Aiseya 42:24 - DAWAN BÎLA AISKA

²⁴ ¿Ya mita yan Jekob dukia nani ba dakbi brih waia, bara Israel ba taibi muni, dukia impliki waihla mihta ra mangkaia? Baha sika Dawan kata ba, yawan bui witin ai mapara saura dauki na. Witin nani ai yabalka nani ra impakaia brin wan daukras kan, ai lâka ba sin yawan nani walras kan.

Aiseya 42:24 ပူးပေါင်းရင်းမြစ်များ

2 Kronikas 15:6

Nisan nani bara tawan nani ba pana pana aiklabi slingwi tiwaia kata, kan Dawan bui pâtka nani yaban ba bri kata bamna.

2 Kronikas 36:17

Bara Dawan ba witin nani mapara Caldea kingka ba blikan, bara wahma nani sut skiru wal ikan tempel bîla kat. Wahma nani ra umpira kaikras, mairin nani ra sin, almuk nani, skahwa nani ra sin kulkras kan, baha nani sut ba Dawan bui ai mihta ra mangkan kan.

Lawana Nani 81:12

Ai kupia karnika ba mita ban swiri nina blikaia, bara dîa want ba yâri daukan.

Lawana Nani 81:13

¡Upliki ba bîli wali daukan kan kaka! ¡Israel ba yabalki nani ba nina blikan kan kaka,

Aiseya 30:15

Dawan, Israel Gâdka Holikira ba, naku aisin: “Man nani kli tawi bal, âmyapah bas, bara swaki mai sakan kabia. Âmyapah kaia kasak lukaia ba wina karnikam ba bâra kabia.” Sakuna man nani baha briaia apia wiram,

Aiseya 42:23

¿Sakuna ya man nani tilam wina naha na walbia? Naika diara nani aula ba dukiara, ¿ya man nani tilam wina aihwaki kabia?

Aiseya 45:7

Ingni ba daukisna bara tihmia tara nani ba sin, kupia kumi lâka daukisna bara mapara buanka ba sin. Yang Dawan, yang naha diara nani sut ba daukisna ba.

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Aiseya 48:18

¡Bamna man, yang lâika bîla nani ra walram kan kata! Bâra lika man ra kupia lâka ba awala kum baku kaia kan, bara yamnika nani man ra taki ba kabu ripka nani baku kaia kan.

Aiseya 57:17

Israel saurka tâwan, piua kum yang kupi baikri, bara witin ra klala yabri bara yang lika witin nani tila wina tnaya ra takri; sakuna witin maipara babura taki, ai kupia prautka ra kau tniwbia.

Aiseya 63:10

Sakuna witin nani Dawan mapara babura nani takan, Dawan holikira lâka ba witin nani mita kupia baikaia daukan; baha mita witin baha nani ba waihla takan bara witin nani ra aiklaban.

Jirimaya 44:10

Nanara kat lukankam saura ba man nani kau swiras sma, sibrin sin mai daukras, smalkanka nani lâ maikri ba damikam nani ra yabri ba sut man nani daukras.

Jirimaya 5:15

Dawan ba kasak aisisa: “Israel, yang bui man mampara upla kwâra tara kum laih wina bri balaisna, upla karna patitara uplika nani. Witin nani aisi bîla ba man kakaira apia, witin nani aisi ba man tânka briras.

Inanka Nani 1:14

Saura nani daukri ba, Dawan kaikan; saurki nani ba mita ai priskan, bara bîp lal ra dus wilkan baku, yang purira wirha sa: ¡baha bui karniki sut tikisa! Dawan bui upla nani mihta ra ai mangkan sa, baha nani mapara yang buaia sip apia sni.

Inanka Nani 1:18

Dawan ba kasak ba daukan, yang mita sika witin ai bîla mapara buri bamna. ¡Upla nani sut, yang ra ai wals; pât wahwisna ba sin kaiks! ¡Wahmiki nani bara tiariki nani sut ba alki priski silak ra brih wan sa!

Daniel 1:2

Dawan bui ban swin Nabucodonosor Juda kingka Jerusalem ra ba alkaia, bara sin Dawan watla ra diara nani bâra kan ba ailal pali saki briaia. Bara Nabucodonosor lika silak uplika nani ba sut Babilon ra kwahki brih wan, bara Gâd watla ra dukia nani kan ba bri si ai gâdka nani watla ra auhbi swin.

Emus 3:6

War aiklabaia trumpit ba tawan bilara puhbia kaka, upla nani ba tâ iwi sirang man sa. Tawan ra diara saura kum taki ba ra, baha ba Dawan mita blikan sa sika.

Matiu 22:7

Bara king ba kasak pali ai kupia baikan, bamna ai suldiar nani blikan baha upla âikra nani ba iki tikaia, bara ai tawanka ba sin angkka luaia.

Kli Smalkanka 28:49

Tasba ra kuntri kau laihura ba wina, Dawan mita nisan kum yakal pâli baku, isti pali man mampara blîkbia, baha nisanka bîla aisi ba sin man aisaras;

Kli Smalkanka 32:30

¿Nahki muni kumi ba mita 1,000 ba munan plapan? ¿Nahki muni wâl ba mita 10,000 ba yaban plapan? Kan Dawan baman witin nani kaina kakahbra ba, witin luki kaikan baha nani ba waihla mihta ra mangkaia.

Wihta Nani 10:7

Witin nani Dawan ra mayunras lulki swin ba mita, Dawan sin witin nani ra ai kupia sauhkan, bara filisteo nani bara Amón uplika nani lâka munhtara swin.

Wihta Nani 2:14

bara baha mita Dawan ba Israel luhpia nani mapara ai kupia sauhkan, bara âimplikra nani blikan bal ai dukia nani bri kan ba sut implikan. Ai waihla nani ai tnaya kir ba mapara sip aiklabras kan, bara baha nani bal aiklabi witin nani sut pura luan.

Wihta Nani 3:8

Baha tâwan Dawan ai kupia sauhkan bara witin nani ba Mesopotamia kingka Cusán-risataim mihta ra mangkan. Mani 8 Israel luhpia nani Cusán-risataim warkka dauki kan,