Aiseya 40:31 - DAWAN BÎLA AISKA

³¹ sakuna Dawan bîla kaiki luki nani ba, witin nani karnika raya bribia, witin nani yakal tara nani baku ai tnawa nani buki pâlbia; sip kabia plapaia bara bahkia takbia apia, bara sin wapbia swapras kira.

Aiseya 40:31 ပူးပေါင်းရင်းမြစ်များ

Job 17:9

Bara aisisa witin nani ba upla kasakkira sa, bara ai mihta nani ba tâski âpu sa.

Lawana Nani 103:5

Witin âiyapah kaia yamnika aikisa, bara sin wahma ai sakisa, yakal kum baku.

Lawana Nani 123:2

Dawan wan Gâdka, man kat mai kaiki mamkabi banhwisni, alba waitna ai dawanka mihta kat kaiki ba baku, alba mairin ai dawanka mairin mihta kat kaiki ba baku, baku bîla kaikisna witin ai kupia yamnika aikbia.

Lawana Nani 138:3

Yang bui man ra mai winri bara pana yang ra aisaram, bara man kupi ba karna daukram.

Lawana Nani 20:9

Dawan, ¡king ra yas pura lubia! ¡Yang nani bui man ra winamna ba ra, pana ai aisas!

Lawana Nani 25:21

Wapni sna ba lâka bara pâtkas sna ba sin, kaini sunanka bri kabia, kan yang lika man ra baman kasakka lâka brisna.

Lawana Nani 25:3

¡Baha nani man ra bîlam kaiki ba, kumi sin swirka swira takbiara! ¡Baha nani kaiki lâ kriki ba, mampara bûi ba mita ai swira takbia!

Lawana Nani 25:5

taipahks, kasakkam tânka yabalka ra ai brih was, man sika yang Gâdki, Sasakriki sin. ¡Awar bani man ra lukisni!

Lawana Nani 37:34

Man Dawan kat luki bîla wali bas, witin mita purara mai bukbia, bara tasbaya ba man dukiam pihni bri iwaia maikbia. ¡Namkra nani ni kaikma watawikira nani sauhki tikanka ba!

Lawana Nani 40:1

Yang kupi lukra ba, Dawan ra baman bîla kaikanka brisatni; bara witin bui yang ra tawi winanki nani ba walan;

Lawana Nani 84:7

karnika kau tara daukan kabia, bara Saion ra lika Gâd karnika tara bri ba kaikbia.

Lawana Nani 84:8

Dawan, Gâd karnika sut bri ba Jekob Gâdka, ¡puri sunra na wals!

Lawana Nani 92:1

Dawan Laih Purara iwisma ba, ¡nahki painkira sa man ra tingki mai wiaia ba, man ra mai kulkaia bara lawana sin aiwanaia bal!

Lawana Nani 92:13

Baha nani Dawan tempelka ra mangkan kabia; tempel bilara kutbanka painkira ra, Gâd bui yan pâwi ba baku.

Impakan Sturka 19:4

‘Yang bui Idsip uplika nani ra dîa daukri ba, man nani pat kaikram bara nahki man nani sin yang nâra sna na kat mai bri balri na, yakal tara kum tnawa ra mai mangki baku mai bri balri.

Sins Lâka 30:19

Yakal tara yabalka ba kasbrika purara sa, piuta yabalka ba walpa tara purara sa, duri tara kum yabalka ba kabu lalma ra sa, bara waitna yabalka ba mairin tiara ra sa.

Yamni Kulki Lawana 8:5

¿Naha na ya sa ki, upla iwras tasbaya ba wina taki aula ba, ai latwankira waitna pahpaya ra prawi? Apil dusa kum mununhtara yapram ba wina mai bukri: baha pliska ra man yaptikam aisubaia latwanka brin ba, bahara man yaptikam mai baikan.

Aiseya 25:9

Bara baha yua ra witin nani wibia: “Kaiks, naha sika yawan wan Gâdka, yawan lika witin ai bîla kaiki kan, nanara witin swaki wan sakan, yawan lilia kap witin swaki wan saki ba mita, yawan lilia daukpi.”

Aiseya 30:15

Dawan, Israel Gâdka Holikira ba, naku aisin: “Man nani kli tawi bal, âmyapah bas, bara swaki mai sakan kabia. Âmyapah kaia kasak lukaia ba wina karnikam ba bâra kabia.” Sakuna man nani baha briaia apia wiram,

Aiseya 30:18

Sakuna Dawan lika man nani bîlam kaikisa, man nani dukiamra ai kupia swapni brisa; witin bîlam kaiki latwan mai kaiki ba mamrikisa, kan Dawan Gâd ba kasakkira sa. ¡Lilia pali sa baha nani witin kat ai lukanka mangki bri ba!

