Aiseya 40:19 - DAWAN BÎLA AISKA

¹⁹ Diara wina karbi lilka papaskra nani ba, diara lilka daukisa bras wina, bara gul ni lalaubisa, silbar ba slilki diara awa lipni nani ba paskisa.

Aiseya 40:19 ပူးပေါင်းရင်းမြစ်များ

Lawana Nani 135:15

Lukras aidulka nani ba, gul bara silbar sa; upla ai mihta nani ni paskan dukia sa.

Lawana Nani 135:18

Baha aidulka nani wal baku sa, ya nani bui paski ba; bara ya nani bui kasak luki ba.

Aiseya 2:20

Upla nani gul ni bara silbar ni bahara mayuni kaia paskan ba, aidulka nani ba, baha yua ra, matis nani ra bara sakangki nani ra lulki yaban kabia.

Aiseya 2:8

¡Sakuna aidul nani sin banhwan sa! Upla ai mihta ni paskan gâdka nani ra mayunisa, ai mihta sirpika nani ni paskan ba.

Aiseya 30:22

Bâra lika lilka nani daukram ba, silbar ni lalaubi paskram ba tâski kulkma, lilka nani karbi daukram prâka nani gul ni slilki daukram ba sin. Bara baha nani ba tnaya ra lakma kwala tâski wan âuya warbi ba baku; witin nani ra wima: latara taki was.

Jirimaya 10:9

Aidulka nani silbarka ba Tarsis wina bri balan, gulka nani ba sin Ufaz wina bri balan; diara lilka karbi slilki dauki paski uplika nani paskan ba bara kwala balianta pauni ni prâka sipisa, baha sut ba âuya mâira diara paski uplika nani ba paskan.

Daniel 5:4

Sut ba wain dih ai aidul nani ra mayuni banhwan, baha dawanka nani ba paski daukan kan gul, silbar, bras, ayan, dus bara walpa wal.

Wihta Nani 17:4

Micaías baha lalahka ai yaptika ra kli yaban ba ningkara, yaptika taki wan silbar ni diara papaskra waitnika kum ra, bara silbar mâ 200 yaban gâd bahki kum karbi paskaia, bara silbarka ba slilki taya pura ba lalaubaia. Baha paskbia ba ningkara, gâdka bahki ba Micaías watla ra bri si swibia.