Aiseya 38:13 - DAWAN BÎLA AISKA

¹³ Tihmia aiska titan kat yang inri, layan kum mita dusi nani ba sut akban baku. Kakna ra bara tihmia ra aikram pât wahwisna.

Aiseya 38:13 ပူးပေါင်းရင်းမြစ်များ

1 King Nani 20:36

Bara prapit ba win: —Dawan bîla wali daukras kapram bamna, man ba yang wina taki wama ba ra, layan kum mita mai ikbia. Bara prapitka baha wina taki wan ba ra layan kum wal prawan, bara witin ra ikan.

Job 7:6

Yui nani ba tnata alkuya sa, bîla kaikanka âpu kira, kwala mamaia masinka pat pali mami ba baku sa.

Lawana Nani 32:4

Kakna ra bara tihmia ra sin, man mihtam purira wirha ai taibi kan bamna, mani lapta mita, tangni srawi ba baku, yang swapni ai saki kan.

Lawana Nani 39:10

Man klalka ai wipisma ba, yang wina sâks, yang na âpu ai daukuma sa, man mihtam ai prukanka ba mita.

Lawana Nani 50:22

“Man nani naha tânka na pain bris, man nani Gâdkam ra âmya tikisma ba, yang wînam ba yuya baman mai daukras sna ba ra, baha mai daukamna bara upla kumi sin mai dakbi mai sakaia âpu kabia.

Lawana Nani 51:8

Âuyapah bara lilia lâka wal ai banhs; kli lilia lâka ra kupi ba raya dauks, kan kupi ba krikram sa.

Lawana Nani 7:2

¡Swaki ai sâks, kan witin nani ba layan nani baku sa; swirka witin nani bui wîni ra bisbiara, swaki ai sakaia ba âpu kabiara!

Lawana Nani 90:5

Man upla nani ra saura pali, lisamra baku raski brih auma, sim yaprisauhkan kum baku;

Inanka Nani 3:4

Witin bui yang wîni taya srikan, wîni tara sin almuk sakan, bara dusi nani sin kriki pîs ra daukan sa;

Daniel 6:24

Baha ningkara, king bui win Daniel dahra kwahkan waitnika nani ba wih brih balbia, ai maya nani, ai luhpia nani aikuki layan nani watla ra lulkan, baha nani ba kau tasba ra iwras kan taim, layan nani ba mita alki drusbi pin.

Oseas 5:14

Layan kum daiwan ra alki ba baku, yang Efraín bara Juda ra alkamna; yang bui witin nani ba alki, yuya man dauki si swih mahka wamna; witin nani ba raski brih wamna, bara upla wala âpu kabia, yang wina dakbi sakaia.