Aiseya 45:15 - DAWAN BÎLA AISKA

¹⁵ Ban sakuna, man sika Gâd kum wan nakra ni kaikras, Gâd, Israel swaki sasakra.

Aiseya 45:15 ပူးပေါင်းရင်းမြစ်များ

Job 10:13

Sakuna nanara kaikisna, lukanka kum man kupiam bilara yukuwan ra bri katma ba:

Job 23:3

¡Aitani lukaina anira yang bui witin ba sakaia sip katna kaka, bara nahki sip kamna witin bâra ba kat waia!

Job 23:9

Yahbra tani ra wari, bahara âpu sa, waupasa tani tawi wari, bahara sin âpu sa.

Lawana Nani 44:24

¿Dîa kan man ba yang wina yukuwisma? ¿Dîa kan yang nani ra âmya wan tikisma? ¡Yang nani pât ailal wahwi banhwisna!

Lawana Nani 68:26

Man nani sut, Dawan Gâd ra yamni wis; ¡yamni wis Israel aiska asla takankam ra!

Lawana Nani 77:19

Man kabu ba yabal daukram; lî ailal nani bâk wapi luram, sakuna upla kumi sin, man minam taibanka ba kaikras kan.

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Aiseya 12:2

Kaiks, Gâd sika swaki ai saki ba; yang baha ba kasak lukisna, bara si briras sna, kan yang karniki sa, yukuwaiki sa sin, witin sika yang swaki sasakriki ba.

Aiseya 19:20

Baha ba sain kum, witnis sin kabia karnika sut bri Dawanka ra Idsip tasbaya ra. Witin nani Dawan hilp makabi winbia, witin nani ra rausasauhkra nani ba mapara, bara witin, baha nani ra swaki sasakra blîkbia, kan suni pri sâkbia dukiara.

Aiseya 43:11

Yang, yang baman Dawan sna, yang wina wala âpu sa swaki mai saki ba.”

Aiseya 43:3

Kan yang sika man Dawankam, man sasakrikam sna, Israel ra Gâd Holikira ba, yang duki mai briri; man puram manka baku Idsip ra, Etiopía ra bara Sebá sin aibapri.

Aiseya 45:17

Sakuna Israel ba Dawan mita swaki sakan kabia, swaki sakan lâka ban kaia ra ba, bara kli man nani mai turban kama apia, swiram sin mai daukan kabia apia.

Aiseya 46:13

Yang daukisna swaki sakanka warkka brisna ba lamara balbia; yang swaki sakangki ba takaskras aula, laihura apia sa. Saion ra swaki sakan lâka yabamni bâra sa, bara yang praina ba Israel ra sa.

Aiseya 57:17

Israel saurka tâwan, piua kum yang kupi baikri, bara witin ra klala yabri bara yang lika witin nani tila wina tnaya ra takri; sakuna witin maipara babura taki, ai kupia prautka ra kau tniwbia.

Aiseya 60:16

Plun kau pain ba nisan nani wina man ra maikbia, king nani ba diara kukan manis man ra brih balbia; bara man ai kakaira takma Dawan ba, yang, yang na man mai swaki mai sasakra.

Aiseya 8:17

Dawan ba Jekob uplika nani wina yukuwi kabia sin, yang lika witin ra kasak lukisna. Witin kat kaiki bîla kaikisna.

Jan 13:7

Jisas pana win: —Dîa daukisna ba nanara man tânka sip briras sma, sakuna kau naika man tânka ba brima.

Jan 4:22

Man nani Sameria uplika nani ba, yaura puram suni mayunisma sapa sin kaikras; sakuna yang nani lika kaikisna, yaura puri suni mayunisna ba, swaki sakan lâka ba Ju nani wina aula bamna.

Jan 4:42

Bamna Sameria uplika nani mita mairin ba ra win: —Nanara yang nani kasak lukisni, man wan wiram ba baman apia, kuna yang nani pali mita witin wina walri bamna; bara yang nani sin tânka brisna, witin ba kasak sa tasba aiska Swaki Sasakrika sa.

Apastil Nani Sturka 13:23

Naha sim Debitka kiamka sika Jisas. Gâd bui witin ba bukan Israel luhpia nani ba swaki sakaia, witin pramis aisin ba kat.

Apastil Nani Sturka 5:31

Gâd mita witin ba purara buki ai mihta aihkika tani ra yan iwan. Witin ba sin Wihta Tara bara Sasakra sin mangkan, Israel nisanka ra piua yaia, ai kupia lakaia bara ai saurka nani ban swin tikan lâka briaia ba dukiara.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.