Aiseya 46:12 - DAWAN BÎLA AISKA

¹² Kupia karnira nani, yang ra wals, dîa lukisma, dîa swak takan lâka ba laih pali ra sa:

Aiseya 46:12 ပူးပေါင်းရင်းမြစ်များ

Lawana Nani 119:150

Nini blablikra saurakira nani ba laimara sa, sakuna smalkankam nani wina lika laihura sa.

Lawana Nani 119:155

Man hilpkam ba watawi dadaukra nani wina laihura sa, kan witin nani man lâmka nani ba plikras bamna.

Lawana Nani 49:1

Pain wals naha na, upla nani sut, tasba aiska ra iwi banhwisma ba;

Lawana Nani 76:5

Kupia karnira nani ba saki lulkram; kau karna nani ba, diara sip dauki banhras; ¡kan witin nani ba sut mahka yapi banhwan!

Aiseya 28:14

Bahamna man nani kakikra, upla mina pruki nani Jerusalem ra uplika nani wihtka aimakisma ba, man nani bui Dawan bîla na wals.

Aiseya 28:23

Man nani wals: Yang bui man nani ra aisisna ba wals; bîli aisinka nani ba, man nani aman wals:

Aiseya 45:20

Asla taki bara bal, tawan ra raya takaskan nani ba, laimara bal. Witin nani kau baha nani tânka briras kan ba, baha nani ai aidulka dus ni daukan ba purara buki, bara witin nani gâd kum ra ai pura suni ba swaki sakaia gâdka apia ra.

Aiseya 46:3

“Man nani Jekob watla uplika nani, yang ra ai wals, Israel watla uplika nani sut sin; man nani ba yang upliki kaia, man nani kau aisubi takras kapram yua ba wina, pat mai sakri kan, klaihkla ra mai twilkisna,

Aiseya 48:1

“Jekob watla uplika, man nani naha na wals, Israel nina ni mâki ninam mâkan ba, bara man nani ba Juda kiamka, Dawan nina ra swer taki nani sma ba; bara puram suni daukisma ba, Israel Gâdka dukiara, sakuna wapni lâka ra apia, kasakka lâka ra sin apia;

Aiseya 48:4

Yang pat kaiki kapri man ba lamla karna sma, karna ayan baku sma, bras daukan baku, sip bulras sma,

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Aiseya 59:14

Baha mita wapni lâka ba tnaya ra tawan, kasakka lâka ba sin laihura taki wan, yawan wan kasakka lâka bri wal pulaia pliska ra mina prukan, bara nanara wapni lâka ba sip balras.

Aiseya 59:15

Bara kasakka lâka briaia ba lap tiwan, bara ani uplika saura wina tnaya ra tawan nani dîa bri ba implikisa. Dawan ba ai kupia baikan, kaikan piua ra kasak tânka âpu kan.

Aiseya 64:6

Yawan sut na upla tâski kum baku sa; yawan wan warkka pain nani sut ba kwala tâski kum baku sa; yawan sut na kauhan dus wahia srawan baku, bara yang nani upla iki saurki ba mita pâsa baku ai raskaia ai brih auya.

Aiseya 9:9

bara upla nani sut ba tânka bribia, Efraín bara Sameria ra iwi nani ba sut. Praut lâka wal ai kupia ra aimayuni aisi ba:

Jirimaya 2:5

Dawan aisisa: “¿Almukkam nani ba dîa saura daukri ai kaikan, baha tâwan yang wina laihura taki wan ba? Gâd apia diara bahki nani ba ninara witin nani wan, bara witin nani sin baku diara bahki takan.

Emus 5:7

¡Alai kama man nani lâ wapni ba, tahpla pali daukisma, bara kasakka lâka daukaia ba tasba kat batakisma!

Abakuk 1:3

¿Dîa kan man sari lâka bara watawika lâka nani ba sin marikisma ki? Lâ krikanka nani bara sauhki tikaia lâka nani ba kutbi kir ai brisa; tnaiya bani ra unsaban lâka bara aiklaban nani man kir sa.

Apastil Nani Sturka 7:51

“Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

Epesus 2:13

Sakuna nanara lika Kraist Jisas wal asla mai prakan, bara Kraist pruanka ba mita, man nani laihura nani katma ba ai lamara mai mangkan.

Epesus 5:14

Bahamna naku wisa: “Man yapisma ba, mahka rawi bus; pruan nani tila wina sin mahka raya taki bus, bara Kraist man puramra ingbia.”