Aiseya 42:16 - DAWAN BÎLA AISKA

¹⁶ Bara blain nani ba witin nani kakaira apia, yabalka bâk tapahkamna, witin nani ai mawanra tihmia tara ba ingni daukamni, bara pruamni ba langni daukamna. Baha dîa daukaia aisisna ba kat daukamna.

Aiseya 42:16 ပူးပေါင်းရင်းမြစ်များ

Lawana Nani 94:14

Dawan ba ai uplika nani ra lulki swibia apia, bara sin ai uplika nani ra yakan lulki swin kabia apia.

Smasmalkra 1:15

¡Diara warha ba sip wapni daukras, diara âpu ba dukiara sin kulkaia apia!

Smasmalkra 7:13

Kasak pali kaiks, Gâd diara daukan ba: ¿ya sip sa witin warha daukan ba wapni daukaia?

Aiseya 26:7

Man Dawan sika, yabal nani ba wapni mangkisma ba, kasakkira nani yabalka ba wapni pali sa.

Aiseya 29:18

Baha piua ra kiama prawan nani ba baha wauhkataya bîla aisi kaiki ba walbia, blain nani sin kaikaia sip sa, pukni bara tihmu ba wina.

Aiseya 29:24

Aimawahkan nani ba sins briaia lan takbia, rarangbra nani ba sin lâ smalki yan ba witin nani lan takbia.”

Aiseya 30:18

Sakuna Dawan lika man nani bîlam kaikisa, man nani dukiamra ai kupia swapni brisa; witin bîlam kaiki latwan mai kaiki ba mamrikisa, kan Dawan Gâd ba kasakkira sa. ¡Lilia pali sa baha nani witin kat ai lukanka mangki bri ba!

Aiseya 30:21

Bara man kiamam ra wali kama ninam wini naha bîla nani mai wibia: “Naha sika yabal, man nani bahak impaks.” Bara mihtam aihkika ra tawpara, mihtam smihka ra sin apia, tnaya ra sin tawaia apia.

Aiseya 32:3

Ai nakra nani ba param pali kaiki kabia, aman walaia ridi pali kabia;

Aiseya 35:5

Bâra mika nakra prakan nani nakra ba diara kaikbia, kiama prawan nani kiama ba sin walbia;

Aiseya 35:8

Yabal tara, yabal sirpi bâra kabia, bara nina mâkan kabia “Holikira kaia yabalka nani.” Diara tâski ba bahak lubia apia; sinskas nani ba, baha yabalka ra sip wapbia apia.

Aiseya 40:4

Il bîla bani ba lalauban kabia, il nani, kiuhsi nani ba sin sut mâyara ikan kabia; bara warha ba wapni takbia, pruamni nani ba sin langni takbia.

Aiseya 41:17

“Kupia kriwan umpira nani ba, lî plikisa, sakuna sip lî sakras. Diran daukan man ai twisa nani ba sut lâwan sa; sakuna yang, Dawan ba witin nani ra walamni, yang lika Israel Gâdka lulki swimna apia.

Aiseya 41:3

¿Ya mita daukisa ki, witin nani ai nina bliki kaia bara ai kupia kumi impakbia sim yabal ba ai mina ni taibras kan baku?

Aiseya 45:2

“Yang lika man kainamra wamni, kutban purara ba batakamna, bras durka nani ba krikamni, ayan ni kutbanka nani ba kriki yuya man daukamni.

Aiseya 45:7

Ingni ba daukisna bara tihmia tara nani ba sin, kupia kumi lâka daukisna bara mapara buanka ba sin. Yang Dawan, yang naha diara nani sut ba daukisna ba.

Aiseya 48:17

Dawan bui man ra atki mai sasakra ba, naku win, Israel Gâdka Holikira ba: “Yang sika man Dawan Gâdkam; yamnika uya man ra takaia ba mai smalkisni, yabal bâk wapaia tâm brisna.

Aiseya 52:12

Man nani tawa tawa taki wama, plapi lika taki wapara; kan Dawan, Israel Gâdka ba wabia bamna, tnamya bani ra kainam kahbi kabia.

Aiseya 54:13

Bara luhpiam nani sut ba, Dawan mita ai bîla ba smalkbia; bara witin nani sut pâwanka tara pali bribia.

Aiseya 58:10

bara patam ba plun dauki nani ba ra yama kaka, upla sarka paskan ba swima kaka, bâra mika tihmia tara ra, ingnikam ba baiwi bal takbia, man distikam ba yu wan lal kat ingnika baku kabia.

Aiseya 62:12

Israel luhpia nani ra nina “Upla holikira nani” mâkbia, “Dawan mita pri sakan nani ba”, bara Jerusalem ra mai wibia, “Brin dauki tawanka ba”, “Lulki swiras tawanka ba”.

Isikiel 14:23

Witin nani ai maisa nihkan kabia, baha dukia nani witin nani daukan ba kaikbia ba ra. Baha ningkara man tâinka brima Jerusalem ra yang baku daukri ba tânkas daukras sna ba. Yang, Dawan, kasak aisisna.”

Oseas 2:14

“Yang bui witin ra laik takaisna: twi langnika tasbaya ra bri si, ai kupia kat aisamna.

Oseas 2:6

“Baha mita ai yabalka ba, kiaya nani ni prakamni bara kaina kir kutbamna, bara ai yabalka nani ba pliki sâkbia apia.

Emus 5:8

Slilma nani daknika: Pupu, Kiswa paskan Dawanka ba, witin mita sika tihmia ba ingni ra laki ba, bara kakna ba tihmia tara dauki ba sin; witin mita sika, kabu laya nani ba paiwisa bara tasba purara laikisa. Diara karna nani purara sauhki tikanka nani blikisa, bara yan wisa kan kahbaika pliska ba purara. Dawan, baha sika witin ai nina ba.

Luk 3:5

Albangka nani sut yakabi prakan kabia, il tara nani bara il sirpi nani ba sut langni daukan kabia, yabal warha nani ba sut wapni daukan kabia, yabal prumhni bri bani ba sin kriki langni daukan kabia;

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Epesus 5:8

Pas piua man nani lika tihmia ra iwi katma, kuna nanara Dawan uplika takram ba mita, ingni ra iwi banhwisma. Bahamna man nani ingni uplika nani baku bas,

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”

Jasua 3:4

Bara baku man nani sin anik waia yabalka ba kaikma, kan nanara kat man nani kumi sin kau naha yabalka nâk luras kapram, bamna kakaira apia sma. Sakuna man nani lâ nani auhbaia watla twilki ba lamara lika wapara, kilumita kum prais laih wina ninara wapi bas.”

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.