwaika wantka briram ba baha slingbamni, lî klaswan awi ba bara lî aubra mita yukuwaika watla ba aubi brih wabia.

Aiseya 29:23

Kan ai luhpia nani ba kaikbia yang mihti warkka ba, witin nani ai tilara daukri ba, witin nani bui yang nini ba holikira kulkan kabia, witin nani Israel Gâdka sibrinka bribia.

Aiseya 30:18

Sakuna Dawan lika man nani bîlam kaikisa, man nani dukiamra ai kupia swapni brisa; witin bîlam kaiki latwan mai kaiki ba mamrikisa, kan Dawan Gâd ba kasakkira sa. ¡Lilia pali sa baha nani witin kat ai lukanka mangki bri ba!

Aiseya 33:10

Dawan ba aisisa: “Nanara yang buamni; nanara tâinka marikamni yang kulkanka tara brisma ba.

Aiseya 33:5

Dawan yakan ai lâka daukisa, witinka ai iwaika ba laih purara ba ra iwisa; wapni lâka bara kasakka lâka witin Saion ra banhkan,

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 6:3

Bara pana pana ai bîla baikra saki, wini kan: “Holi, holi, holi karnika sut bri Dawanka ba; tasba aiska ba ai prana ni banhwan.”

Aiseya 61:8

Kan Dawan ba wapni lâka ra latwan kaikisa, bara impliki upla iki ba misbara kaikisa. Witin mita baha nani ra kasak lâka ra mana yabia bara witin nani wal lâ kum daukbia ban kaia ra.

Aiseya 8:13

Karnika sut bri Dawanka ra man nani holikira kulks; man nani sibrinkam ba witin ra kabia; man nani bui witin ai mawan sîa bri bas.

Isikiel 20:41

Nanara man nani mai yakaban kuntri wala nani ra nisan nani tilara sma ba, baha wina asla mai daukamna ba ra, upla nani sut mawanra holiki lâka man nani tilamra brisna ba marikamna ba ra, baha lika yang bui man nani wina kîa yamni nani angki aikaia prisantka nani ba brimna.

Isikiel 28:22

Wis: ‘Naku wisa Dawan: Yang, man waihlam kaia param takri, Sidón; man tilamra nina mayunra lâka bukan kabia. Bara man mampara lâmka daukan kabia bara marikbia yang, holikira sna ba lâka; ai tânka bribia yang sika Dawan sna ba.

Isikiel 28:25

“Yang Dawan sna ba, naku wisni: Asla daukamna Israel ba, nisan nani tilara yakabrira ba wina; bara marikamni holikira sna lâka ba, nisan nani nakra ra. Israel klauna ai kuntrika ra iwbia, baha kuntrika Jekob, duki dadaukra ra yabatna ba.

Isikiel 36:23

Yang, nisan nani tilara marikaisna, nini holikira tara ba tânka, man nani sauhkram ba witin nani tilara; yang daukamna ba ra, witin nani ai dahra walbia yang sika Dawan sna ba. Yang, Dawan, kasak aisisna.

Isikiel 38:16

kira upliki Israel purara kauhma. Man, Gog, kasbrika siksa baku tasba na bikma. Baha piua nani ra yabrika tasba mapara balma, baku mika man bâk nisan wala nani ba ai dara walbia, yang sunuki lâka witin nani ra marikamna ba.

Isikiel 38:23

Baku marikamni tawan ailal nani ra, yang tara pali bara holiki lâka ba marikamni. Yang bui yabrika witin nani ai kakaira takbia, bara ai dara walbia yang sika Dawan sna ba.

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Kulki Kaikanka 20:13

Naha sika Meribá laya kârma, bahara sin Israel luhpia nani bui Dawan mapara aisin, bara witinka mita witin holi ba tânka marikan.

Roman 2:5

Sakuna man lika kupiam karna pali sa, ba mita kupiam lakaia sin want apia sma. Bamna man mita puramra pât tara mangkisma, Gâd kasakka lâka kat lâ dauki marikbia ba yua ra;

1 Pita 1:16

Kan Ulbanka ra wisa: “Man nani holikira bas, yang na holikira sna bamna.”

1 Pita 2:15

Kan Gâd lika want sa, man nani diara yamni ba daukma, diara lan âpu nani bara sins âpu nani bîla prakaia dukiara.

1 Pita 3:15

kuna kupiam nani ra Kraist ra Dawan kulki bas. Piu sut ridi bas, man nani diara bîla kaikanka brisma ba, ya ya mita tânka ba mamkabi walbia kaka, klir pali saki wiaia; sakuna baha ba bawikira bara kulkan lâka dauki bas.

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba:

Param Marikanka 4:8

Diara rayakira walhwal ba kumi bani ai tnawa 6 bri kan, bara nakra pali baman banhki kan pura tani ra bara bîla tani ra sin; kakna bara tihmia naku aisi takaskras kan: “¡Holi, holi, holi, Dawan, Gâd karnika sut bri ba, witinka kaina wina bâra kata ba, bâra ban ba, bara naika balaia ba!”