Aiseya 42:13 - DAWAN BÎLA AISKA

¹³ Dawan bal takbia pura lalura tara baku, bara war aiklaklabra lapta baku, aiklabia ai bîla baikra tara ni, ai waihla nani pura lubia, karna takbia sin.

Aiseya 42:13 ပူးပေါင်းရင်းမြစ်များ

Lawana Nani 118:16

Dawan karnika ba mayunan sa; ¡Dawan karnika ba mita pura luan lâka ba alkan sa!”

Lawana Nani 78:65

Sakuna Dawan ba kli rawan, yapan wina bûi ba baku war aiklaklabra, wain dih bla taki yapi si bûi ba baku,

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Aiseya 31:4

Dawan bui ai win: “Layan kum bui sîp kum ra alki ikan ba baku, sepad nani daknika kum aidrubi asla taki witin mapara balbia sin, sakuna ai bîla baikra ni sirang ikbia apia, witin nani binka dauki ba mita ni sin sasibrira takbia apia; karnika sut bri Dawanka ba sin baku aiklabi bal iwbia Saion ilka purara.

Aiseya 37:32

Kan Jerusalem ra takaskan yaba sin takbia, bara Saion ilka ra sin pruras swakwan nani ba bâra kabia. Naha ba Dawan karnika sut pali bri ba latwanka lâka ba mita daukbia.

Aiseya 63:15

Dawan, kaiks, kasbrika pura wina, man iwaikam holikira pranakira ra iwisma ba wina. ¿Anira sa man bui yawan ra latwan pali wan lukisma ba tânka, bara karnikam ba sin? ¿Anira sa man kupiam lukanka mununhta wina kupiam pinhka lâka nani ba yang nani dukira brisma ba? ¿Man umpira kaikan lâka brisma ba danh takan ki yang nani wal?

Aiseya 66:14

Man nani baha kaikma, bara kupiam lilia takbia, bara man nani dusam ba kli raya karna takbia twi raya taki pâwi ba baku; bara Dawan mita ai dukia dadaukra ba param marikan kabia, bara ai waihla nani mapara, ai kupia baiwanka ba marikbia.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 25:30

“Jirimaya, man bui yang nini ra naha sturka nani na witin nani ra wis: ‘Dawan ba pura wina alwani baku ai bîla baikra ba blikisa, ai iwaika holikira iwi ba wina. Ai sîpka nani ba mapara winisa wain tataibra nani wini ba baku, tasba ra upla nani iwi ba sin mapara.

Oseas 11:10

Witin nani lika Dawan nina blîkbia, bara witin layan kumi baku ihbi kabia. Ihbi kabia, bara ai uplika nani ba tatatwi kira muna tani wina taki balbia.

Joel 3:16

Jerusalem Saion ilka ba wina Dawan aisabia bîla baikra ba alwani binka baku walbia, bara kasbrika tasba sin mahka tatatwi kabia. Sakuna Dawan ba ai uplika nani, Israel luhpia nani ba, yukuwaika kan kahbaika ban kabia.

Emus 1:2

Jerusalem, Saion ilka ba wina, Dawan ai bîla baikra bin tara alwani binka baku aisisa ba ra, tasba nani ra twi painkira pâwi ba srawisa, Carmelo ilka bahna ra twi nani ba sin sut lâwisa.

Nahum 1:2

Dawan ba tâwan lalawra Gâdka sa, bara sin pana mamunra sa; ai lâka mapara nani ra, witin pana saura munisa. Bamna ai waihla nani mapara ai kupia sauhkisa.

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Sofonías 3:8

Baku ba mita, man nani baha yua bîla kaiks, yang bui man nani mampara aisaia kamna ba. Yang, Dawan, kasak aisisna: Pat kupi wal aisari, nisan nani sut, king tasbaya nani sin sut asla dauki, lawanki ba witin nani purara laikamna, kupi baiwanka laptika ba. ¡Kupi baiwan pâta klauhanka ba wal, tasba aiska ba sauhki swimni!