Aiseya 46:13 - DAWAN BÎLA AISKA

¹³ Yang daukisna swaki sakanka warkka brisna ba lamara balbia; yang swaki sakangki ba takaskras aula, laihura apia sa. Saion ra swaki sakan lâka yabamni bâra sa, bara yang praina ba Israel ra sa.

Aiseya 46:13 ပူးပေါင်းရင်းမြစ်များ

Lawana Nani 14:7

¡Ay, Saion ilka wina Israel luhpia nani hilpka lâka ba balbia kaka! Dawan bui ai uplika nani ba pri sakaia lâka daukbia ba ra, Jekob kiamka nani ai âuyapah kabia, Israel sut sin lilia kabia.

Lawana Nani 46:1

Dawan ba sika wan yukuwaika bara wan karnika sin; wan hilpka sa yawan pât bri ba piua ra.

Lawana Nani 46:5

Baha tawanka lilapas kat, Dawan ba bâra sa bara alki brisa, Dawan bui yu bani ra hilp muni kabia.

Lawana Nani 85:10

Latwan lâka bara kasakka lâka wal prawbia, kupia kumi lâka bara wapni lâka ba wal ai mawan kiawalbia,

Lawana Nani 85:9

Kasak, sa, Gâd ba wan lamara sa, ya witin ra kulki nani ba swaki sakaia, bara ai prana ba wan tasbaya ra bâra kabia.

Aiseya 12:2

Kaiks, Gâd sika swaki ai saki ba; yang baha ba kasak lukisna, bara si briras sna, kan yang karniki sa, yukuwaiki sa sin, witin sika yang swaki sasakriki ba.

Aiseya 28:16

Baha mita, Dawan ba naku wisa: “Saion ra walpa kum mangkamni, walpa kum mana tara pali bâk saki briri ba, walpa pas, sut wihtka ba, baha purara mâki kaia walpaya ba, ya witin ra kasak luki ba ai âuyapah kaia sip kabia.

Aiseya 43:7

yang nini bri nani ba sut, witin nani ra yang bui paskri bara daukri ba, yang bui witin nani paskri ba maiyunra ba daukaia.’

Aiseya 44:23

¡Kasbrika pura, liliakira wins Dawan daukan ba dukiara! ¡Wins raya sa, tasba tihuka nani pali ba! ¡Il nani bara unta ra dus tara nani sin, liliakira wini banhs; kan Dawan ai prana ba marikan, Israel luhpia nani ba swaki sakan bamna Jekob uplika nani ba!

Aiseya 45:8

“Yang pura luaia karnika ba blikamna, diwas laya baku kasbrika pura ba wina, bara lî auhbia kasbrika nani ba wina bara tasba ba bribia; mâ baku bal takbia swak takan lâka ba bara ai tnaya ra urhwi takbia kasakka lâka ba.”

Aiseya 51:5

Yang pura luaia ba pat baila pali sa, swaki mai sakaia lâka ba aula sa, yang klaihkla nani ba upla nani lâka daukbia; kabu un ra iwi nani ba sut yang bîli kaikisa, yang karniki ra bîla kaikanka brisa.

Aiseya 54:17

sakuna upla kumi sin kau bin daukras sa, baha mai sauhkaia sip ba; damhra kwahki nani ba sut bîla praki swima. Yang warkki dadaukra nani ra yabisna ba sika naha: pura luaia.” Dawan witin baha kasak aisisa.

Aiseya 56:1

Dawan naku win sa: “Wapni lâka ba alki dauks, bara man nani kasakka lâka ba dauks, kan swaki mai sakaia lâka ba pat lamamra aula sa, yang kasakki lâka sin param mamrikaia.

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 60:9

Baha duri tara nani Tarsis dwarka tara nani ba mita tâura aimaki aikuki asla taki aula ba, laih wina luhpiam nani ba dukia brih aula, silbar bara gul sin, Israel Gâdka Holikira, Dawankam ba, kulkanka yabaia, witin mita sika pranakira mai paskan ba.

