Aiseya 43:20 - DAWAN BÎLA AISKA

²⁰ Daiwan wail kraskira nani unta ra ba yamni ai kulkbia, suksuk tara tnawira pâlras tara ba luhpia nani ba sin, kan upla iwras tasbaya ba wina lî aubra yâri bal takisa, tasba biarapara wina awala aubisa, yabrika upliki bâk sakri ba lî dakakaia.

Aiseya 43:20 ပူးပေါင်းရင်းမြစ်များ

1 Kronikas 16:13

man nani lika Israel kiamka albika nani sma, man nani Jekob luhpia bâk sakan nani.

Lawana Nani 104:21

Layan nani ba ai daiwra piaia ihbisa bara ai pata piaia yabia wisi, Gâd ra makabisa.

Lawana Nani 148:10

Daiwan tim nani ba, bara daiwan wail nani ba sin. Daiwan tnawira bara kwasi nani ba sin.

Lawana Nani 33:12

Lilia pali sa baha uplika Dawan mita witin nani ai Dawanka aimaki ba, witin mita ai uplika nani kaia bâk sakan ba.

Aiseya 13:22

King watla nani ra, daiwan pruan papira daiwra nani dimi yul swi kabia, ai lilia briaika watla nani ra yul talika daiwra nani man kabia; ai piua nani alkaia pat baila takisa, ai yua nani ba kau yari daukan kabia apia.”

Aiseya 30:25

Baha yua balbia bara upla ailal ikan kabia bara kan kahbaika pliska nani ba kauhbia, lî kârma nani sin bâra kabia il pura nani ra, kiuhsi nani sut purara sin.

Aiseya 32:2

Witin nani kumi bani ba, pâsa krawi ba mapara wan yukuki watla baku kabia, lî auhi ba mapara, wan yukuwaika watla baku, tasba lâwan ra lî kârma nani baku kabia, lapta bitni pali piua ra walpa tara distika wanki ba baku upla iwras tasbaya ra.

Aiseya 33:21

Sakuna kasak pali bahara Dawan yawan wan karnika kabia, awala nani ra, tingni bîla tara nani na, bahak kwahi ni kaubi duri tara watauki kabia apia, bahak duri tara nani sin lubia apia.

Aiseya 35:7

Upla iwras tasbaya ba lî madakura nani takbia, tasba lâwan pali ba sin, lî kârma nani man takbia. Yul wail nani watla, yukuwaika ba, yauhrus nani bara snati nani pâwbia.

Aiseya 41:17

“Kupia kriwan umpira nani ba, lî plikisa, sakuna sip lî sakras. Diran daukan man ai twisa nani ba sut lâwan sa; sakuna yang, Dawan ba witin nani ra walamni, yang lika Israel Gâdka lulki swimna apia.

Aiseya 41:18

Il nani purara upla iwras tasbaya ba awala nani daukamna; upla iwras tasbaya ra ba drapapa tasbaya daukamna, tasba lâwan ba ra tingni nani daukamna, yabrika lî aubra bal takbia tasba lâwan wina.

Aiseya 43:19

Yang diara raya kum daukisna, man kaikma baha naha minitka ra bal takbia. Upla iwras tasbaya ra yabal kum daukaisna bara awala nani diara pâwras tasbaya ra.

Aiseya 48:21

Upla iwras tasbaya bâk witin nani ba brih wan kan, bara lî din daukras kan; witin nani ai dukiara walpa wina lî yan plapan; walpa ba kwâkan, lî nani ba laiwan.

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Aiseya 65:15

Bara man nani ninam ba mâki, yang upliki nani ba upla wala nani ra lahtubi kabia, bara Dawan mita ai dukia dadaukra nani ra nina wala ni mâki kabia.

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Joel 3:18

Baha yua ra wain, bîp tialka laya ba sin il nani, kiuhsi nani wina lî laiwi baku laiwi kabia, Juda tingnika nani ba, lî banhki pura laiwi kabia. Bara tempelka wina lî kârma kum taki Sitim ilka bîla kat laiwi kabia.

Mark 13:20

Bara Dawan mita baha piua ba kunhku daukras kaka, upla kumi sin swaki sakan kabia apia; sakuna ai uplika nani pliki sakan ba latwanka ra kunhku daukan sa.

Jan 4:10

Bara Jisas pana win: —Gâd diara yabi ba kaikram kata, bara ya sin man ra lî makabi ba, kasak pali mai wisna man bui witin ra lî makabaia kapram; bara witin mita lî rayakira ba maikbia.

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

Param Marikanka 17:14

Witin nani Sîp Luhpia ba mapara aiklabi kabia, sakuna Sîp Luhpia ba witin nani pura lubia; kan witin ba Dawan nani dawanka sa, King nani kingka sin, bara witin wal nani ba lika, Gâd mita paiwan sa bara wahbi sakan sa, bara kasak sin banhwisa.”

Param Marikanka 21:6

Baha ningkara ai win: “Pat daukan sa. Yang sika A ba bara Y ba. Ya diran dauki ba, yang raya kaia laya kârma ba wina yârika dibia, baha ba mana âpu pri pali.

Param Marikanka 22:17

Spirit Holikira ba bara Sîp Luhpia maya mairin ba naku wisa: “¡Bal!” Bara wali uplika ba wiaia sa: “¡Bal!” Ya din dauki ba, balaia sa; ya brin dauki ba, raya kaia laya ba mana luha dibia.