Aiseya 41:13 - DAWAN BÎLA AISKA

¹³ Kan yang, Dawankam, yang sika man Gâdkam, yang sika man mihtam aihkika ra tâm baikisna ba, bara mai wîri sa: ‘Si bripara, yang hilp mai munisna.’ ”

Aiseya 41:13 ပူးပေါင်းရင်းမြစ်များ

Lawana Nani 109:31

Kan witin mita upla umpira ba tâwan aisi swaki sakisa, bara wala nani mapara aisi ba pât ra dingkisa.

Lawana Nani 118:7

Dawan ba yang wal sa; witin bui yang ra hilp ai munisa. ¡Bahamna yang kaikan ai daukisa, misbara ai kaiki nani ra sauhki tikbia!

Lawana Nani 63:8

Yang rayaki aiska man ra asla prakan sa; man mihtam aihkika ba ni, ai alki ai brisma.

Lawana Nani 73:23

Ban sakuna, man wal ban tauki kapri. Man bui yang mihti aihkika ra ai alkram,

Impakan Sturka 14:13

Sakuna Moses pana tawi witin nani ra win: —Man nani si bripara, kupiam karna dauks bara kaiki bas man nani swaki mai sakaia dukiara naiwa Dawan ai warkka daukaia ba; Idsip uplika nani naiwa man nani kaikisma na, witin nani ba man nani kli kaikma apia.

Impakan Sturka 20:20

Bara Moses pana witin nani ra win: —Man nani si bripara. Gâd balan man nani tânkam aihwa sapa trai kaikaia, bara man nani yu bani witin bîla wali witin ra sibrin luki kaia ba mata, baha mita man nani bui witin mapara saura yabaia apia.

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 42:6

“Yang, Dawan, mai paiwri bara mihtam wina mai alkri, man ba upla swaki sakaia dukia kaia; yang mai paskri, yang want sna man baku kaia, yang lâika upla wal daukri ba sainka kaia, nisan nani ingnika.

Aiseya 43:6

Yahbra ra wimna: ‘Upla nani ba nâra laki yas’, bara waupasa ra wimna: ‘Man alki takaskpara.’ Luhpi waitna nani ba laih wina bri bal, bara luhpi mairin nani sin, tasba tâ wala ba wina bri bal,

Aiseya 45:1

Dawan mita Ciro ra batana laikan, king baku, mihta wina alkan bara yan nisan nani ra taibaia lâka, bara king nani war aiklabia dukia sut bri ba mihta dakbia. Dawan ba daukan baku takaia, Ciro kainara tawan getka ba param kabia upla kumi sin sip prakras kabia. Bara nanara wisa:

Aiseya 51:18

Luhpa brisma nani sut tila wina kumi sin takras, man nani tâm briaia uplika; luhpiam nani sut pakram ba tila wina kumi sin mihtam ra alki mai bri wapaia âpu.

Jirimaya 30:10

“Yang, Dawan ba, kasak aisisna: Man nani si bripara, Jekob uplika nani, yang duki dadaukra nani, Si bripara, Israel, man bara luhpiam nani sin pri mai sakamna baha kuntri laihura silak ra mai mangkan ba. Kupiam kumi kli iwi kama, âmyapah kama, upla kumi sin sirang mai ikras.

Jirimaya 46:27

“Duki dadaukra, Jekob uplika nani, si bripara; Israel, si bripara. Man bara luhpiam nani ba swaki sakamni tasba wala ra bahara silak ra mangkan ba wina. Kli kupiam kumi iwi kama, âmyapah, upla kumi sin sirang mai ikbia apia.

Hageo 2:5

Man nani si bripara, Idsip wina takram pramis mai munri ba baku, yang spiritki man wal ban sa.

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,