Aiseya 47:5 - DAWAN BÎLA AISKA

⁵ “Bîlam praki sâp iws, tihmia, ingni wal lilapas ra dims, Caldea tiarika mairin, man na ‘nisan nani kwinka’ kli mai wibia apia bamna.

Aiseya 47:5 ပူးပေါင်းရင်းမြစ်များ

Lawana Nani 31:17

Dawan, yang lika man ra winisna; ¡swira lâka ra ai rungkpara! Upla watawikira nani lika swira lâka ra rungwi tiwbia; ¡prura tasbaya lamnika ra yas rungbia!

Lawana Nani 46:10

“¡Man nani, yang mini ra bal kauhs! ¡Baku sin damra wals man nani, yang Dawan sna ba! ¡Yang sika nisan nani sut wihtka sna ba!”

Aiseya 13:10

Baha ba mita slilma nani bara slilma sirpi nani daknika kasbrika purara bâra ba ai ingnika ba sin ingbia apia; lapta ba uli balbia wal baku, tihmu tara iwbia, bara kati ai ingnika ba sin yabia apia.

Aiseya 14:23

Yang mita swamp baman daukamna, istapla nani pliska daukamni, kaina kutbanka ba wih, sauhki tatikra brumka ba wal pahbamni.” Baha sika Dawan karnika sut bri ba aisisa.

Aiseya 14:4

man nani naha sinska lâka nani aisi banhma, Babilon kingka lawaska kikaia dukiara: “¡Upla ra rausasauhkra kata ba kaiks ani kat bal takaskan ba! ¡Witin tara puli kata ba ani kat takaskan ba kaiks!

Aiseya 21:9

Bara nanara kaikisna aras wâl wagin kumi raski aula.” Bara upla kum aisi, win: “¡Kauhan, Babilon ba kauhan! Ai aidulka gâdka nani sut tasba ra kauhi kriwi yuya baman takan.”

Aiseya 23:2

Tiro wina uplika nani ba Sidón wina diara âiatkra nani kata ba, sâp taki banhwan. Lalka nani sin kabu wala ra lui diara kwahki kan ba,

Aiseya 47:1

“Bal iws, Babilon tiarika mairin, kau mayam âpu sma ba, bara tasba pukpuka ra iws; iwaikam wina iws, Caldea wina tiarika mairin, bara tasba ra iws, kan kli mai wibia apia man ba swap lupia painkira.

Aiseya 47:7

Man wiram: ‘Yang na kwin ba ban kamna’; sauhki tikras kapram baha dukiara, bara sin lukras kapram nahki tnata alkaia kan ba.

Jirimaya 25:10

Yang daukamna witin nani ai tilara lilia mita aiwani lilia kaia kli daukan kaia apia, maya baiki lawana sin aiwanaia apia, akbaia walpaya nani binka sin walaia apia, lamp angki ingnika nani ba sin kli kaikaia apia.

Jirimaya 8:14

Bara upla nani ba aisabia: “¿Dîa dukiara yawan nâra kau takaskisa? ¡Kaisa yawan sut tawan tara nani karna paskan ba ra waia bara bahara sut wan ikbia! Dawan, wan Gâdka mita pruaia ra wan lakan sa bamna; puisin liura diaia wankbia, kan yawan bui witin ai mapara saura daukan ba tâka mita.

Inanka Nani 1:1

¡Tawan tara yakan pali takan na, blasi upla ailal pali kata ba! ¡Nanara piarka baku takan sa, witin nisan nani tilara tawan nani kiapitalka kata ba! Tawan nani tilara witin king luhpia mairin baku kan, nanara alba mairin takan sa.

Inanka Nani 2:10

Saion pranakira almukka nani ba sâp taki tasba kat iwisa, krukus kwalka dimi tasba puknika ai lal ra yakabisa. Jerusalem tiarika nani lika, ai lal ba tasba kat makupisa.

Abakuk 2:20

Sakuna Dawan pali ba ai tempelka watla sunukira ra iwisa. ¡Bamna tasba aiska ba, witin ai mawanra sâp kabia!

Sakaraya 2:13

¡Yarka upla nani sut Dawan mawanra sâp pali kabia, kan witin iwi yaba watla holikira ba wina yawan ra aula sa!

Judas 1:13

Kabu ripka prautkira nani baku, ai daukanka saura nani ba wina swira lâka nani ukatka ba sakisa; slilma nani ai yabalka tikan nani sa, pât ban kaia ra lulkan sa, tihmu tara tilara kaia.

Param Marikanka 17:18

Mairin kaikram ba lika baha tawanka tara ba sika, naha tasba kingka nani purara karnika alki taibi bri ba.”

Param Marikanka 18:7

Witin ai wîna ra aimayuni ai liliaka tanis brin ba baku, sim daukan ba mana kat yas, witin ra latwan bara rausauhkan sin yas. Kan witin ai kupia ra wisa: ‘Yang lika nahara kwin mairin baku iwisna; piarka apia sni, latwan sin wahwamna apia.’

1 Samuil 2:9

Ai uplika kasakkira nani mina taibanka ba witin bui main kaikisa, sakuna saurakira nani ba tihmia tilara prubia, kan upla kumi sin ai karnika ba mita pura lubia apia bamna.