Aiseya 46:1 - DAWAN BÎLA AISKA

¹ Bel gâdka ba ai lula krikisa, Nebo gâdka ba tasba ra kauhan; aidul paskan nani ba, daiwan nani purara sunan, twilki brih wan baha dukia nani man nani twilki brih waia katma ba, wirhika nani ba daiwan swapan nani purara sunan.

Aiseya 46:1 ပူးပေါင်းရင်းမြစ်များ

Job 39:11

¿Man sip sma ki witin ra kupiam mangki lukaia, kan witin ba karna ba mita, bara swirka warkkam sin dauki kabia ki?

Impakan Sturka 12:12

Baha tihmika yang lika Idsip tasbaya aiska ra lui wamna, bara Idsip uplika nani watla bîla bani ra, luhpia tawahkia bani ba ikamni; daiwra luhpia tawahkia nani ba sin, bara Idsip gâdka nani ba lâka sin daukamni. Yang Dawan, baku aisisna.

Aiseya 2:18

bara aidulka nani ba sut âpu daukbia.

Aiseya 2:20

Upla nani gul ni bara silbar ni bahara mayuni kaia paskan ba, aidulka nani ba, baha yua ra, matis nani ra bara sakangki nani ra lulki yaban kabia.

Aiseya 21:9

Bara nanara kaikisna aras wâl wagin kumi raski aula.” Bara upla kum aisi, win: “¡Kauhan, Babilon ba kauhan! Ai aidulka gâdka nani sut tasba ra kauhi kriwi yuya baman takan.”

Aiseya 30:6

Négueb daiwra nani dahra aisin ba: Pât nani tasbaya ba banhkisa, layan nani ahbi ba bâra iwisa, piuta nani daiwan saura nani pâli tauki nani ba bâra sa diara nani bri ba diara kuki brin nani ba baha nani bal biriku ra bara kiamil ra prahki Idsip ra kwahkisa, diara sip daukras uplika nani ba,

Aiseya 45:20

Asla taki bara bal, tawan ra raya takaskan nani ba, laimara bal. Witin nani kau baha nani tânka briras kan ba, baha nani ai aidulka dus ni daukan ba purara buki, bara witin nani gâd kum ra ai pura suni ba swaki sakaia gâdka apia ra.

Aiseya 46:7

Witin nani ai pahpaya ra sunisa, witin nani twilki brih auya, bara ai watlika ra kahbi swisa bâra kabia dukiara. Baha ai watlika ra ba wina aiawras, witin ra winisa sakuna pana mapara aisaras, pât nani wina sin pri sakras.

Jirimaya 10:5

Aidulka nani ba rayapisa nasla ra daiwan tnawira nani kangbaika paski ba baku paskisa; sip aisaras, witin nani mita twilki bri taukisa, sip wapras. Baha nani sîa bripara, baha nani upla kumi ra sin saura munras, yamnika sin yaras.”

Jirimaya 50:2

“Nisan nani ra maisa paks, naha tânka witin nani briaia. Maisa pakanka tukinka ba purara buks; diara kumi sin yukukpara. Man nani wis: ‘¡Babilon kata pat brin! ¡Bara gâdka Bel kata ba lawaska kikaia ra lakan, Marduc gâdka kata ba, sibrin tara ra sa! Aidulka nani, gâdka bahki nani ba, lawaska kikaia ra tawan bara sibrin tara ra sa.’

Jirimaya 50:38

¡War awala nani purara sa: lî nani ba lâwbia! Babilon ra sika aidul aihka saura nani banhwan sa, witin nani bahara kulki bara sinska ba lap tiwan.

Jirimaya 51:44

“Bel, Babilon gâdka ba, klala yabamna, langkan yaba munrika aikabia, nisan nani witin ra kli plapbia apia. ¡Babilon kutbanka nani ba pat kauhan!

Jirimaya 51:47

Baku bamna, yua ba balbia ba ra Babilon aidulka nani ba klala yabamna. Kuntrika aiska ba mâyara batakamna, upla pruan nani baman ni praki swin kabia.

Jirimaya 51:52

Sakuna Dawan kasak aisisa: “Yua ba aula baha yua Babilon aidulka nani ba klala yabamna, tasbaya aiska bara insauhkan nani ai mamna lulki kabia.

Daniel 11:8

Baha purkara, ai gâdka nani sut ba Idsip ra brih wabia, bras ni lilka nani dauki bapan nani ba, bara gul wihki silbar ni diara nani paski daukan ba sut sin brih wabia. Mani kum kum ningkara lika, baha king tasbaya wâl ba war âpu iwi kabia.

Daniel 3:14

king baha nani ra makabi walan: —¿Baha ba kasak sa ki, man nani gâdki nani ra bawi kulkanka yaras sma, bara yang mita wîri gul ni lilka dauki bapan ba ra sin bawras sma?

Nahum 1:14

Ninibi kingka, man dukiamra Dawan naku daukaia aisin: “Man kiamkam wala nani, tasba ra raya swin kabia apia ninam ba brih waia; gâdkam tempelka watla sut sauhki tikamna, aidul nani ba bara dawankam lilka bahki nani ba tilara mai bikamna, kan man ra saura mai kulkan ba mita.”

Kulki Kaikanka 32:38

Nebo, Baal-meón bara Sibmá tawanka nani ba kli paskan, tawanka nani tila nina ba sin nina wala mâkan, ban sin kum kum ba ai nina mangki banhwan.

Matiu 23:4

Witin nani karban wirha nani wilki, upla nani pahpaya ra sunisa, bara baha twilkaia ba karna pali sa, sakuna witin nani lika ai mihta sirpi kumi ni sin kangban daukras.

1 Samuil 5:3

Yapra wala titan Asdod uplika nani tempel ra balan ba ra, Dagón ba Dawan lâka auhbaika watla ba mawanra kauhan kan kaikan. Bamna Dagón ba alki buki kli ai watlika ra mangki swin.