Aiseya 45:14 - DAWAN BÎLA AISKA

¹⁴ Dawan bui Israel ra wisa: “Idsip insla dadaukra nani ba, Etiopía ra diara wauhi âiatkra nani ba, Sabá uplika nani yakura tara nani ba, man nani ra bawbia bara albikam nani takbia; sîn ra priskan man nani ninamra wabia, man nani mamwanra ai lula kriki bik takbia: ‘Kasak pali Gâd lika man nani tilamra sa, kan wala âpu, Gâd wala âpu.’ ”

Aiseya 45:14 ပူးပေါင်းရင်းမြစ်များ

Blasi Sturka 27:29

upla nani man dukiam daukbia; nisan nani sin man mamwanra bawbia, man muihkam nani pura wihtka aimaki kama, bara witin nani man mamwanra bawbia. Saura mai wibia uplika ba ra pana saura win kabia; yamni mai wibia ba uplika nani ra; yamni munan kabia.”,

2 Samuil 21:20

War wala kli Gat ra aiklaban. Waitna kum bâra kan yari tara, mihta, mina sirpika nani 24 bri kan, mihta sirpika ba matlalkahbi bri kan mihta bani ra, mina ra sim baku. Naha sin upla tarka tara nani ba kiamka kan,

Ester 8:17

Bara tasba bani ra, tawan nani bani ra king adarka brin ba ra, Ju nani bani lilia tara brih banhwan ai âuyapah kira ni, pata tara dauki kira ai lilia brih banhwan. Bara baha tasbaika uplika nani ailal pali ba sin Ju nani taki kata, kan Ju nani uplika nani ra sibrin tara bri kan ba mita.

Job 1:15

tisku kan sabeo nani wan bara bîp nani ba implikan, bara skiru ni waitna nani kan ba sut ikan. Yang baman baha tila wina swak taki aulna, sturka ba maisam pakaia.

Job 11:19

Wingkam puhbi kama awarka ra diara kumi sin sirang mai ikbia apia, upla uya man hilpkam pliki kabia.

Lawana Nani 149:6

Witin nani bui Gâd ra mayunra ba ai bîla ra ban kabia; ai mihta ra sin sord napa malira wâl bri kabia;

Lawana Nani 149:8

kingka nani ra silak ra mangkaia bara upla karnakira ra alki sin ni priskisa wirhika nani ba aikuki,

Impakan Sturka 11:8

Bara Moses naha bîla aisi, win: —Man uplikam tara nani ba sut yang ra ai kaikaia balbia, ai lula kriki yang ra makabi ai wibia: ‘Uplikam nani sut ninam bliki nani ba brih, man nani mahka taki was.’ Sakuna yang taki wamna apia. Baku aisin bara Moses ai kupia baiwan, king mawan wina mahka taki wan.

Aiseya 10:33

Kaiks karnika sut bri Dawanka ba ai karnika ni, dus nani ba batakbia; dus tara purara pâwan nani ba klakbia, tnawa purara pali nani ba mâyara ikan kabia.

Aiseya 18:1

Saura kabia baha tasbaya wina, daiwan lupia nani tnawa binka dauki ba, Etiopía awalka nani baila wala ra bâra ba;

Aiseya 18:7

Baha piua ra karnika sut bri ba Dawanka ra, prisantka nani brih balbia, baha uplika nani yakura taya lipni nani, ani anira nisan wala nani mita sîa ba karnakira prautkira nani ba wina, ai tasbaya ra awala nani kir bâra iwi ba, prisantka nani ba Saion ilka ra brih balbia, karnika sut bri ba Dawanka ra baha ra ai pura suni ba ra.

Aiseya 19:21

Idsip uplika nani ra Dawan ba param takbia bara witin nani bui kakaira takbia, prisantka nani sin daukbia; witin nani sin pramis daukbia Dawan ra bara dîa daukaia wibia ba kat sin daukbia.

Aiseya 19:22

Dawan Idsip uplika nani ra klala yabia; klala yabia bara kli rakbia, witin nani Dawan ra ai kupia lakbia, bara witin nani ra ai kupia pihni ba marikbia.

Aiseya 23:18

Sakuna ai bisniska nani wina diara pura praki saki ba Dawan ra yabia; witin nani swibia apia, kuki sin bribia apia, sakuna Dawan mawanra dukia dauki nani bâra yan kabia, baha wina pi aibanhbia ba kat, bara kwala pranakira nani sin atki dimbia.

