Aiseya 44:8 - DAWAN BÎLA AISKA

⁸ ¡Man nani si bripara, man nani sin tâ iwpara! ¿Blasi pali kankika ba piua wina, maikri man nani walram bara sin mai wîri kan apia? Man nani ba sika yang witniski nani sma. Gâd wala âpu, yang baman; yukuwaia watla wala âpu; kaikras sna wala kra.”

Aiseya 44:8 ပူးပေါင်းရင်းမြစ်များ

Blasi Sturka 46:3

Bamna Gâd bila: —Yang na Gâd, man aisikam Gâdka ba. Man Idsip ra waia si bripara, bahara man kiamkam ba nisan tara daukamni.

Blasi Sturka 48:19

Sakuna ai aisika ba baku daukaia brin daukras kan, bara pana witin ra win: —Luhpi, yang pat kaikisni, almukka ba yang kaikisna. Manasés sin tara kulkan kabia bara nisan tara takbia. Ban sakuna, Efraín kau ai ningka ba kau tara pali kabia, witin ai kiamka ba wina nisan nani kau ailal takbia.

2 Samuil 22:32

¿Ya ba Gâd sa, Dawan wina tnaya ra? ¿Dîa gâd wala bâra sa ki wan kan kahbaia?

Esdras 1:2

“Ciro, Persia kingka ba, naku wisa: Dawan, kasbrika nani laih purara ba Gâdka, witin mita naha kingka tasbaya aiska sut ba yang mihti ra mangkan sa, bara Jerusalem ra tempel watla kum mâkamna ai win, baha lika Juda tasbaya ra ba.

Esdras 8:22

Yang lika king ra suldiar nani aras uli nani ba makabaia swiri ai dauki kan, witin nani wan waihla nani ba mapara yabal ra wan kaina kahbi wan brih wabia dukiara, kan pat king ra wîri sa, yang nani Gâdki mita ya nani witin ra pliki ba aikuki sa, baku sin Gâd ba lulki swisa bara ai kupia baiwanka nani sin, baha nani uplika witin wina laihura taki nani ba mapara kahbisa.

Lawana Nani 18:31

¿Gâd ba dîa sa, Dawan wina tnaya ra tawbia bara Gâd wala bâra sa ni, wan kan kahbaia sip ba?

Lawana Nani 18:32

Gâd sika karnika nani aiki ba, yang sunu tauki kaia ai dauki ba,

Lawana Nani 86:10

Man baman sika Gâd; man baman tara sma bara diara tara nani daukisma.

Aiseya 17:10

Kan mai swaki mai sakan Gâdka ba man âmya tikram ba mita, man yukuwaikam walpaya ba dukiara kupiam kraukras kapram ba mita. Kiamka painkira mangkram giadin pranakira, bara Gâd tringsar kum ra pain kulkanka yabaia warkka daukram.

Aiseya 26:4

Man nani lika Dawan ra kasak luki ban bas, kan Dawan ra baman sika wan yukuwaika ban kaia ra bâra sa.

Aiseya 30:29

Sakuna man nani mampa tani lika aiwani lilia tara daukaia brima, tihmia ra Dawan liliaka tara dauki baku; kupiam lilia pali kabia plut puhbi kan Dawan ilka ra waia, Israel yukuwaika ra waia wapi ba baku.

Aiseya 41:23

wan wis ningkara dîa takaika ba, wan mariks, witin nani ba rait gâd nani sapa; man nani dîa daukaia sip sma ba dauks, yamni kra, apia kra saura ba, baku diara kum sibrin wan dingki sibrin wan dauki wan mariks.

Aiseya 42:9

Kaiks nahki bal aimakan ba diara nani kanra aisari nani kata ba. Bara nanara diara raya nani takaia ba dukiara aisaisna, baha nani maikrika tânka brisma kau bal takras ba kainara.”

Aiseya 43:10

Dawan aisisa: “Man nani ba yang witniski nani sma, bara yang duki dadaukra, yang mita bâk sakri ba, man nani ai kaikma bara yang ra kasak lukaia bara man nani tânka brima yang ban sna ba; Gâd kumi wala yang kainira âpu sa, bara yang ningkira sin âpu sa.

Aiseya 43:11

Yang, yang baman Dawan sna, yang wina wala âpu sa swaki mai saki ba.”

Aiseya 43:12

Dawan aisisa: “Sturi ba yang maisa pakri bara yang bîli blikri; yang mita swaki sakri, gâd tringsar nani baha daukras, man nani sika yang witniski nani sma ba.

Aiseya 43:9

Nisan nani sut asla brih bal, bara nisan nani sut asla taks. ¿Ya witin nani ai tilara bâra sa, naha diara nani sturka ba pat aisin kan ba, yawan ra aisin diara nani blasi kata ba? ¿Apia kaka, diara pat takan ba dukiara aisin ba? Witin nani ai witniska nani wan marikbia bara yawan kaikbia, witin nani aisi ba ai raitka brisa, witin nani walbia bara wibia baha ba rait.”

Aiseya 44:2

Yang sika Dawan, man mai Papaskra, kau aisubi takras kapram piua ra pat mai paskan kan, bara hilp mai muni ba. Si bripara, Jesurún, Jekob uplika nani, upla dukia dadaukra sakri ba,

Aiseya 44:6

Dawan, Israel kingka witin ra swaki saki ba, Dawan karnika sut bri ba, witin aisisa: “Yang sika diara sut tâura sna, ningkara sin yang bâra sna ba. Yang tnaiya ra Gâd wala âpu sa.

