Aiseya 45:8 - DAWAN BÎLA AISKA

⁸ “Yang pura luaia karnika ba blikamna, diwas laya baku kasbrika pura ba wina, bara lî auhbia kasbrika nani ba wina bara tasba ba bribia; mâ baku bal takbia swak takan lâka ba bara ai tnaya ra urhwi takbia kasakka lâka ba.”

Aiseya 45:8 ပူးပေါင်းရင်းမြစ်များ

2 King Nani 19:25

¿Man aima kumi sin walras kapram ki, yang Dawan sna ba tânka, yang bui sika naha dukia nani sut daukri ba? Kaina piua wina naha ba aisi aulna, bara nanara lika yang daukri sa; baha mita sika man bui tawan karnakira pali, kutbanka tara nani daukan ba sin sauhki âpu daukisma, bara tawan sauhki tikanka tara nani ra laki swisma.

Lawana Nani 68:8

bara tasba ba nikban, lî sin kasbrika purara ba wina auhan, Sainai ilka ba sin tatatban, Gâd mamwanra; Âu, Israel Gâdka mawanra.

Lawana Nani 72:3

Unta tara nani bara il sirpi nani ba wal, kupia kumi bara wapni kaia lâka uplikam nani ra yabi banhs.

Lawana Nani 72:6

Lî auhi bara diwas laya iwi tasba, twi lâwan ra buski ba baku kabia.

Aiseya 11:1

Jesé plamaika ba wina, tnawa kum bal takbia, wakia nani ba wina sin tnawa urhwi takbia.

Aiseya 32:15

Sakuna yawan wan purara Dawan papaskra karnika ba kli balbia, bara upla iwras tasbaya ba kli tasba disang takbia, bara tasba disang ba unta tara tasba mâirira pali kabia.

Aiseya 4:2

Baha yua ra Dawan mita daukbia dus nani ba kli urhwaia Israel luhpia nani pruras swak takan kabia nani ba prana mayunra kaia dukiara; tasbaya wina mâ nani dâkbia ba baha witin nani yamni kulkanka ai kulkanka lâka ba bribia.

Aiseya 44:24

Naku Dawan aisisa, man sasakra, witin pat mai paskan kan, kau mai baikras kan ba ra: “Yang sika Dawan, diara sut ba paskisna, yang yakan kasbrika pura nani ba yakabisna, tasba ba sin drabisna, wala hilpka briras kira.

Aiseya 44:3

kan upla iwras tasbaya ra yarka lî plapbia, awala nani daukamni, tasba lâwan diara pâwras pliska nani ra. Kiamkam nani purara, yang rayaka raya yabamni, bara yang yamniki nani blikamni.

Aiseya 46:13

Yang daukisna swaki sakanka warkka brisna ba lamara balbia; yang swaki sakangki ba takaskras aula, laihura apia sa. Saion ra swaki sakan lâka yabamni bâra sa, bara yang praina ba Israel ra sa.

Aiseya 48:18

¡Bamna man, yang lâika bîla nani ra walram kan kata! Bâra lika man ra kupia lâka ba awala kum baku kaia kan, bara yamnika nani man ra taki ba kabu ripka nani baku kaia kan.

Aiseya 53:2

Dawan ba ai brinka sa ai dukia dadaukra ba, dus disang swap pâwi ba baku pâwaia ai wakia tasba lâwan ra alki ba baku. Mawan painka âpu, prana sin âpu; yawan bui witin ra kaikbia ba ra, yamni kaikaia tânka âpu kabia;

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 61:11

Âu, tasba wina inma nani urhwi taki pâwi ba baku, giadin ba sin, mâ nani yan urhwi taki ba baku, Dawan ba sin baku daukbia kasak lâka ba, mayunra lâka ba sin yaka urhwi takbia nisan nani sut mawanra, bara lawana kum aiwanbia.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Aiseya 66:22

Baku sin Dawan kasak aisin: Kasbrika purara raya bara tasba raya ba baku yang paskaisna baha nani bâra ban kabia, baku sin man nani kiamkam nani ba bâra ban kabia, bara ninam ba sin.

Jirimaya 31:22

¿Ahkia kat tnaya kum wina wala ra waia luhpia mairin kum tiwan baku? Yang, Dawan ba, diara raya daukri naha tasba ra: mairin kum waitna kum ra triswi ba baku.”

Isikiel 34:26

“Yang sîpki nani, il holikira ba lama kir mangkamna, bara yamni munamna; yamni munan laya blikamna piua bani ra.

Oseas 10:12

Yang bui witin nani ra wîri: Kasakka lâka mâ ba, man nani mangks bara latwan kaikaia mâ nani ba kriks. Tasba baiki dauks, mâ raya nani mangkaia dukiara, kan nanara mahka Dawan plikaia piua sa, witin balbia kat bara swaki mai sakan laya ba, man nani puramra auhbia.

Joel 3:18

Baha yua ra wain, bîp tialka laya ba sin il nani, kiuhsi nani wina lî laiwi baku laiwi kabia, Juda tingnika nani ba, lî banhki pura laiwi kabia. Bara tempelka wina lî kârma kum taki Sitim ilka bîla kat laiwi kabia.

Apastil Nani Sturka 2:33

Baku bamna, Gâd mita ai mihta aihkika ba ni witin ba purara pali bukan, bara Spirit Holikira witin ra yan, Aisa mita pramis munan kan ba. Bahamna, diara nani sut man nani walisma na bara kaikisma na sin, witin wina atia sa.

Epesus 2:10

Kan Gâd wan paskan; witin Kraist Jisas ra praki wan paskan, wark pain nani daukaia dukiara; diara nani sut ba kaina wina yawan wan dukiara pat ridi daukan sa.

Epesus 4:24

bamna Gâd kupia lâka kat prâka ba ni dimi banhwaia sma, bara sin marikma nahki rayaka kumi kasak pali wapni bara holikira ba.