Aiseya 41:1

“Man nani kabu un ra iwi uplika nani, sâp taki yang ra wals. Nisan nani aiklabaia dukia nani bri karnikam aiska ni, ridi taki banhs. Bali banhs bara kaisa wal aisi kaikaia naha tânka dukiara; kaisa asla taki sturi aisi kaikaia.

Aiseya 64:4

Witin nani baku pali kau walras bara kaikras kan, man tnamya ra gâd wala âpu sa baha dukia sâtka nani daukaia, witin ra kasak luki uplika nani ba dukiara.

Aiseya 8:17

Dawan ba Jekob uplika nani wina yukuwi kabia sin, yang lika witin ra kasak lukisna. Witin kat kaiki bîla kaikisna.

Jirimaya 48:15

Moab bara tawanka nani sasauhkra ba pat aula; wahmika kau painkira nani ba prubia. King ba kasak aisisa, witin ai nina ba sika Dawan karnika sut bri ba.

Sakaraya 10:12

Witin nani ra karnika nani yabamna, bara yang nini mâki witin nani ai kainara impakbia. Yang, Dawan, bîli aisisni.”

Luk 18:1

Jisas naha maprika lilka na aisin, baha nani ra marikaia dukiara nahki swapras kira ai pura sunaia ba.

Roman 8:25

Sakuna yawan bîla kaiki dukia ba sip kau kaikras sa kaka, wan kupia alki takaski baha ba bîla kaikaia sa.

2 Korint 4:1

Ba mita, yang nani lukanki ba kauhras, kan Gâd umpira wan kaiki ba lâka ra naha warkka ra wan mangkan bamna.

2 Korint 4:16

Baku ba mita piua kumi sin yang nani si briras. Wan wîna tara ba tawa tawa mâyara iwisa sakuna, wan spiritka lika yu bani kau raya sakisa.

Galesha 6:9

Baha mita, yawan diara pain dauki swapaia apia sa; kan swapras kaka, piua pali ba kat yawan mana ba krikbia.

Kli Smalkanka 32:11

Yakal ai watla bilara ai tnawa balhbi, bara ai luhpia ra pâlaia smalki ba, baku Dawan ai tnawa nani ba sakbi man nani ba mai bri pâli wan.

Kli Smalkanka 33:25

bras bara ayan wal kabia durkam ba, karnakira kama rayakam aiska ra.

1 Tesalonaika 1:10

Bara baha nani sin aisisa, nahki man nani lika Gâd Luhpia Jisas kasbrika pura wina balbia ba bîla kaikisma ba, witinka ba sika Gâd mita pruan nani tila wina kli bukan ba. Witin mita sika pât saura aula ba wina swaki wan saki ba.

Hibru Nani 12:1

Baha mita, yawan lika witnis ailal kutbi kir wan brisa. Baku bamna, dîa dîa yawan mapara wirha wan muni ba bara saurka mita wan blaki ba sin tnaya ra laki swip, bara wan kainara plapaia yabalka bri ba ban bapi buaia lâka ni plapi kap.

Hibru Nani 12:3

¡Man nani Jisas dîa daukan ba kat luki bas, nahki upla saurakira nani mihta ra kasak pât wahwan ba! Baha mita, man nani swappara, dring sin iwpara.

Jasua 14:11

sakuna kau karnika manis brisna baha yua Moses ai blikata ba baku tasba ba tânka pliki kaikaia, bara sip sni ban kau watauki bara aiklabaia.

Param Marikanka 12:14

Sakuna mairin bara yakal tnawa tara wâl yan kan, upla iwras tasbaya pliska ba ra pâli wabia wisi; mani yumhpa pura bakriki witin ra plun dakaki kaia kan ba pliska ra, piuta ba wina laihura bâra kaia.

Param Marikanka 2:3

Kasak bapi buram sa, bara yang tâiwan kasak pât wauhram bara wark sin uya takram, swapras pali.

Param Marikanka 4:7

Diara rayakira pas ba layan baku kan; wala ba bîp bul baku kan; yumhpika ba mawan lika upla mawan baku kan; walhwalka ba lika yakal kum pâli baku kan.

Wihta Nani 16:28

Bara Samson Dawan ra ai pura suni kan, witin naku win: “Dawan, yang bui man ra puri sunisni, kau naiwa aima kumi pan man bui yang ra luks, karnika aik filisteo nani naikra wâl daikan ba mana kau aima kum mana sakamna, naha na yui tnata kabia.”