Aiseya 40:9 - DAWAN BÎLA AISKA

⁹ Saion wina maisa papakra, man il kum purara ba ra uls; bîlam baikra ba karna wins; karna wins, si bripara, Jerusalem, Juda tawanka tara nani ra wis: “¡Man nani Gâdkam ba kaiks nâra sa!”

Aiseya 40:9 ပူးပေါင်းရင်းမြစ်များ

2 Kronikas 13:4

Bamna Abiam, Semaraim untika purara bûi kata, bara Efraín untika winan ai bîla baikra tara wal winan: “¡Jeroboam bara Israel aiska sut, ai wali banhs!

Aiseya 1:1

Dahra aisaia bîla nani ba, Aiseya, Emus luhpia ba ra param marikan kaikan, Juda, Jerusalem wal dukiara; Ozías, Jotam, Ahaz, Ezequías Juda kingka aimaki kan ba yua nani ra.

Aiseya 12:2

Kaiks, Gâd sika swaki ai saki ba; yang baha ba kasak lukisna, bara si briras sna, kan yang karniki sa, yukuwaiki sa sin, witin sika yang swaki sasakriki ba.

Aiseya 25:9

Bara baha yua ra witin nani wibia: “Kaiks, naha sika yawan wan Gâdka, yawan lika witin ai bîla kaiki kan, nanara witin swaki wan sakan, yawan lilia kap witin swaki wan saki ba mita, yawan lilia daukpi.”

Aiseya 35:2

Tangnika ailal baiwbia, bara sin witin lilia aiwanbia, liliakira pali. Líbano mayunra ba witin ra yan kabia, Carmelo, Sarón prana ba sin tasba maura ra. Upla sut Dawan prana ba kaikbia, wan kingka Gâd prana ba.

Aiseya 41:27

Yang sika pas baha tânka nani Saion ra marikri ba, bara ya mita blikan Jerusalem ra bîla twatwilkra kum witin nani ra wiaia upla nani ba pat pali kli tawi balbia.

Aiseya 44:26

Sakuna yang duki dadaukra aisan ba, yabri daukisa bara bâk saki briri uplika ba lukanka nani ba pain baman takbia. Yang param sakisna, Jerusalem ba kli upla iwan kabia, bara Juda tawanka nani ra sin. Yang daukamni, kli bukan kabia slingwanka nani ba wina.

Aiseya 51:12

“Yang, yang sika, man nani maisam nihkra sna. ¿Man nani ya sîa mai daukisa? ¿Upla nani ra? ¿Upla praprura nani ba baha nani twi baku ba?

Aiseya 51:7

“Yang ra ai wals, man nani kasakka lâka kakaira sma ba, upliki nani lâika nani bîla kaikanka brisma ba. Swappara witin nani saura mai wi ba dukiara,

Aiseya 52:6

Sakuna yua ba balbia bara upliki nani ba kaikbia bara tânka bribia, yang aisari ba, yang sika Dawan.”

Aiseya 58:4

Kaiks man nani baha yua ra blahwi unsaban daukisma pana pana unsabaia mata, kaiki plun wahwisma, bara mihtam kruski watawi lâka ra uplikam ra prukaia dukiara sin. ¿Man nani lukisma baha sut kaiki plun wahwaia yua ra daukisma ba puram sunra ba walamna lukisma?

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Jirimaya 22:20

“¡Juda, Líbano ilka purara uli wins! ¡Bîlam baikra karna wins Basán ilka nani ra! ¡Abarim kiuhsika nani ba wina wins lamtwankira nani ra pat pura luan bamna!

Jirimaya 29:11

Yang kaikisna man nani dukiam dîa daukaia lukisna ba, man nani ra yamni takaia daukaia sna, saura lika apia, man nani bîla kaikanka aihwa kum brima lukanka wal. Yang, Dawan, kasak aisisna.

Nahum 1:15

¡Kaiks! ¡Il nani pura bâk pat aula sa, kupia kumi takaia sturka ba brih aula uplika ba! Juda, liliakam dauks, man pramiskam nani ba alki dauks. Upla saurakira nani ba, kli aima wala ra sin mai kutbi alkbia apia; witin nani ba aiska pali sauhki tikan sa.

Luk 24:47

bara ai nina ba nisan nani sut ra aisi smalkan kabia, Jerusalem ba wina tâ krikaia baha nani ra sin wiaia, ai saurka nani ba wina ai kupia lakbia, bara baku mika ai saurka nani ba sut swin tikan kabia.

Apastil Nani Sturka 2:14

Bara Pita mahka buan, apastil wala 11 ba aikuki, bara naku ai bîla baikra karna ni aisin: —Judia uplika nani sut, Jerusalem ra iwi nani sma ba sin, naha tânka na kasak pali kaiki bas, bara yang dîa mai wimna ba sin pain wals.

Apastil Nani Sturka 4:13

Aidrubanka wihtka nani ba mita kaikan, Pita Jan wal lika sibrin âpu kira aisi kan, bara kaikan baha nani wauhkataya uya lan takras kan, upla wala nani wal baku. Bamna tâ iwi banhwata, kan latan kaikan naha nani Jisas wal tauki kan.

Apastil Nani Sturka 4:29

Bara nanara, Dawan, kaiks witin nani sirang wan iki ba, kuna man nampakan nani ra kupia karna dauks, man smalkankam ba sibrin âpu aisaia ba dukiara.

Roman 10:18

Kuna makabi walisni: ¿Smalkanka ba witin nani walras kan ki? ¡Latan witin nani ba walan! Ulbanka ba wisa: “Witin nani bîla baikra ba tasba aiska ra wan, bara witin nani bîla aisinka nani ba sin tasba paskan ba kat wan.”

Epesus 6:19

Yang dukira sin puram suni bas, aisaia awarka ra Gâd mita bîla nani aikka aisamna, bara baku mika yang sip kamna swaki sakan sturka yamni yukukan ra ba sibrin âpu param aisaia.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

1 Pita 3:14

Sakuna man nani rayakam wapni ba tâwan pât wahwi kama kra, kuna lilia kama. Upla kumi ra sin sîa yapara, si bripara,

Wihta Nani 9:7

Jotam baha sturka ba walan ba ra, witin Guerizim ilka purara plapi ulan, bara il pura ba wina ai bîla baikra karna wini aisin, tawan uplika nani ba sut walaia dukiara: “¡Siquem uplika nani, man nani bui yang ra pain ai wals! ¡Bara Dawan sin man nani ra baku mai walbia!