Aiseya 47:8 - DAWAN BÎLA AISKA

⁸ Baha mita, naha na nanara wals, diara lalihkra nani mairka, âuyapah iwaikam ra iwisma ba, lukankam ra lukisma ba: ‘Yang, bara yang wina kau walan âpu sa; yang piarka takamna apia, luhpias sin takamna apia.’

Aiseya 47:8 ပူးပေါင်းရင်းမြစ်များ

Aiseya 14:14

Kasbrika nani ba wal kau purkara ulamni; bara Laih Purara bâra ba wal baku kamni.’

Aiseya 32:11

Man nani sâp sma ba tatatwi bas, sari takras mairka nani, man nani trabil taki luks; man nani âmyapah mairka nani, man nani prâmka daiks, sari prâka dims, kwala sukra ni man nani maisam wilks.

Aiseya 32:9

Bara mairin nani, man nani trabil taki lukras sma ba, yang bui man nani ra aisisna ba wals. Mairin nani briaia baman bîla kaikisma ba, man nani bui yang bîli nani na wals.

Aiseya 45:18

Kasbrika pura Papaskra ba, witin sika Gâd bara Dawan ba, tasba ba dauki bara paskan ba, witin watlika ra bapi mangkan ba, witin baha paskan ba, bilara diara âpu kaia dukiara paskras kan, sakuna upla nani bâra iwi kaia, witin aisisa: “Yang sika Dawan, bara wala âpu.

Aiseya 45:5

Yang sika Dawan, bara kau wala âpu sa, yang tnaiya ra Gâd wala âpu sa. Yang ridi mai daukri aiklabaia dukiara, man kau ai kakaira apia sma sakuna,

Aiseya 45:6

yu baiwi ulanka ba wina, witin nani ai kaikbia dukiara, bara yu dimi ba kat sin, wala âpu sa yang wal baku ba. Yang sika Dawan, wala âpu sa yang wal kau kainira ba.

Aiseya 47:10

Kan man watawikam lâka ra lukankam mangki briram bamna, man wiram: ‘Upla ai kaikras sa.’ Man sinskam lâka ba, man diara tânka kaikaia lâka brisma ba mita kunin mai munan. Bara kupiam ra wiram: ‘Yang baman, kau wala âpu sa yang wina.’

Jirimaya 49:31

Yang, Dawan, man nani ra mai wisna: ¡Kainamra waps, baha uplika nani trabil âpu ai âuyapah ba wal aiklas, get nani âpu, prakaika sin âpu, yakan pali iwi ba mapara!

Jirimaya 50:11

“Caldea uplika nani, man nani bal yang upliki nani diara bri kan ba sut briram ba, ¡bara liliam dauks, pi, di, dimi! ¡Bîp mairin twi kura ra pih srutwi baku srutwi banhs! ¡Aras nani srutwi ihbi baku dauks!

Jirimaya 51:53

Babilon ba purara wih kasbrika purkara ulbia sin ai kan kahbaika pliska purara pali mangkaia dukiara, waihla nani ba blikamna witin nani ba sauhki tikaia. Yang, Dawan, kasak aisisna.”

Isikiel 16:49

Muihkam Sodoma saurka ba naha sa: witin bara ai tawanka sirpi nani wal manis pali kwalhwi kata plun manis bri ba dukiara, bara witin baman sip sa baku luki ba dukiara, kuna umpira nani ra tâ baikras kan, baku sin diara luha nani ra.

Isikiel 28:2

“Man, upla luhpia, Tiro kingka ra wis: ‘Naku wisa Dawan ba: Kupiam ba aimayunra lâka ni banhwan, bara man ba gâd sma lukram, gâd nani iwaika kir ra iwi ba, bara kabu ni kir kutbi mai bri ba. Sakuna man lika gâd apia sma, kuna man waitna sma, bara lukisma gâd baku sinska lâka brisma.

Isikiel 30:9

“Idsip ra klala yabaia yua balbia ba ra, bîla twatwilkra blikamni, kabuk upla nani maisa pakaia Etiopía uplika ai dahra walras ba, baha nani sirang tara pali iwbia. Baha yua ba pat balaia man sa.

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 4:22

Baha dusa ba sika man king, pâwi ban karnakira pali takram ba. Wan Kingka sma ba lâka lika ban pâwi kasbrika purara ba kat ulan sa, man kingkam lâka karnika ba tasba aiska kat wan sa.

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Daniel 4:4

“Yang, Nabucodonosor King, watla ra sâp, kupi lamni, bin âpu bâra kapri, diara nani sut sin nahki yamni pâwi ba kaiki kapri,

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Daniel 5:30

Baha sim tihmika ra, Caldea uplika nani kingka bui Belsasar ba ikan

Nahum 1:10

Witin nani ba, kiaya dusa nani sisitni pâwan baku, bara sin twi lâwan baku sin aiska pali ambia.

Nahum 3:4

Bara naha sut na rug lâka saura tâka, ur mairin ai prana wal yamni kaiki sukia ra smasmalkra ba, ai rugka lâka bara sukia lâka wal, tawan nani ra kunin muni kan bara nisan nani ra sin.

Abakuk 1:7

Witin nani ba sibrin saura wan dingkisa, bara sin saurakira nani sa, lâ wala nani kulkras sa, witin nani ai lâka mangkan ba baman ra kulkisa.

Sofonías 2:15

Baha tawanka sika aimayunan lâka ni pura luan sa, kan witin nani baman sa luki kan. Naha tasba ra, witin nani ai tasbaya uplika nani baku upla wala âpu sa luki kan. ¡Nahki upla âpu yakan pali swin ba, daiwan wail nani watla takan ba! Ansa piua ra witin lamak lui wabia ba ra, wasbi bara saura kulkan lâka wal ailal mariki kabia.

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

Wihta Nani 18:27

Micaías paskan dukia nani ba sin brih, witin nani Lais kat wan. Baha uplika nani ai waihla nani mapara aihwakras ai âuyapah ai tawanka ra iwi kan, bara Dan kiamka nani ba mita baha nani sut sord ni baman iki bara tawanka sin angkan.

Wihta Nani 18:7

Baha wina waitna nani matsip ba, mahka Lais tawanka tânka pliki kaikaia wan. Witin nani kaikan Lais uplika nani ba Sidón uplika nani iwi ba baku iwi kan, kupia kumi lâka ra, sâp lâka ra, upla wala nani wal war aiklabras kan, witin nani dîa want ba sut bri kan bara diara luha apia kan. Sidón uplika nani wina sin laihura iwi kan, kiamka wala nani ba wal aikuki sin bisnis briras kan bara bisnis daukras kan.