Aiseya 45:25 - DAWAN BÎLA AISKA

²⁵ Israel luhpia nani sut yang ra tingki kabia, witin nani pura lalura nani takbia bara yang dukira tara ai dara wali kabia.”

Aiseya 45:25 ပူးပေါင်းရင်းမြစ်များ

1 King Nani 8:32

man kasbrika pura ba wina wali lâ kasak ba daukma, bara albikam pâtkira ba pâtka yama, bara ai daukanka ba ai lal purara batakma, kasakkira ba kasakkira kulkma, ai kasakka lâka mana kat yama.

1 Kronikas 16:13

man nani lika Israel kiamka albika nani sma, man nani Jekob luhpia bâk sakan nani.

Lawana Nani 22:23

¡Man nani, Dawan ra sibrin lukisma ba, witin ba mayuns! ¡Jekob kiamka sut bal witin ra prana dauks! Israel kiamka nani sut, witin ra mayuns.

Lawana Nani 64:10

Upla pain ba lika, Dawan liliaka bribia bara witin ra ai yukuwaika bribia, bara upla nani kulkanka bri ba baha dukiara ai âuyapah bribia.

Aiseya 26:2

Man nani dur ba kwâks, upla kasakkira nani ba dimbia, kasakka lâka ra iwi nani ba.

Aiseya 28:5

Baha yua ra karnika sut bri Dawanka ba, ai uplika kau tâka swin ba kraunka pranakira aimakbia, yamni kulkan kraunka pranakira ba baku kabia;

Aiseya 41:16

Witin nani ba pâsa ra bukma, bara pâsa mita witin nani ba brih wabia, prari mita tanis yakabia. Bara man Dawan ra lilia kama, Israel Gâdka Holikira ba dukiara tara damra wali kama.

Aiseya 45:17

Sakuna Israel ba Dawan mita swaki sakan kabia, swaki sakan lâka ban kaia ra ba, bara kli man nani mai turban kama apia, swiram sin mai daukan kabia apia.

Aiseya 45:19

Yang yukuwi aisaras kapri, tasba ra plis tihmia kum ra dimi sin aisaras. Jekob kiamka nani ra yang wiras: ‘Man nani wih ai pliks plis kum diara âpu ba ra.’ Yang Dawan kasak aisisna, baha rait ba mai wisna.

Aiseya 45:24

Bara witin nani aisabia: ‘Pura luanka ba Dawan ra baman bâra sa, karnika ba sin.’ Misbara sut ai kaiki nani ba sut witin nani swira takan kabia.

Aiseya 50:8

Yang laima pali ra sa tâiwan aisi uplika ba: ¿Ya yang maipara diara brisa ki? ¡Kaisa yawan aikuki wihta ra waia! ¿Ya ba yang tâinka nani daihra sâkbia ki? ¡Wis bal ai wibia!

Aiseya 53:11

Ai sulka sari, pât ailal brin ba ningkara, ingni ba kaikbia, bara ai âuyapah takbia; Dawan napakan kasakkira ba, upla ailal ra kasakkira kulkbia bara sin pri sâkbia, bara ai watawanka nani ba twilki brih wabia.

Aiseya 60:19

“Kakna ra lapta ingnika kli want apia kama, kati wina sin ai ingnika tihmia ra want apia kama. Yang, Dawan, man ingnikam kamna, man Gâdkam ba, man pramna ban kaia ra, yang ingnikam kamni.

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 61:9

Man nani masrakam ba, nisan nani tilara tara kulkanka bri kabia; upla sut kaikbia ba ra, pat tânka kaikbia baha uplika nani ba, Dawan mita yamni pali munan sa.

Aiseya 65:23

Witin nani bahki ra wark takan kabia apia, ai luhpia nani sin piua kau aimakras prubia apia, kan witin nani ba, Dawan wina ai yamnika yan kiamka nani bamna, bara witin nani ai kiamka ba sut baku kabia.

Aiseya 65:9

Yang daukamna Jekob ai kiamka nani briaia bara Juda ra upla bâra kabia yang ilki nani ra iwaia, bara yang mita bâk sakri nani ba tasba ba ai dukia bribia, yang duki dadaukra nani ba bahara iwbia.

Jirimaya 33:16

Baha piua ra Juda bara Jerusalem sin pât nani âpu pri sakan iwi kabia. Nina ba sin naku mâki kabia: ‘Yawan pura lui ba Dawan hilpka mita sika.’

Jirimaya 4:2

baku bamna yang nini bri swer takma, rait ba wal, kasak lâka ra bara wapni lâka ra sin. Yang nini ba mita nisan nani ra, yamnika yabia bara mayunaia tânka takbia.”

Apastil Nani Sturka 13:39

Witin ra kasak luki nani ba bani saurka nani sut ba swih tikan sa, Moses lâka ra sip swih tikras kan ba.

Roman 4:16

Baku bamna, pramis ba yan kasak lukan tâka ba mita, bara baku mika Ebraham kiamka nani ba mapa ra baha ba prisant kabia bara diara kasak pali aihwa sin kabia. Baha tânka ba lika, Gâd mita pramis munan ba lâ bîla wali dauki nani ba baman dukia apia sa, sakuna Ebraham baku kasak luki nani ba sut dukiara. Baku mika witin ba lika yawan sut wan aisika takisa.

Roman 5:1

Baku bamna, kasak lukan lâka ba mita Gâd mita kasakkira wan kulkisa, bara wan Dawan Jisas Kraist ba mita yawan na Gâd wal kupia kumi lâka ba brisa.

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

Roman 8:30

Bara patitara piua wina Gâd mita aihka sakan nani ba, witin sin baha nani ba paiwan; bara paiwan nani ba sut witin mita kasakkira nani kulkan; bamna baha kasakkira kulkan nani ra mayunra sin yan.

1 Korint 1:31

Baku bamna, Ulbanka ra wi ba baku: “Ani uplika aimayunan daukisa kaka, Dawan mita daukan ba dukiara aimayunaia sa.”

1 Korint 6:11

Man nani tilam wina tila nani ba baku nani kata. Sakuna man nani ba saurka wina pat klin mai sakan sa, holikira nani sin mai daukan sa, bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.

2 Korint 10:17

Upla kumi aimayunan daukisa kaka, witin Dawan dukiara lika aimayunaia sa.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 6:14

Kuna yang maipara, diara kumi dukiara sin maiyunaia brin ai daukras, Dawan Jisas Kraist dus prihni ra pruan ba baman lika. Bamna Kraist dusa prihni ba mita, yang maipara naha tasba na pat pruan baku sa, bara yang sin tasba mapara pruri sa.

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.