Aiseya 49:7 - DAWAN BÎLA AISKA

⁷ Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Aiseya 49:7 ပူးပေါင်းရင်းမြစ်များ

Blasi Sturka 27:29

upla nani man dukiam daukbia; nisan nani sin man mamwanra bawbia, man muihkam nani pura wihtka aimaki kama, bara witin nani man mamwanra bawbia. Saura mai wibia uplika ba ra pana saura win kabia; yamni mai wibia ba uplika nani ra; yamni munan kabia.”,

Lawana Nani 47:9

Upla tara nani, nisan tara nani tilara, Ebraham Gâdka uplika nani asla takan,

Lawana Nani 68:31

Idsip wina kuntri lengstarka nani balbia Etiopía uplika nani ba Gâd mapara ai mihta nani bukbia.

Lawana Nani 69:19

Man sika, baha nani saura ai wi kata kaikram, swira lâka bara kulkanka âpu ba sut pâtka wauhri; man sut kaikisma, ya ba yang waihli nani ba

Aiseya 14:1

Âu, Dawan Jekob ra umpira kaikbia, baha purkara Israel sin kli bâk saki bribia, bara yaka ai tasbaya ra ris bribia. Tringsar nani ba sin witin aikuki asla takbia, bara Jekob taika nani ra asla prakan kabia.

Aiseya 19:21

Idsip uplika nani ra Dawan ba param takbia bara witin nani bui kakaira takbia, prisantka nani sin daukbia; witin nani sin pramis daukbia Dawan ra bara dîa daukaia wibia ba kat sin daukbia.

Aiseya 19:23

Baha piua ra yabal tara, param kabia Idsip wina Asiria ra waia ba kat. Bara Asiria uplika nani Idsip ra wabia, bara Idsip uplika nani sin Asiria ra balbia; baku Idsip uplika nani, Asiria uplika nani aikuki Dawan warkka daukbia.

Aiseya 27:13

Baha yua ra sin trumpit binka tara puhbi kabia, baha nani Asiria tasbaya ra yakaban nani ba balbia, tasbaya wina kangban Idsip ra wan nani ba sin, bara witin nani Dawan ra mayunbia, Jerusalem ra baha il holikira sa purara.

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 48:17

Dawan bui man ra atki mai sasakra ba, naku win, Israel Gâdka Holikira ba: “Yang sika man Dawan Gâdkam; yamnika uya man ra takaia ba mai smalkisni, yabal bâk wapaia tâm brisna.

Aiseya 48:7

Diara nanara paskan nani ba, yu nani pat luan ba piua ra paskan ba lika apia. Naha yua nani sin man nani kau walras kapram ba, bamna baku man nani sip wima apia: ‘Yang nani baha tânka pat bri kapri.’

Aiseya 49:1

Kabu un ra iwi nani sma ba, man nani laihura iwisma ba sin sut, aman yang ra wals: Dawan ai paiwan, kau yang aisubi takras kapri piua wina; kau yang yaptiki biara ra kapri nini mâkaia ba ai kupia lukra ra brin.

Aiseya 49:23

King nani ba tasba ra man takan papikam nani kabia, bara king luhpia mairin nani ba luhpiam main kaiki kabia. Ai mawan tasba ra bawi witin nani mamwanra mamyunbia, tasba yuya minam wina, ai twisa ni dabia. Bara man kaikma yang sika Dawan sna ba, baha nani yang bîli kaiki ba swira daukan kabia apia.”

Aiseya 49:26

Mai tataibra nani ra taibi munamna ai wîna ba piaia, ai tâlia ba sin wain baku di bla takaia. Baku upla sut tânka bribia yang, Dawan, yang bui man mai swaki mai sasakra sna ba; yang, karnakira ba Jekob wina, yang sika man pri mai sasakra.”

Aiseya 50:6

Yang nini ba ai praprukra nani ra yabri, ai wipan, yang maiwan nani ba sin wan unmaya dadaikra nani ra yabri, bara maiwan ba sin yukukras kapri saura aisi nani ba wina, yabalaya ni ai tuhbi kan ba sin.

Aiseya 52:15

baku nisan nani sin taibia; king nani witin kaiki ai mawanra ai bîla prakbia, kan witin nani ra diara wiras kan ba dukia nani ba marikbia bamna, bara witin nani diara walras pali kan ba baha tânka sin bribia bamna.

