Aiseya 46:10 - DAWAN BÎLA AISKA

¹⁰ Blasi pali wina maisa pakisna diara aula dukiara; bara blasi pali ba kan kaia ra wina sin diara nani kau daukras kan ba dukiara sin yang wisna. Yang wisni: Smalkanki bîla nani ba ban bâra kabia, bara diara nani want sna ba daukbia.

Aiseya 46:10 ပူးပေါင်းရင်းမြစ်များ

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

Job 23:13

Witin dîa kum daukaia brin daukisa kaka, daukbia, diara âpu sa baha ba takaskaia.

Lawana Nani 135:6

Dawan witin dîa daukaia ba sut daukisa, kasbrika pura ra bara tasba ra sin, kabu tihuka nani ra ba sut.

Lawana Nani 33:11

sakuna Dawan diara daukaia lâka nani daukan ba, kauhras ban bâra sa.

Sins Lâka 19:21

Upla kupia ra diara daukaia lukanka nani manis bâra sa; sakuna lâ tânka, Dawan lukan ba kat lukras sa kaka ban kabia.

Sins Lâka 21:30

Dawan mapa ra, sins lâka nani ba bahki baman takisa, diara tânka alkaia lâka, lâ tânka smalkaia sin âpu sa.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 14:24

Karnika sut bri Dawan ba swer taki aisin: “Kasak pali yang dîa luki kaikri ba kat daukan kabia; yang daukaia luki kaikri ba baku daukbia.

Aiseya 25:1

Dawan, man ba sika yang Gâdki sma; purara mai bukamni, ninam mayunamni, kan man lika diara aihkakira nani ba daukram, blasi pali wina man lâ smalkram bîla nani ba, kasakka lâka ban ba mita.

Aiseya 40:8

Twi ba lâwisa, tangni ba srawisa, sakuna yawan wan Gâdka bîla ba ban bâra sa ban kaia ra.”

Aiseya 41:21

Dawan, Jekob kingka witin aisisa: “Aidul nani, bal, man hilpkam aisas, dîa daukisma raitkam aisas.

Aiseya 41:4

¿Ya mita naha warkka daukan sa? ¿Ya, blasi wina adar yaban kiamka nani sturka aisi aula? Yang sika Dawan, Gâd kumi baman ba, tâura bara natka ra ba sin.

Aiseya 43:13

Yua nani bal takaia kau kainara, yang Dawan pat bâra kapri, upla wala âpu sa yang mihti wina pri mai sakaia. Baha yang daukisna ba, upla âpu sa baha slingbaia.”

Aiseya 44:7

¿Ya wala yang wal baku bâra sa? Witin aisi tânka param saki ai wibia. ¿Ya sip kan upla ra wiaia, blasi pali ra bâra kan ba, bara naika ra kli dîa takaia ba aisaia?

Aiseya 45:21

Man nani baku pana pana aisaia want sma kaka, aisi banhs dîa muni ba wis, pana pana makabi wals: ¿Ya mita blasi wina naha sturka na kaiki dahra aisan? ¿Kan pali piu ba wina sturka nani ba ya aisi kaia? ¿Yang Dawan aisi katna apia? Bara Gâd wala kum âpu sa yang wina tnaya ra. Yang tnaiya ra Gâd wala âpu sa pura lalura, swaki sasakra ba.

Aiseya 46:11

Lalma tasbaya ba wina yang waitna kum paiwri, witin yakal baku balbia bara tasba laih pali wina yang aisari ba baku witin daukbia, yang daukaia luki kaikri ba baku sin daukamni.

Aiseya 48:14

Man nani sut asla aidrubi bal bara wals: ¿Ya man nani tilamra bâra sa naha diara nani takaia kan ba dukiara: baha uplika yang bâk saki briri ba daukbia dîa luki ba, baha witin ai kupia kat daukbia Babilon uplika nani wal bara Caldea uplika nani masraka purara sin bâra kabia?

Aiseya 48:3

Patitara wina, diara luan nani dukia ba pat mai wîri; yang pali mita sika baha nani ba man kaikaia aisari. Tit bûi daukri bara baku dukia nani ba pain takan.

Aiseya 53:10

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Aiseya 55:11

baku kabia yang bîli wina taki ba, bîli nani ba, mâ sakras kli yang ra tawi balbia apia, sakuna dîa daukaia brin ai dauki ba baha daukbia, blikri ba kat takbia.

Jirimaya 44:28

Upla maura baman war ra pruras Idsip wina kli Juda ra balbia. Baku, Juda ra takaski iwan nani ba Idsip ra wih iwan nani sin kaikbia, ya aisin bîla ba kat diara nani takan sapa, yang aisisna ba, apia kaka witin nani aisin ba takan sapa.

Isikiel 39:8

Baha yua dukiara aisisna ba balbia takaskras kira. Yang, Dawan, kasak aisisna.’

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Oseas 5:9

Yang bui Israel kiamka tilara maisa pakisna baha diara nani bal takaia ba, kasak pali baku takbia: klala yamna yua ra, Efraín ba âpu daukan kabia.

Apastil Nani Sturka 15:18

Dawan naku wisa, witinka naha diara nani ban patitara piua ba wina swin ba kaikan.’

Apastil Nani Sturka 3:23

Upla bani baha prapitka ba bîla walras kabia kaka, âpu daukan kabia, bara Israel nisanka wina saki lulkan kabia.’

Apastil Nani Sturka 5:39

Sakuna Gâd wina sa kaka, man nani sip sauhki tikma apia. Bamna man nani aman kaiks, Gâd mapara aiklapara.

Hibru Nani 6:17

Gâd want kan baha nani ra diara pramis munan ba briaia ba ra, param pali marikaia witin dîa daukaia luki kan ba sip pali lakras kan bara wilin kan baha kat daukaia; ba mita witin ai pramiska ba swer taki kira daukan.