Aiseya 40:10 - DAWAN BÎLA AISKA

¹⁰ Kaiks, Dawan ba ai karnika wal aula bara witin Dawan aimakbia. Ai uplika nani brih aula witin holi atki saki brin ba.

Aiseya 40:10 ပူးပေါင်းရင်းမြစ်များ

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

Lawana Nani 110:6

witin nisan nani mapara lâka daukbia; upla pruan nani wîna ba paski swibia; ¡tasba bani ra upla lal nani ba yaka pana pana prukbia!

Lawana Nani 66:3

Man nani bui Gâd ra wis: “¡Man warkkam nani ba aihkakira sa! Man karnikam tara ba mita man waihlam nani ba sirang iwi mamwanra kauhi banhwisa.

Aiseya 28:2

Kaiks Dawan nâra brisa, waitna kum karna pali, pâsa baku karnika brisa, lî diara sauhkaia auhi ba baku, kauhla pâsa krawi ba baku karna sa, lisamra dingkaia laya auhi ba baku sa, lisamra tara aubrika karna platukbi ba baku sa karnika ba wal tasba ba sauhkisa.

Aiseya 33:2

Dawan, yang nani ra umpira ai kaiks, yang nani lika man bîlam kaikisna. Man bui yang nani tâi baiki ai bris titan bani, wan trabil tara piua ra sin man wan swaki wan sakisma.

Aiseya 49:4

Bara yang pat luki kaikatna: “Yang bahki ra wark takri, diara sin sakras, yang karniki nani ban tikri diara bahki ra.” Sakuna yang dîa daukri ba lika Dawan mihta ra sa, bara yang maina ba Gâdki ai karnika brisa.

Aiseya 51:5

Yang pura luaia ba pat baila pali sa, swaki mai sakaia lâka ba aula sa, yang klaihkla nani ba upla nani lâka daukbia; kabu un ra iwi nani ba sut yang bîli kaikisa, yang karniki ra bîla kaikanka brisa.

Aiseya 53:12

Baha mita Gâd bui witin ra pliska kum yabia upla tara nani tilara, karnikira nani ba aikuki tilara pura lubia, kan witin pruaia ai wîna ba yan, watawikira nani tilara kulkan kata, kan kasak pali sika upla manis upla saura ba witin twilkan upla saura nani tâwan ai pura sunan.

Aiseya 59:15

Bara kasakka lâka briaia ba lap tiwan, bara ani uplika saura wina tnaya ra tawan nani dîa bri ba implikisa. Dawan ba ai kupia baikan, kaikan piua ra kasak tânka âpu kan.

Aiseya 59:16

Dawan witin baha kaiki tâ iwan, bara aihka lukan upla kumi sin âpu kan, witin tâwan aimakaia ba; bara Dawan ai karnika ba ni wark daukan, ai kasakka lâka ba dauki pura luan.

Aiseya 59:18

Dawan mita upla kumi bani ra dîa daukan ba praiska kat mana aibapbia; ai waihla nani ra klala yabia; witin ra misbara kaiki nani ba mana dîa briaia ba kat yabia; kabu un ra iwi kuntrika nani ba ra sin.

Aiseya 62:11

Dawan mita naha sturka na maisa pakisa tasba aiska ra upla sut walaia: “Man nani Saion tawanka ra wis: Kaiks man sasakrikam ba pat aula. Dawan lika ai uplika nani ba wal aula, ai warkka daukan ba mana witin ai mawanra yabia.”

Aiseya 63:5

Kaiks upla kumi sin âpu kan hilp ai munaia; bara yang aihka luki tâ iwi kaikri, ya pan sin tâi baikaia âpu kan ba. Bara yang klaihkla ba mita pura luaia ba aikan, bara yang kupi baiwanka ba mita tâi baikan.

Jirimaya 31:16

Sakuna Dawan bila wisa: “Raquel, kau inpara; kau namkra laya sâkpara, kan latwankam mana prisant brima: luhpiam nani kli waihla tasbaya wina balan kabia. Yang, Dawan, kasak aisisna.

Malaquía 3:1

Dawan karnika sut bri ba, naku aisisa: “Yang blikaisna bîli twatwilkra ba yabalki ba mahka daukaia. Man nani plikisma Dawankam ba, witin pat pali bal ai tempelka ra dimbia. ¡Man nani wal lâ daukaia bîla twatwilkra bîla kaikisma ba pat aula!”

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Jan 12:13

Bamna dus wahia nani klaki brih taki wan Jisas wal prawaia, naku sin witin nani wini kata: —¡Mayunra! ¡Yamni pali sa, witinka Dawan nina brih aula ba, yamni pali sa Israel Kingka ba!

Jan 12:15

“Si bripara, Saion tawanka; kaiks, man Kingkam ba aula, biriku kum purara uli.”

Hibru Nani 2:14

Utla uplika kum luhpia nani ba, sim wîna bara sim tâlia brisa; baku sin, Jisas ba upla wîna bara tâlia sin bri kan, bara baku lika witin sip kaia kan ai pruanka ba ni dibil upla ikaia karnika bri kata ba, sauhki tikaia.

1 Jan 3:8

Sakuna ya saurka lâka baman dauki taukisa kaka, witin lika dibil wina ba mita, kan dibil lika tâ pali yua wina saura dadaukra sa. Bamna Gâd Luhpia balan ba lika, dibil warkka ba sut âpu daukaia dukiara.

Param Marikanka 17:14

Witin nani Sîp Luhpia ba mapara aiklabi kabia, sakuna Sîp Luhpia ba witin nani pura lubia; kan witin ba Dawan nani dawanka sa, King nani kingka sin, bara witin wal nani ba lika, Gâd mita paiwan sa bara wahbi sakan sa, bara kasak sin banhwisa.”

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.

Param Marikanka 22:12

“Âu, yang aihni aulni. Kumi bani ra mana yabaia sna ba yang brisna, bara dîa daukan ba kat yang mana ba yabamni.