Aiseya 41:15 - DAWAN BÎLA AISKA

¹⁵ Bara kaiks plawar taya sakaika watlika ra yang mai mangkamni, taya sasakra raya, napa nani pain pali; il nani ba taya sâkma bara akbi yuya daukma, bara kiuhsi nani ba taya man daukma.

Aiseya 41:15 ပူးပေါင်းရင်းမြစ်များ

Job 41:30

Raswi ba piua ra, slaubla ra yabal baikisa, rais milka nani mala ba wal daukisa ba baku.

Lawana Nani 18:42

¡Yang bui witin nani ba, pruki akbi tasba yuya pâsa ra pâli ba baku daukri! ¡Yabal nani ra drapapa wan mina ra taibi ba baku taibri!

Aiseya 17:13

Sakuna Gâd mita witin nani ra lawi daukbia, bara witin nani laihura plapbia, munka plapbia, kapan taya nani pâsa ra pâli ba baku, pukpuka nani prari bri pâli ba baku sin.

Aiseya 21:10

Yang upliki nani, plawar ai mina ra taibi baku sma, karnika sut bri ba, dîa aisin walisna ba yang maisam pakisna.

Aiseya 28:27

Eneldo ba taya sakaika ra mangkras, karita wilwaika ba sin kumin mâ purak karbi lukras; ban sakuna dus kum ni eneldo ba drusban, kunin ba sin dakbaika dusa ni dakban.

Aiseya 29:5

Sakuna istikira, wan nakra klipan kumi ra karnika sut bri Dawanka ai waihla nani ra klala yabia. Witin balbia alwani nani wal, tasba nikbi bin tara nani kira sin, skwal pâsa saura bara pauta klauhan sauhki tatikra kira. Waihlam ailal tasba yuya man takbia, ninam blablikra nani ba twi lâwan baku raski bri wabia.

Aiseya 42:15

Il kiuhsi nani ba sauhkaisna, bara twi nani ba sut lâwaia daukamna; awala nani ba sin upla iwras tasbaya daukamna, bara lî mâ dakura nani ba sut lâkamni.

Aiseya 64:1

Âu, man kasbrika pura ba param saki bâra bal iwram kata, bara man mamwanra, il nani ba yabram tatatwisa,

Jirimaya 51:20

“¡Babilon, yang war aiklabaiki amarka ba man, aiklabaia dukia! Man ni nisan nani ba krikamna, king nani tasbaya ba sin slingbamna.

Jirimaya 51:33

Dawan karnika sut bri ba, Israel Gâdka ba, aisisa: “¡Babilon ba pat pali plun mâ nani dâki wan mina ra taibi taya saki ba baku kabia, man nani bri ba krikaia piua ba aula!”

Jirimaya 9:10

“Il nani tilara ini bas, bara mamna sin lulki bas, twi pain pâwi tasbaya pura mata ini aiwani banhs, baha sut angkan, bahak sin upla wapras swin; bîp nani sin âpu uhbaia, daiwan tnawira nani wail nani ba sin sut plapan.

Isikiel 33:28

Kuntri ba upla iwras tasbaya kum sauhki tikan ba baku ra laki swimna, bara ai karnika dukiara ai mayunanka tara bri ba sauhkamna. Israel ilka tara nani ba, upla iwras ilka nani takbia; upla kum sin bâk lubia apia.

Daniel 2:35

Wan nakra klipan kum baku baha ayanka, slaubla ba, bras ba, silbar bara gul ba sut yamhpus baku takan, mani piua ra plawar taya pukbi baku, pâsa mita brih wan mina taibanka yawan sip kaikras ba baku daukan. Sakuna baha walpa ni lilka paskan ra prukan walpaya ba lika, il tara kum takan tasba aiska ra.

Miqueas 4:13

Dawan aisisa: “¡Saion uplika, man nani mahka bus, waihlam nani ba rausauhks! Bîp wainhka ayan aringka nani bri, bras sûska nani sin bri ba karnika baku, karnikam maikamna. Bara upla kiamka ailal sauhki tikma; witin nani bui upla dukia kukan nani sut mihta dakbi brin kan ba, baha kli witin nani wina dakbi yang ra aikma, tasba aiska Dawanka sna bamna.”

Miqueas 5:8

Jekob kiamka kau swin nani ba lika, nisan nani ailal tilara layan tara kum unta daiwra wail nani tilara tauki ba baku kabia; âu, layan kum sîp daknika nani tilara dimi tauki ba baku sin. Bara baha nani ra rausauhki ba, baha nani kumi sin swak takras sut kat ikisa.

Abakuk 3:12

Man lawankam tilara tasba aiska ra plapi taukisma, kupiam baiwanka ra nisan nani sut minam munhtara taibisma.

Sakaraya 4:7

Il tara, ¿man ba ya sma ki? ¡Zorobabel mawanra man ba tasba langni baku takma! Witin sika tempel walpaya wihtka ba, ai watlika ra mangkbia bara upla nani wini kabia: ¡Pranakira sa! ¡Pranakira sa!’ ”

Jasua 17:18

sakuna baha il dus ailal bri ba sin brima, bara baha wina diara ailal sâkma. Kenan uplika nani dukiara lika, man nani bahara iwi ba wina sâkma, witin nani ba karna bara ayan waginka nani brisa kuna.

Wihta Nani 6:16

Dawan pana witin ra win: —Man sip kama upla nani ba swaki sakaia, kan yang lika man wal kamna bamna. Madián uplika nani ba waitna kumi ra pruki bataki ba baku pura luma.