Aiseya 45:9 - DAWAN BÎLA AISKA

⁹ Slaubla sumika, sin sumi wala nani ba wal baku sa, ya mita paskan ba mapara slaubla ba sip aisaras: “¿Man dîa daukisma?” Witin mita paskan ba sin sip wiras: “¿Man wark takaia lan âpu?”

Aiseya 45:9 ပူးပေါင်းရင်းမြစ်များ

Job 10:9

¿Kupiam kraukisma ki slaubla ni ai paskatma ba, bara nanara kli tasba yamhpuska ra ai lakaisma ba?

Job 33:13

¿Dîa muni mawan kat param aisisma, dîa aisinkam nani ba mapara bîla kumi sin aisabia apia wisi?

Job 40:2

Man sika yang maipara lâ aisanka kum brisma wiram, ¿Gâd karnika sut bri ba mapara, kau ban ai aisaia lukisma ki?

Job 9:12

Witin diara kum dawanka takbia kaka, ¿ya sip sa makabaia dîa witin dauki ba dukiara?

Job 9:4

Gâd ba tara pali sa karna kaia lâka mapa ra, bara sins lâka mapa ra sin, ¿bamna ya sip sa witin mapara aiklabi pura lui si pri kaia?

Sins Lâka 21:30

Dawan mapa ra, sins lâka nani ba bahki baman takisa, diara tânka alkaia lâka, lâ tânka smalkaia sin âpu sa.

Smasmalkra 6:10

Nanara diara nani bâra ba, kan piua wina nina nani yan sa, bara sin nu sa dîa ba; upla kum ba sip aiklabras sa, witin wal kau karna ba wal.

Aiseya 10:15

¿Sakuna, sip sa ki asa ba lukaia witin ba kau tara sa baha uplika witin ra alki bri klaki ba wal? ¿Sâ ba witin kau tara sa ai dara walaia sip sa ki upla witin ra nikbi ba wal? ¡Kîn ba, dus kum sa, bara witin mita sip sa ki upla buki brih waia!

Aiseya 29:16

¡Diara daukaia nani ba sut makupisa! Slaubla ni diara papaskra uplika ba baha slaublika wal baku kan sât. Dukia kum ba mita, ai papaskra ra sip wibia apia: “Man bui yang ai paskras”, lî watla kum ba mita sin ai papaskra ra wibia ki: “Man dîa daukisma ba tânka briras sma”.

Aiseya 45:10

Baku sin luhpia ba sip ai aisa ra bara ai yapti ra wibia apia: “¿Dîa muni tasba ra ai bri balram?”

Aiseya 64:7

Upla kumi sin âpu kan man ninam ra ai pura suni ba, rawi buaia bara man ra ai tâ baikaia; baha ba mita, man bui yang nani ai lulki ai swiram, bara wan lulki wan swiram, wan watawika lâka nani karnika ra srawaia.

Aiseya 64:8

Ban sakuna, Dawan, man sika yawan wan Aisika; yang nani na slaubla ba bara man sika wan paski wan daukram ba; ¡baku bamna yang nani sut na, man mihtam warkka nani sna!

Jirimaya 18:6

“¿Yang sin sip apia sna ki man nani Israel wal slaubla nani diara papaskra dauki ba baku daukaia? Man nani ba yang mihti ra sma, diara papaskra slaubla ai mihta ra bri ba baku. Yang, Dawan, kasak aisisna.

Jirimaya 36:29

Wis naku ulbaia: ‘Dawan naku aisisa: Wauhkataya ulban ba man brih angkram, bara Jirimaya ra sin lawi daukram baha ulban ba tâwan, witin ulban Babilon kingka ba balbia, bara kuntrika na sauhkbia upla kum sin âpu, daiwan kumi sin âpu kabia.

Jirimaya 50:24

Babilon, man sika klauna minam alkaika ba paskram, bara damra walras kli bahara kauhram, daiwan ra alki baku mai alkan, kan man Dawan mapara buram bamna.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

1 Korint 10:22

¿Apia kaka, yawan mita Dawan ba kupia tuskaia want sa ki? ¿Yawan na witin purkara kau karna banhwisa ki?