Aiseya 43:21 - DAWAN BÎLA AISKA

²¹ Naha uplika nani ba yang mita paskri; yang maiyunra dahra ba aisaia.

Aiseya 43:21 ပူးပေါင်းရင်းမြစ်များ

Lawana Nani 102:18

Ulbi swin kaia sa naha na kiamka nani naika balbia ba dukiara, aisubi takuya nani sut ba Dawan ra mayuni kabia ba wisi.

Lawana Nani 102:19

Dawan ai watla holikira kasbrika purara ba wina tasba ra kaikan,

Lawana Nani 4:3

Man nani tânka bris, Dawan lika witin wal wapni uplika nani ba plikisa. Man nani tânka bris, yang puri sunisna ba Dawan walisa.

Lawana Nani 79:13

bara yang nani na man uplikam nani sni, yang nani na man sîpkam klarka bîla ba wina, piua bani tingki mai wimni ¡mamyunra lawana aiwani banhwi kamni ban kaia ra!

Sins Lâka 16:4

Dawan diara kumi bani daukan ba witin ai warkka dukiara sa, âu, upla watawikira ba sin daukan, trabil yua ra klala yaia ba.

Aiseya 42:12

Man nani bui Dawan ra mayunra yas, ai mayunra nani ba sturka man upla ra maisa paks kabu un nani ra.

Aiseya 43:1

Sakuna nanara, Dawan naku wisa, Jekob, Israel man mai Papaskra ba, witin naku mai wisa: “Si bripara, kan yang atki mai sakri; ninam mâki mai wîri, man ba yang upliki sma.

Aiseya 50:7

Kan Dawan ba hilp ai munbia, baha mita swiri ai dauki ba, latwan aikras; baha mita yang maiwan ba walpa baku karna daukri, bara kaikaisni yang swiri daukan kabia apia ba.

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Jirimaya 13:11

Upla ai maisa wila ai maisa ra aubi wilki ba baku, Israel bara Juda upliki nani ba baku laima pali kat bri katna, yang upliki nani kaia, bara witin nani bui upla wala nani ra yang nini ba wiaia, yang ra pain ai kulki praina dauki uplika nani kaia. Sakuna witin nani bîli wali daukras. Yang, Dawan, kasak aisisna.

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

Malaquía 3:17

Karnika sut bri Dawanka ba aisisa: “Piua kum mangkaia yang ridi takisna, baha yua ra upliki nani ba kli yang upliki nani takbia. Luhpia ai aisa warkka dauki ba ra, aisika kaiki kupia swapni taki ba baku, yang sin witin nani ai dukiara baku kupi swapni takbia.

1 Korint 10:31

Baku bamna, pi banhwisma sapa, di banhwisma sapa, dîa dîa daukisma sapa, sut ba Gâd prana dukiara dauki bas.

Epesus 3:21

¡Serts ra bara Kraist Jisas ra, Gâd ba mayunan kabia, piua nani sut ra, bara ban kaia ra ban kabia! Baku kabia.

Kolosi 1:16

Kraist bâk, Gâd mita diara nani kasbrika purara bara tasba ra ba sut paskan. Diara nani wan nakra ni kaiki ba, bara diara nani wan nakra ni sip kaikras ba sin; king aimaki nani ba, tasba purara karnika bri banhwi ba, tasba wihtka nani, bara spirit lâka mapara karnika bri nani ba sut, Kraist bâk paskan sa, bara witin dukiara sin bâra sa.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 13:15

Baha mita, piu bani Jisas Kraist bâk yawan bui Gâd ra mayunra yabaia sa. Naha mayunra sika yawan sakripais dauki yabaia ba; tânka ba lika, wan bîla baikra nani wal ai nina ba mayunaia.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.