Aiseya 53:3

upla nani witin ra bahki kulki lulki swin, waitna kum ai wîna latwanka uya bri kan, pât wahwaia ba ai natka takan. Witin ra upla kum baku kaikaia uplika apia kan, yawan bui witin ba bahki kulkan, yawan bui witin ba wan tilara kulkras.

Aiseya 60:10

Bara tringsar nani ba mita tawankam ba kutbia, bara ai kingka nani ba man nani dukiam daukbia; kan ban kra Dawan ba ai kupia baiwanka ra klala maikan, nanara ai kupia yamnika lâka ra man ra umpira mai kaikan.

Aiseya 60:16

Plun kau pain ba nisan nani wina man ra maikbia, king nani ba diara kukan manis man ra brih balbia; bara man ai kakaira takma Dawan ba, yang, yang na man mai swaki mai sasakra.

Aiseya 60:3

Nisan nani ba ingnikam lamara balbia, king nani man ra yu baiwanka aula ba bâra balbia.

Aiseya 66:23

Bara kati raya yua ra bani, wik bani wan ris yua ba, upla nani sut balbia ai pura sunaia yang maiwanra. Yang, Dawan, yang aisari.

Sakaraya 11:8

Baha wina kati kumi baman bilka ra, sepad yumhpa misbara ai kaiki, kupi sauhki pali kan ba kangbi sakri.

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Matiu 26:67

Ai mawan ra yabalaya tuhbi, prukan. Wala nani mita mawan ra pruki,

Luk 22:27

Bamna, ¿ya ba kau tara kulkan sa ki, witinka tibil ra iwi plun piaia ba, apia kaka, plun tibil ra iwi ba? ¿Kasak apia witinka tibil ra iwi ba? Sakuna yang lika man nani tilamra sna, sim dukia dadaukra baku.

Luk 23:18

Sakuna sut mahka ai tâ baiki winan: —¡Naha waitnika kaikan wan daukras! ¡Barabas lika pri sâks!

Luk 23:23

Sakuna witin nani ai tâ baiki wini, makabi kan dus prihni ra sabia. Witin nani taibi wini kan, bamna dîa witin nani want kan ba kat brin.

Luk 23:35

Upla nani sin bahara bûi kaiki kata, wihta tara nani mita sin ai lawaska kiki, naku aisi kan: —Upla wala nani ra swaki sakan; bamna nanara witin swak takbia, witin ba kasak Misaya sa kaka, Gâd mita bâk sakan ba.

Jan 18:40

Bamna baha nani sut ai bîla baikra tara ni naku winan: —¡Jisas lika apia! ¡Sakuna Barabas lika lanhks! Naha Barabas na lika waitna kum âimplikra kata.

Jan 19:15

Sakuna Ju nani ai pura wini, naku win: —¡Witin ba prubia! ¡Witin ba prubia! ¡Dus prihni ra sas! Pailat bila: —¿Man nani want sma ki, kingkam ba dus prihni ra sabamna? Sakuna prîs tara nani pana win: —¡Yang nani king wala briras, Rom kingka baman!

Jan 19:6

Bamna prîs tara nani bara suldiar nani sin Jisas ba kaikan ba ra, mahka ai pura wini, win: —¡Dus prihni ra sas! ¡Dus prihni ra sas! Pailat bila: —Ban kaka, man nani mita witin ba bri si dus prihni ra sabi banhs, kan yang lika witin wîna ra watawanka kumi sin sakras sna.

1 Korint 1:9

Gâd lika ai pramiska nani dauki ba kat kasak sa, bara witin sika man nani ra mai paiwan ba, ai Luhpia Jisas Kraist wan Dawan ba wal aikuki asla iwaia.

Kli Smalkanka 7:9

Bamna tânkam bri banhs, Dawan ba Gâdkam sa, Gâd kasak sa, kiamka nani ra ai lâka kasak ba daukisa, witin ra latwan kaiki ai lâka ban bri ba,

1 Pita 2:4

Baku bamna, man nani, Dawan lamara bal, walpa rayakira kum baku. Upla nani mita Kraist ba lulki swin, kuna Gâd mapa ra lika walpa bâk saki brin kum sa, bara mana tara brisa.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba: