Aiseya 49:4 - DAWAN BÎLA AISKA

⁴ Bara yang pat luki kaikatna: “Yang bahki ra wark takri, diara sin sakras, yang karniki nani ban tikri diara bahki ra.” Sakuna yang dîa daukri ba lika Dawan mihta ra sa, bara yang maina ba Gâdki ai karnika brisa.

Aiseya 49:4 ပူးပေါင်းရင်းမြစ်များ

1 King Nani 19:10

Witin pana win: “Dawan, daihra walri, Dawan karnika sut alki brisma ba tâwan uya pali lawri sa, kan Israel luhpia nani man lâmka ba swin, bara altarkam nani sut batakan, bara prapit nani sut sin ikan sord ni. Bara yang baman takaskri, bara ai plikisa rayaki na sakaia dukiara.”

Sins Lâka 29:26

Upla manis wihta mawanka plikisa ai lâka aisi daukaia, sakuna Dawan baman kasak lâka daukisa.

Aiseya 25:1

Dawan, man ba sika yang Gâdki sma; purara mai bukamni, ninam mayunamni, kan man lika diara aihkakira nani ba daukram, blasi pali wina man lâ smalkram bîla nani ba, kasakka lâka ban ba mita.

Aiseya 35:4

Kupia sibrinkira nani ra wis: “¡Man nani kupiam karna dauks, si bripara! Kaiks nâra sa man nani Gâdkam ba man nani swaki mai sakaia, bara waihlam nani ba klala yabaia baha klalka witin nani briaia kan ba.”

Aiseya 40:10

Kaiks, Dawan ba ai karnika wal aula bara witin Dawan aimakbia. Ai uplika nani brih aula witin holi atki saki brin ba.

Aiseya 40:27

Israel, Jekob tawanka, ¿dîa kan brukwisma? ¿Dîa kan aisisma: “Dawan ba yang ra diara taki ba tânka briras, Gâd lika yang dukira lukras”?

Aiseya 57:21

Gâd aisan sa: “Kupia kumi lâka ba âpu sa, saurakira nani ba dukiara.”

Aiseya 59:18

Dawan mita upla kumi bani ra dîa daukan ba praiska kat mana aibapbia; ai waihla nani ra klala yabia; witin ra misbara kaiki nani ba mana dîa briaia ba kat yabia; kabu un ra iwi kuntrika nani ba ra sin.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 62:11

Dawan mita naha sturka na maisa pakisa tasba aiska ra upla sut walaia: “Man nani Saion tawanka ra wis: Kaiks man sasakrikam ba pat aula. Dawan lika ai uplika nani ba wal aula, ai warkka daukan ba mana witin ai mawanra yabia.”

Aiseya 65:2

Maipara babura uplika nani mawanra, yu aiska yang mihti sakbri, witin nani sika yabal yamni apia bâk impakisa, ai kupia lukanka saura nani ba ninara;

Aiseya 65:23

Witin nani bahki ra wark takan kabia apia, ai luhpia nani sin piua kau aimakras prubia apia, kan witin nani ba, Dawan wina ai yamnika yan kiamka nani bamna, bara witin nani ai kiamka ba sut baku kabia.

Isikiel 3:19

Sakuna man smalki lawi daukram kuna, ai kupia lakras sa ai saurka ba wina, bara ai yabalka saura ba swiras, bara witin prubia, kuna man sulkam ba pri sakram kabia.

Libait Lâka 26:20

Karnikam bahki pali tikma, kan tasba ba mâ nani maikras bara dus nani sin mâ alkras kabia bamna.

Matiu 17:17

Bara Jisas naku aisan: —¡Man nani kasak lukras kiamka bara watawikira nani sma ba! ¿Ahkia kat yang na man nani wal kamna? ¿Ahkia kat yang kupi man nani wal ban alki takaski bri kamna ki? Tuktika waitna ba nahara bri bal.

Matiu 23:37

“¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

Luk 24:26

¿Bamna Misaya dukia apia kan ki naha pâtka nani wahwi si, ai prana ra dimi iwaia?

Jan 1:11

Balan ai tasbaya pali ra, sakuna ai uplika nani mita witin ba briras kan.

Roman 10:21

Sakuna Israel luhpia nani dukiara Aiseya naku wisa: “Yu aiska mihti nani ba sakbri, kiama karna bara bîla kat sin wali daukras uplika nani ra.”

2 Korint 12:15

Bamna yang maipa ra wilin pali tikamna dîa brisna ba man nani sulkam dukiara, bara yang pali wîni tara na sin ban tikamna; kaiks, man nani ra kau latwan mai kaikisna ba ra, man nani ba lika kau latwan ai kaikras taki banhwisma.

2 Korint 2:15

Kan yawan na lika Kraist mita, Gâd ra kîa damni yamni painkira angki yabi ba baku sa, bara baha dus nani mâka kiawalisa, swaki saki uplika nani bara tanis tiwi uplika nani sin.

Galesha 4:11

Yang uya si brisna, kan man nani tilamra wark takri ba bahki pali sa lukisna.

Pilipai 2:16

raya kaia sturka yamni ba witin nani ra yabi. Baku, Kraist balbia ba ra, man nani dukiamra yang âiyapah pali kamna, kan baku lika kaikamna bahki plapras sna bara bahki sin wark takras sna ba.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.