Aiseya 49:16 - DAWAN BÎLA AISKA

¹⁶ Yang mihti nani bîla kat lilkam dauki brisna; tawankam kutbanka nani ba piua bani ra maiwanra sa.

Aiseya 49:16 ပူးပေါင်းရင်းမြစ်များ

Impakan Sturka 13:9

Dawan ai karnika tara wal Idsip tasbaya wina bri sal mai sakan, bahamna baha yua ba yarka sain kum klamhkla ra wilkan baku, lamla purara sin mark kum mangkan baku prais damra wali baku, man nani kupiam krauki kama. Dawan lâ daukan ba dukiara sin piua bani ra ban aisi kama, kan witin ai karnika tara wal man nani Idsip tasbaya wina mai sakan bamna.

Yamni Kulki Lawana 8:6

¡Man kupiam bilara ulbanka baku ai mangki bri bas! ¡Klamhkla kat sin ulbi mangki ai bri bas! Latwan lâka lika, karna pali sa, prura ba baku, brinka lâka ba, pruan nani tasbaya baku karna sa; latwan lâka pautika klauhan ba lika, pauta klauhanka laknika kum, Dawan wina sika.

Aiseya 26:1

Baha yua ra naha aiwananka na, Juda tasbaya ra aiwanbia: “Tawan tara karna yang nani brisna; bahara swak takaia, Gâd mita wan swaki sakaia kutbanka karna nani buki wankan.

Aiseya 54:12

Tawerkam nani ba, walpa manakira nani ni mâkamni, getkam nani ba sin walpa manakira ni paskamni, bara tawankam kutbanka ba sin sut walpa manakira ni paskamni.

Aiseya 60:18

Saura munaia daukanka ba man nani tasbayam ra kli walan kabia apia, sauhki tikan lâka, lâ krikanka nani sin walbia apia, sakuna kanra mika walbia, man tawankam kutbanka nina ba ‘Swaki Sakan Tawanka’, man getkam nani ba ‘Mayunra Getka nani’ mâkan kabia.

Aiseya 62:6

Jerusalem, kutbankam nani purara, aihwawakra nani yang swiri kakna ra tihmia ra sin witin nani aisi ban kabia: “Man nani bui Dawan ra puram sunisma ba takaskpara,

Aiseya 62:7

man nani ris yapara, Jerusalem ba kli mâkbia ba kat bara yarka tasba aiska ba mita mayunbia.”

Jirimaya 17:1

“Juda, man saura daukram ba sisil ni klaki ayan ra ulban sa, daimans kakma ni klaki ulban man kupiam walpaya ra, altarkam nani aringka ra, ayan sisilka kakma daimans bri ba ni klaki ulban sa.

Jirimaya 22:24

Dawan ba, Jeconías,, Joaquim Juda kingka ba ra pat win kan: “Yang rayaki ni swer takisna man ra: Man ba mihti aihkika ra sîl mihtadingka baku bâra kama kaka sin, sakuna baha wina mai daikaisna

Hageo 2:23

Duki dadaukra Zorobabel, baha yua ra yang mihtidingka, sîl mangkaika ba baku main mai kaikamni, kan yang bâk mai saki mai briri bamna. Yang, Dawan karnika sut brisna ba, kasak aisisna.”