Aiseya 45:19

Yang yukuwi aisaras kapri, tasba ra plis tihmia kum ra dimi sin aisaras. Jekob kiamka nani ra yang wiras: ‘Man nani wih ai pliks plis kum diara âpu ba ra.’ Yang Dawan kasak aisisna, baha rait ba mai wisna.

Aiseya 46:9

man nani kupiam krauki bas, blasi pali piua wina pat taki lui wan ba. Yang sika Gâd, bara wala kumi sin âpu sa; yang sika Gâd, yang wal baku wala âpu.

Aiseya 48:3

Patitara wina, diara luan nani dukia ba pat mai wîri; yang pali mita sika baha nani ba man kaikaia aisari. Tit bûi daukri bara baku dukia nani ba pain takan.

Aiseya 48:5

pat mai wîri kan piua nani luan ba wina, kau baha bal takras kan ba ra pat maisam pakri kan. Bamna man nanara naku aisama apia dukiara: ‘Yang aidul warkka daukri, lilka nani karbi bara slilki daukri ba mita naha diara nani na blikan.’

Jirimaya 10:7

Nisan nani sut kingka man, ¿ya man ra sibrin lukras kabia? Man ra sibrin lukaia kulkanka ba sika man briaia sma ba. Tasba ra sinskira nani king nani ba sut tilara, man baku wala kum âpu sa.

Daniel 2:28

Sakuna kasbrika purara Gâd kumi bâra sa, upla nani diara tânka briaia sip apia ba param sakisa, bara naika dîa takaia ba king mita man ra pat mamrikan sa, bara man yapi kapram bara yaprisauhkan ra diara aihka nani kaikram tânka. Bara nanara mai wiaisna,

Daniel 2:47

Baha ningkara, Daniel ra aisin: —Kasak pali, man nani Gâdkam ba kanra tara sa, gâd wala nani sut ba wal; king nani sut Dawanka sa, witin mita dahra prakan ba param ra sakisa, bamna man sip sma naha dahra prakan ba param ra sakaia.

Daniel 4:25

Bara king, man lika upla nani tila wina taki wih daiwan nani tilara takaskma, twi pi kama, wark bîpka nani baku, bara diwas laya ba man puramra kauhi kabia. Baku kama king man mani 7 baha piua man tânka brima ba Gâd Laih Purara iwi ba tasba kingka nani purara king kaia mangki ba.

Daniel 6:22

Yang Gâdki bui ai insalka blikan, bara layan nani bîla ba prakan yang ra dîa kra ai munbia sîa, kan Gâd kaikisa yang na pâtkas sna, bara sin, king, man mampara sin saura kumi sin daukras sna.

Joel 2:27

bara man nani, Israel luhpia nani, yang lika man nani Dawankam, man nani wal ban sna ba tânka kaikma, yang lika man nani Gâdkam sna, man nani lika gâd wala âpu. ¡Yang upliki nani swira daukan ba, swira lâka ba munhtara ban kabia apia!

Jan 1:1

Tasba na kau paskras kan ba ra, Bîla ba pat bâra kan. Bîla ba Gâd wal kan, bara witin sika Gâd kan ba.

Jan 10:30

Yang na Aisa wal kumi pali sni.

Jan 6:10

Bamna Jisas bila: —Witin nani ra wis sut iwbia. Baha pliska ra twi manis pâwi kan, bara upla 5,000 ba iwan.

Apastil Nani Sturka 1:8

Sakuna man nani puramra Spirit Holikira balbia ba ra karnika brima, bara yang dukira witnis nani kama Jerusalem ra, Judia tawanka aiska ra, Sameria ra, ban wan tasba wala ra kau laihura ba kat sin.

Apastil Nani Sturka 14:15

—Upliki nani, ¿dîa kan man nani naku dauki banhwisma ki? Yang nani na sin man nani wal baku upla sna. Sakuna nâra yang nani balri na, man nani ra sturi yamni ba mai smalkaia, naha diara bahki nani na swi si Gâd rayakira ba nina blîkma, witinka mita kasbrika pura, tasba, kabu nani ra dîa dîa baha nani bilara ba sut paskan bamna.

Kli Smalkanka 32:31

“Wan waihla nani pain ai dahra walisa ai kan kakahbra ba yawan bri ba wal sip prakras.

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Kli Smalkanka 4:35

Baku marikan tânka briaia, Dawan Gâd ba aihwakira sa, witin wina wala âpu.

Kli Smalkanka 4:39

“Baku ba mita, sinskam ra pain ulbi mangks Dawan ba Gâd sa, kasbrika pura bara tasba ra sin witin baku wala âpu sa.

Hibru Nani 12:1

Baha mita, yawan lika witnis ailal kutbi kir wan brisa. Baku bamna, dîa dîa yawan mapara wirha wan muni ba bara saurka mita wan blaki ba sin tnaya ra laki swip, bara wan kainara plapaia yabalka bri ba ban bapi buaia lâka ni plapi kap.

1 Jan 1:2

Naha Rayaka na latan takan bara yang nani kaikri, witniska sin aisari. Man nani ra yang nani mai smalkisna naha raya ban kaia lâka na dukiara, witinka Aisa wal kan bara yawan ra param takan ba tânka nani.

1 Samuil 2:2

¡Dawan, wala kum man holi sma ba baku âpu sa! Gâd, man wan kahbisma ba baku wala âpu sa: ¡Man wal baku wala âpu sa!