Aiseya 49:17 - DAWAN BÎLA AISKA

¹⁷ Man nani kli mai mâkaia nani ba pat pali aula, mai slingban nani ba wal; danh âpu mai daukan nani ba mahka wan sa.

Aiseya 49:17 ပူးပေါင်းရင်းမြစ်များ

Esdras 1:5

Bahamna Juda bara Benjamín watla wihtka nani, prîs nani, Libait nani, baha nani sut ra Gâd mita spiritka ra tatukbi bukan, Jerusalem ra waia Dawan watla ba mâkaia.

Nihimaya 2:17

Bamna witin nani ra wîri: —Man nani pain nu sma naha wan dauki wan swin na kat wan trabilka na tara, kan Jerusalem na sut sauhki tikan sa, bara getka nani ba sin sut pali pauta ni angki sauhkan. Bamna yang ra bal asla taks Jerusalem tawan kutbanka na kli paskaia, kau ban wan swira daukan lâka ra iwi kaia sip apia.

Lawana Nani 137:3

Bahara sika priski wan brih wan kata ba, diara nani sut wan mihta dakban bara yang nani ra ai win lilia aiwanaia, makaban witin nani ra Saion lawana ba aiwani banhwamna.

Aiseya 10:6

Tawan kum Dawan ra lukras ba mapara aiklabaia witin ba blikisna, nisan kum ra kupi baiki ba, dukia nani ba impliki sut mihta dakbaia dukiara, witin nani ba alki taibaia slaubla yabal ra wan mina ra taibi ba baku.

Aiseya 37:18

Dawan, kasak sa Asiria kingka nani ba nisan ailal tasbaika nani sauhki tikan.

Aiseya 49:19

Man kuntrikam ba sauhki tikan sa, slingbi tikan bara bîla baman swin sa, sakuna nanara tasbayam bîla sirpi takbia kwâra tara nani bal iwbia ba mita. Mai sauhki tatikra nani ba laihura kitbi sakan kabia.

Aiseya 51:13

¿Dawan mai papaskra ba, pat âmya tikaisma, witin kasbrika pura nani ba bri sal saki bapan ba? ¿Bara man yu aiska ban sibrin tatatwi ban kaisma, baha nani ai kupia baikanka ra sarkam paski ba dukiara, witin nani mai slingbi tikaia ridi taki buan ba sîa? ¿Sakuna kupia baiwanka ra sarkam paski nani ba anira sa?

Aiseya 60:4

Namkra ba tnamya kir ra buki kaiks; baha nani sut asla takan ba, witin nani man ra aula; luhpiam waitna nani, laih wina balbia, bara luhpiam mairin ba, ai klahkla ra buki twilki brih balbia.

Aiseya 62:5

Wahma kum tiara kum wal ai maya taki ba baku, Dawan sin baku man ai maya mai bribia, bara kli mai paski bara man wal lilia kabia, maya waitna ai maya mairin wal lilia ba baku.

Isikiel 28:24

‘Israel ba kli pât wauhbia apia, kiaya tatwa bara latwan pali ba misbara ni upla wala nani kîa ba mita kaiki ba. Bara ai tânka bribia yang sika Dawan sna ba.’

Isikiel 36:10

Yabrika Israel ra iwi nani ba ailal pali takbia. Tawanka nani ba upla nani ni banhkamna, bara sauhki tikan nani ba kli paskbia.