Aiseya 43:3

Kan yang sika man Dawankam, man sasakrikam sna, Israel ra Gâd Holikira ba, yang duki mai briri; man puram manka baku Idsip ra, Etiopía ra bara Sebá sin aibapri.

Aiseya 44:8

¡Man nani si bripara, man nani sin tâ iwpara! ¿Blasi pali kankika ba piua wina, maikri man nani walram bara sin mai wîri kan apia? Man nani ba sika yang witniski nani sma. Gâd wala âpu, yang baman; yukuwaia watla wala âpu; kaikras sna wala kra.”

Aiseya 45:24

Bara witin nani aisabia: ‘Pura luanka ba Dawan ra baman bâra sa, karnika ba sin.’ Misbara sut ai kaiki nani ba sut witin nani swira takan kabia.

Aiseya 49:23

King nani ba tasba ra man takan papikam nani kabia, bara king luhpia mairin nani ba luhpiam main kaiki kabia. Ai mawan tasba ra bawi witin nani mamwanra mamyunbia, tasba yuya minam wina, ai twisa ni dabia. Bara man kaikma yang sika Dawan sna ba, baha nani yang bîli kaiki ba swira daukan kabia apia.”

Aiseya 54:3

kan man pliskam ba kau drabaisma, aihkikam ra bara smihkam tani ra; man kiamkam nani ba nisan ailal pura lubia, tawan nani bîla man swin, upla iwras tawanka nani ba ra iwbia.

Aiseya 55:5

Man kakaira apia sma uplika nani ba man paiwma; upla nani mai kakaira apia kan ba man ra plapbia, yang Dawan, man Gâdkam, Israel ra Holikira ba, yamni mai kulkan ba mita.

Aiseya 60:3

Nisan nani ba ingnikam lamara balbia, king nani man ra yu baiwanka aula ba bâra balbia.

Aiseya 61:9

Man nani masrakam ba, nisan nani tilara tara kulkanka bri kabia; upla sut kaikbia ba ra, pat tânka kaikbia baha uplika nani ba, Dawan mita yamni pali munan sa.

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Isikiel 23:42

Upla kwâra winanka ba wali banhwi kata, lilia dauki kan ba; waitna nani balan kan ba, upla iwras tasbaya wina kata; baha mairka nani ra sakahki kan mihta ra bangkil nani mangki bara lal ra sin, kraun painkira nani mangkan.

Isikiel 31:3

Man ba saiprus dusa, apia kaka, Líbano yalamka dusa baku sma, tnamwa painkira ba wal dista yabisma dus wala nani bâra ba. Yari pali sa, ban kasbrika kat wisa tnamwa bahna ba.

Joel 3:8

Luhpiam waitna nani, luhpiam mairin nani ba sin Ju nani ra atkamna, witin nani kli tawi sabeo nani ra atkaia, laih tasba wala ra brih waia. Yang, Dawan, baku daukaia aisari.”

Kulki Kaikanka 13:32

Bara witin nani mahka Israel luhpia nani ra win, witin nani baha tasbaya wih kaikan ba, tasba pain apia, saura sa. Naku aisi banhwi kata: —Baha tasbaya yang nani sâbi kaiki banhri ba naku sa: Baha tasbaya yang nani kaiki lui banhri ai tahkia ra ikisa, waitna nani ba yari, upla tara nani bâra sa.

1 Korint 14:25

Baku ai kupia dahra prakanka nani ba latan takbia, bara ai lula kriki Gâd ra ai pura suni mayunbia, bara aisabia kasak pali Gâd ba man nani tilamra sa.

1 Tesalonaika 1:9

Witin nani pali aisisa yang nani mita wih mai kaikri bara nahki pain pali ai briram ba, bara nahki sin aidul nani ba swi si Gâd nina blikram ba, Gâd rayakira bara kasakkira ba dukia daukaia dukiara.

Param Marikanka 3:9

Baku bamna, Sitan daknika wina nani ba, witinka nani kuninkira Ju wisa sakuna baku apia ba, yang munrika wih minam ra ai lula krikbia, bara kaikbia yang bui man ra latwan mai kaikisna.