Aiseya 61:11

Âu, tasba wina inma nani urhwi taki pâwi ba baku, giadin ba sin, mâ nani yan urhwi taki ba baku, Dawan ba sin baku daukbia kasak lâka ba, mayunra lâka ba sin yaka urhwi takbia nisan nani sut mawanra, bara lawana kum aiwanbia.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Aiseya 62:1

Saion ra latwan kaikisna bamna, bîli prakamna apia; Jerusalem, latwan mai kaikisna bamna, ris brimna apia pura luram ingnika bal takbia ba kat, swaki mai sakan lâka ba lamp ami ingnika baku ambia ba kat.

Aiseya 62:11

Dawan mita naha sturka na maisa pakisa tasba aiska ra upla sut walaia: “Man nani Saion tawanka ra wis: Kaiks man sasakrikam ba pat aula. Dawan lika ai uplika nani ba wal aula, ai warkka daukan ba mana witin ai mawanra yabia.”

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

Joel 2:32

Sakuna ya ya Dawan ra makabi ai pura sunbia ba, baha nani pruras swak takbia. Saion ilka Jerusalem ra swaki sakan lâka ba bâra kabia bamna, Dawan pramiska baku takbia win ba baha bîla kat aimakbia. Witin mita bâk sakan uplika nani baman, pruras raya kabia.”

Joel 3:17

“Baha yua ra man nani kaikma, yang Dawan, man nani Gâdkam sna ba, yang Saion ra iwisna, ilki holikira ba ra. Jerusalem ba tawan holikira kum kabia; nisan nani bal kli pura lui dakbi bribia apia.

Miqueas 7:9

Dawan mapara saura daukri bamna, witin kupia baiwanka tilara ban bapi bûi kamna, witin mita yang lâika aisi dauki wapni ai sâkbia ba kat. Witin mita ingni ra ai sâkbia, bara yang lika witin kasakka lâka tânka ba kaikamni.

Abakuk 2:3

Naha tânka param mariki kaia piua aimakaia ba kau sa, sakuna piua ba aimakras kaia lika apia, piua pali bal aimakaia sa. Bamna man baha piua aimakuya ba bîla kaiki bas, ban kra kau takaski kabia sakuna.

Hageo 1:8

Man nani il nani tilara was, baha wina dus nani klaki bri bal, bara tempel ba kli raya mâki banhs, yang bahara âiyapah taki bâra yang praina ba mamrikamni.

Jan 17:10

Yang duki sut ba man dukiam sa, bara man dukiam sut ba yang duki sa; bamna yang praina ba baha nani ra ingwisa.

Roman 1:17

Naha smalkanka na wan marikisa, nahki natka ra mita Gâd wan pâtka ba wina pri wan sakisa, baha lika kasak lukan lâka bara kasak lukan lâka baman pali sa. Ulbanka ra aisi ba baku: “Kasakkira ba kasak luki ba mita raya kabia.”

Epesus 1:6

Baha mita yawan piua bani Gâd ra mayunisa ai latwanka tara ba dukiara, baha sim latwanka ni yamni wan munan sa, yawan ai Luhpia latwan pali wal asla sa bamna.

2 Tesalonaika 1:10

Dawan baha yua balbia ba ra, ai uplika nani mita mayunra yaban kabia dukiara, bara lalukra nani sut bui sin prana yabi mayunbia dukiara. Baku bamna, man nani sin sturi yamni yang nani mita mai wîri ba, kasak lukram bamna.

2 Tesalonaika 1:12

Bara naku mika, wan Dawan Jisas Kraist nina ba man nani mita prana daukbia, bara witin mita sin prana maikbia, wan Gâdka bara Dawan Jisas Kraist yamnika ba mita.

Hibru Nani 10:37

Kan Ulbanka ba wisa: “Kau piu wiria lupia baman, witinka balaia ba pat balbia; witin kau sin takaskbia apia.

1 Pita 2:6

Baha mita sin Ulbanka ra wisa: “Yang Saion ra walpa kum mangkisni, baha ba sika rayaka wihtka walpaya, bâk sakan bara sin mana tara pali sa; ya witin ra kasak lukbia ba, bahki ra takaskbia apia.”