Aiseya 48:2 - DAWAN BÎLA AISKA

² dîa wisma tawan holikira uplika nani, bara tâ baikaia Israel Gâdka ra; witin ai nina ba karnika sut bri Dawanka:

Aiseya 48:2 ပူးပေါင်းရင်းမြစ်များ

Nihimaya 11:1

Baha nisanka wihtka nani ba Jerusalem ra iwi banhwan; bara tawan uplika wala nani ba lika lat lulki kaikan upla pamali matawalsip ba wina, kumi baman sip kan Jerusalem tawanka ra iwaia, tawan holikira ba; bara uplika wala nani 9 pamali nani ba lika, tawan wala nani ra takaski iwaia kan.

Nihimaya 11:18

Jerusalem ra bâk sakan tawanka ra 284 Libait nani takaskan.

Lawana Nani 48:1

¡Dawan ba tara sa! ¡Dawan ba kasak sa, yawan bui witin ra mayunaia sa, ai tawanka bara ai ilka holikira ra!

Lawana Nani 87:3

Gâd tawanka, nahki man ba pramna painkira sa wisa:

Aiseya 10:20

Baha yua ra nani ra Israel ra upla wiria man takaskan kabia nani ba, Jekob watla uplika nani kau raya kabia ba, witin nani ra rausauhkan nani bara kli aikuki ai tâ baikbia apia, sakuna kasak pali sika, Dawan Israel Gâdka Holikira ra ai tâ baikbia.

Aiseya 47:4

Yawan atki wan sasakra ba, ai nina karnika sut bri Dawanka, Israel ra Holikira ba, witin aisisa:

Aiseya 51:13

¿Dawan mai papaskra ba, pat âmya tikaisma, witin kasbrika pura nani ba bri sal saki bapan ba? ¿Bara man yu aiska ban sibrin tatatwi ban kaisma, baha nani ai kupia baikanka ra sarkam paski ba dukiara, witin nani mai slingbi tikaia ridi taki buan ba sîa? ¿Sakuna kupia baiwanka ra sarkam paski nani ba anira sa?

Aiseya 51:15

“Yang sika man Dawan Gâdkam, yang nini karnika sut bri Dawanka; kabu ba nikbisna bara ripka nani ba yâri lawisa,

Aiseya 52:1

Rawi bus, Saion, rawi bus, karnikam ba prâmka dims, Jerusalem tawan holikira prâmka kau pranakira ba dims, kan gâdkas, upla tâskikira, kli bal man ra dimbia apia.

Jirimaya 10:16

¡Jekob Gâdka diara sut bâra ba Papaskra sa, witin sât aihka ba! Witin mita Israel ba ai uplika nani kaia bâk sakan. Ai nina ba mâkan sa: Karnika sut bri Dawanka ba.

Jirimaya 44:26

Sakuna Juda uplika nani, man nani Idsip ra iwisma ba, naha wals, yang, Dawan, man nani ra aisisna: Nini kulkanka tara ba ni swer takisna, Juda uplika Idsip ra iwi ba kumi sin kli yang nini mâki, aisabia apia: Dawan rayaka nina ra.

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Matiu 27:53

Jisas kli pruan wina buan ba ra, naha nani raiti wina taki, Jerusalem tawanka ra diman, bara upla ailal witin nani ba kaikan.

Matiu 4:5

Ningkara, dibil Jerusalem tawanka holikira ra brih wan, bara tempel bahna ra suni,

Roman 2:17

Bamna man wisma, man ba Ju, bara Moses lâka ba kat alki daukisma, Gâdkam ba dukiara tara damra walisma.

Param Marikanka 11:2

Sakuna tempel kutbanka painkira latka ba tani lika kulkpara, kan baha ba upla tringsar nani mihta ra mangkan sa, bara witin nani tawan holikira ai mina ni taibi bribia kati 42 prais.

Param Marikanka 21:2

Yang tawan holi ba kaikri, Jerusalem raya ba, kasbrika purara ba wina bal iwuya kan, Gâd mawan wina. Baha ba pain pali ridi daukan kan, marit takaia mairka kum ai waitnika wal prawaia kwala pain dimi ba baku.

Param Marikanka 22:19

Bara upla naha dahra aisin wauhkataya bîla nani na wina diara kum dakbi sâkbia kaka, Gâd mita witin ai dukia briaia ba dakbi sâkbia, raya kaia dusa ba wina sin bara tawan holikira ba wina sin dakbia, bara baha nani tânka ba naha wauhkataya ra ulban sa.

Wihta Nani 17:13

Micaías lukan nanara witin Dawan yamnika nani sut bri kabia, Libait kum ai watla ra prîs mangki bri ba mita.