Aiseya 41:1 - DAWAN BÎLA AISKA

¹ “Man nani kabu un ra iwi uplika nani, sâp taki yang ra wals. Nisan nani aiklabaia dukia nani bri karnikam aiska ni, ridi taki banhs. Bali banhs bara kaisa wal aisi kaikaia naha tânka dukiara; kaisa asla taki sturi aisi kaikaia.

Aiseya 41:1 ပူးပေါင်းရင်းမြစ်များ

Job 38:3

Bara nanara kupiam karnika tânka ba ai mariks, bara naha makabanki na ansika aik.

Lawana Nani 46:10

“¡Man nani, yang mini ra bal kauhs! ¡Baku sin damra wals man nani, yang Dawan sna ba! ¡Yang sika nisan nani sut wihtka sna ba!”

Aiseya 1:18

Dawan aisisa: “Man nani bal, naha lâka na aisi kaikaia. Man nani saurkam ba tala pauni kabia sin, kwala pihni wahmuk baku daukamni; siksa mâka prâmka ra alkan ba baku kabia sin, bîp tialka laya baku pihni daukamna.

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 34:1

Nisan nani sut, man nani lamara bal, sturi na wals; man nani sut asla taki sturi na wals. Tasba walbia, baha bilara bâra ba sin.

Aiseya 40:31

sakuna Dawan bîla kaiki luki nani ba, witin nani karnika raya bribia, witin nani yakal tara nani baku ai tnawa nani buki pâlbia; sip kabia plapaia bara bahkia takbia apia, bara sin wapbia swapras kira.

Aiseya 41:5

Kabu un ra iwi uplika nani ba kaikan bara witin nani sibrin daukan; tasba tâ kum wina tâ wala kat, tâ iwan, tatatwan. Pat baila aula, pat aula.”

Aiseya 43:26

Man nani maipara aisaia diara kum brisma kaka, yawan aikuki lâ dimaia brih bal. Maipara aisas man nani rait pâtkas sma sapa kaikaia.

Aiseya 43:9

Nisan nani sut asla brih bal, bara nisan nani sut asla taks. ¿Ya witin nani ai tilara bâra sa, naha diara nani sturka ba pat aisin kan ba, yawan ra aisin diara nani blasi kata ba? ¿Apia kaka, diara pat takan ba dukiara aisin ba? Witin nani ai witniska nani wan marikbia bara yawan kaikbia, witin nani aisi ba ai raitka brisa, witin nani walbia bara wibia baha ba rait.”

Aiseya 48:16

Man nani laimara bal, naha wals: Blasi pali ba wina yang yukuki aisaras kapri; baha warkka nani daukan ba wina, yang baha tilara ban sna. Bamna nanara yang, Dawan, karniki witin ra yabri witin ba blikri balaia.”

Aiseya 49:1

Kabu un ra iwi nani sma ba, man nani laihura iwisma ba sin sut, aman yang ra wals: Dawan ai paiwan, kau yang aisubi takras kapri piua wina; kau yang yaptiki biara ra kapri nini mâkaia ba ai kupia lukra ra brin.

Aiseya 50:8

Yang laima pali ra sa tâiwan aisi uplika ba: ¿Ya yang maipara diara brisa ki? ¡Kaisa yawan aikuki wihta ra waia! ¿Ya ba yang tâinka nani daihra sâkbia ki? ¡Wis bal ai wibia!

Abakuk 2:20

Sakuna Dawan pali ba ai tempelka watla sunukira ra iwisa. ¡Bamna tasba aiska ba, witin ai mawanra sâp kabia!

Sakaraya 2:13

¡Yarka upla nani sut Dawan mawanra sâp pali kabia, kan witin iwi yaba watla holikira ba wina yawan ra aula sa!