Aiseya 44:1 - DAWAN BÎLA AISKA

¹ “Israel, nanara, ai wals, Jekob uplika nani yang duki dadaukra, bâk sakri ba.

Aiseya 44:1 ပူးပေါင်းရင်းမြစ်များ

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Lawana Nani 105:6

Man nani ai napakanka Ebraham kiamka nani sma ba, man nani Jekob bâk saki brin luhpia nani sma.

Lawana Nani 136:22

bara ai napakan Israel ra yaban ai prapatika baku, ai latwanka lâka ba ban kaia ra ban sa bamna.

Aiseya 14:1

Âu, Dawan Jekob ra umpira kaikbia, baha purkara Israel sin kli bâk saki bribia, bara yaka ai tasbaya ra ris bribia. Tringsar nani ba sin witin aikuki asla takbia, bara Jekob taika nani ra asla prakan kabia.

Aiseya 41:8

“Jekob tawanka Israel luhpia nani, wals, yang duki dadaukra bâk saki briri ba, Ebraham yang upliki pali kiamka ba wina:

Aiseya 41:9

Tasba paski takaskri ba wina mai paiwri, plis kau laihura pali ba wina, bara man ra mai wîri: ‘Man ba yang warkki dadaukra ba.’ Bâk mai sakri bara mai lulki lika mai swiras.

Aiseya 42:23

¿Sakuna ya man nani tilam wina naha na walbia? Naika diara nani aula ba dukiara, ¿ya man nani tilam wina aihwaki kabia?

Aiseya 43:1

Sakuna nanara, Dawan naku wisa, Jekob, Israel man mai Papaskra ba, witin naku mai wisa: “Si bripara, kan yang atki mai sakri; ninam mâki mai wîri, man ba yang upliki sma.

Aiseya 44:21

“Naha diara nani dukiara kupiam krauks, Israel man, Jekob tawanka, kan man ba, yang duki dadaukra sma; yang mai daukri, man ba yang duki dadaukra sma; Israel, yang ra âmya ai tikpara.

Aiseya 45:4

Duki dadaukra Jekob latwanka lâka ba dukiara, bara Israel sin yang bâk sakri ba, ninam kat mâki mai winri; bara ninam wala sin mâkri man ra mai kulkaia, man ba ai kakaira apia sma sakuna.

Aiseya 48:12

“Israel, man nani bui yang ra wals, Jekob uplika nani, man nani ra yang mai paiwri ba; yang sika Gâd kumi, wala âpu, sut tâura ba yang lâs ra sin yang baman.

Aiseya 55:3

Man nani kiamam pri tniki wals bara yang ra bal; man nani wals, bara sulkam ba raya kabia; man nani wal lâ kaia lâka ba daukamni, umpira kaikan lâka, ban kaia pramiska, Debit wal daukri ba baku.

Jirimaya 30:10

“Yang, Dawan ba, kasak aisisna: Man nani si bripara, Jekob uplika nani, yang duki dadaukra nani, Si bripara, Israel, man bara luhpiam nani sin pri mai sakamna baha kuntri laihura silak ra mai mangkan ba. Kupiam kumi kli iwi kama, âmyapah kama, upla kumi sin sirang mai ikras.

Jirimaya 4:7

Layan ba ai watla wina pat takan, nisan nani sauhki tiki ba pat yabal ra aula; ai tasbaya wina taki aula man kuntrikam ba sauhki tikaia, tawanka tara nani ba slingbi, pura paski bîla man swiaia.

Luk 13:34

“¡Jerusalem, Jerusalem, man mita Gâd prapitka nani ikisma, bara Gâd mita ai bîla twatwilkra nani blikan ba ra walpa ni sabisma! ¡Aima an yang bui man luhpiam nani ba asla brin ai daukan, sim kalila mairin ai luhpia nani ai tnawa mununhtara bri ba baku, sakuna man mita apia wiram!