Aiseya 43:26 - DAWAN BÎLA AISKA

²⁶ Man nani maipara aisaia diara kum brisma kaka, yawan aikuki lâ dimaia brih bal. Maipara aisas man nani rait pâtkas sma sapa kaikaia.

Aiseya 43:26 ပူးပေါင်းရင်းမြစ်များ

Blasi Sturka 32:12

Kan man param pali ai wiram bamna, man bui diara sut daukma ba yang dukira, yamni baman takbia; bara yang kiamki nani ba ailal pali aihwa takbia kabu un ra auhya ailalka nani sip kulki sakras ba baku.”

Job 16:21

Upla kum pan bubia, Gâd mawanra tâiwan aisaia, upla kum mawanra upla wala tâwan aisi ba baku.

Lawana Nani 141:2

Puri sunra ba, dus mâka kîa pain baku man bui kaikma, mihti bukanka ba lika, tutni prisantka baku kabia.

Lawana Nani 74:22

¡Gâd, man mahka bûi, tâmwan aisas! ¡Âmya ra bri bas, upla taniskira nani ba, nahki saura mai wi ba!

Aiseya 1:18

Dawan aisisa: “Man nani bal, naha lâka na aisi kaikaia. Man nani saurkam ba tala pauni kabia sin, kwala pihni wahmuk baku daukamni; siksa mâka prâmka ra alkan ba baku kabia sin, bîp tialka laya baku pihni daukamna.

Aiseya 41:1

“Man nani kabu un ra iwi uplika nani, sâp taki yang ra wals. Nisan nani aiklabaia dukia nani bri karnikam aiska ni, ridi taki banhs. Bali banhs bara kaisa wal aisi kaikaia naha tânka dukiara; kaisa asla taki sturi aisi kaikaia.

Aiseya 43:9

Nisan nani sut asla brih bal, bara nisan nani sut asla taks. ¿Ya witin nani ai tilara bâra sa, naha diara nani sturka ba pat aisin kan ba, yawan ra aisin diara nani blasi kata ba? ¿Apia kaka, diara pat takan ba dukiara aisin ba? Witin nani ai witniska nani wan marikbia bara yawan kaikbia, witin nani aisi ba ai raitka brisa, witin nani walbia bara wibia baha ba rait.”

Aiseya 50:8

Yang laima pali ra sa tâiwan aisi uplika ba: ¿Ya yang maipara diara brisa ki? ¡Kaisa yawan aikuki wihta ra waia! ¿Ya ba yang tâinka nani daihra sâkbia ki? ¡Wis bal ai wibia!

Isikiel 36:37

‘Yang Dawan sna ba, aisisna: Diara kum kau daukamna. Israel luhpia nani witin nani ai dukiara dîa daukaia makabia ba yamna; witin nani ba upla ailal daukamna sîp daknika kum baku.

Luk 10:29

Sakuna Lâ Smasmalkra ba ai makabanka ba wina swakwaia dukiara, witin Jisas ra naku win: —¿Yang upliki ba ya sa ki?

Luk 16:15

Bara Jisas baha nani ra win: “Man nani sika upla nani mawanra wînam kasakkira sakaia lihki banhwisma ba, sakuna Gâd lika upla nani kupia ba kaikisa; bamna upla bui tara kulki nani ba, Gâd mita lika baha nani ba bahki kulkisa.

Roman 10:3

Sakuna Gâd upla ra pâtka wina pri saki ba witin nani baha kaikras, baha mita witin nani ai natka bâk swak takaia plikisa, Gâd daukan ba ra bawras kira.

Roman 11:35

¿Ya pas Dawan ra yaban pana witin wina mana briaia?”

Roman 8:33

¿Ya sip kabia ki Gâd mita bâk sakan nani ba dahra kwahkaia? Gâd mita sika baha nani kasakkira kulki ba.